ກົມລ້ຽງສັດ ແລະ ການປະມົງ ໃຫ້ຮູ້ວ່າ:
ປັດຈຸບັນ ເຖິງວ່າການຜະລິດອາຫານເຊັ່ນປະເພດຊີ້ນ-ປາຕ່າງໆໃນລາວເຮົາໄດ້ມີການຂະຫຍາຍຕົວຫລາຍສົມຄວນ,
ແຕ່ສ່ວນໜຶ່ງກໍຍັງຜະລິດພຽງກຸ້ມກິນພໍໃຜພໍລາວເທົ່ານັ້ນ, ສ່ວນກຸ່ມຜະລິດເປັນສິນຄ້າແມ່ນຍັງມີໜ້ອຍ
ຖ້າມີກໍແມ່ນມີຢູ່ບາງຕົວເມືອງໃຫຍ່ເທົ່ານັ້ນ ຈຶ່ງເຮັດໃຫ້ການສະ ໜອງປະເພດອາຫານດັ່ງກ່າວບໍ່ທັນພຽງພໍກັບຄວາມຕ້ອງ
ການຂອງສັງຄົມໄດ້. ດັ່ງນັ້ນ ຈຳເປັນຕ້ອງໄດ້ນຳເຂົ້າຈາກຕ່າງປະເທດເປັນຈຳນວນຫລາຍສົມຄວນ.
ສະເພາະເດືອນກຸມພາຜ່ານມາ ການນຳເຂົ້າຊີ້ນ-ປາຈາກ ສສ ຫວຽດນາມ, ໄທ ແລະ ສປ ຈີນ ມີປະມານ
24 ໂຕນກວ່າ, ສ່ວນຫລາຍແມ່ນຊີ້ນໝູ, ຊີ້ນງົວ, ໄກ່ປອກ ແລະ ອາຫານທະເລກໍມີຈຳນວນເພີ່ມຂຶ້ນເຖິງ
7 ໂຕນ. ນອກນັ້ນ ກໍຍັງໄດ້ນຳເຂົ້າແນວພັນສັດປະເພດຕ່າງໆຈຳນວນຫລາຍກວ່າ
25.600 ໂຕ, ໃນນັ້ນ ມີພໍ່ແມ່ໝູພັນ, ໄກ່ໄຂ່ ແລະ ປະເພດສັດປີກອື່ນໆ ແລະ
ຄຽງຄູ່ກັນນີ້ ລາວເຮົາຍັງໄດ້ນຳເຂົ້າຫົວ ອາ ຫານສັດເປັນຈຳນວນຫລວງ ຫລາຍເຊັ່ນດຽວກັນ
ໂດຍສະເພາະເດືອນໜຶ່ງຈະມີປະມານ 8-10 ໂຕນ.
ສ່ວນການຜະລິດ ແລະ ການຕອບສະໜອງຊີ້ນ-ປາຢູ່ພາຍໃນປະເທດ
ສະເພາະເດືອນກຸມ ພາຜ່ານມາ ບັນລຸໄດ້ ຄືງົວ- ຄວາຍ ມີປະມານ 47.600 ກວ່າໂຕ, ໝູ
ແລະ ແບ້ 27.000 ກວ່າໂຕ, ສັດປີກປະມານ 297.000 ກວ່າໂຕ, ປາຫລາຍກວ່າ 540 ໂຕນ,
ໄຂ່ໄກ່ຫລາຍກວ່າ 1 ລ້ານໜ່ວຍ.
ຜູ້ຮັບຜິດຊອບວຽກງານດັ່ງ ກ່າວຍັງໃຫ້ທັດສະນະວ່າ:
ປັດ ຈຸບັນ ລາວເຮົາຈະຕ້ອງໄດ້ເພີ່ມຄວາມພະຍາຍາມສູງໃນການຜະລິດສະບຽງອາຫານ
ໂດຍສະເພາະປະເພດອາຫານ ຕ້ອງກະ ຕຸກຊຸກຍູ້ໃຫ້ສັງຄົມຜະລິດເປັນສິນຄ້າຫລາຍຂຶ້ນໂດຍການ
ວາງນະໂຍບາຍຕ່າງໆທີ່ເປັນການສົ່ງເສີມການຜະລິດເປັນສິນຄ້າຢ່າງແທ້ຈິງເຊັ່ນ:
ນະໂຍບາຍພາສີ, ການຕອບສະໜອງແນວພັນ ແລະ ການສົ່ງເສີມການຕະຫລາດໃຫ້ມີປະສິດທິຜົນສູງຂຶ້ນ.
No comments:
Post a Comment