ກອງປະຊຸມວິຊາການທ່ອງທ່ຽວອາຊຽນໄຂຂຶ້ນຢູ່ແຂວງຈຳປາສັກ

           ກອງປະຊຸມວິຊາການທ່ອງທ່ຽວອາຊຽນໄດ້ໄຂ ຂຶ້ນ ຢ່າງເປັນທາງການຢູ່ແຂວງຈຳປາສັກໃນວັນທີ 19 ມີນາ 2013 ທີ່ໂຮງແຮມຈຳປາສັກແກຣນ ໂດຍການເປັນກຽດເຂົ້າຮ່ວມ ຂອງທ່ານດຣ ບຸນຖອງ ດິວິໄຊ ຮອງເຈົ້າແຂວງໆຈຳປາສັກ, ທ່ານ ສູນ ມະນີວົງ ຫົວໜ້າກົມພັດທະນາການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ເອັສດີ ຄຣີເມິດ ໂຊເອມາວີລາກາ (MR EddY KrismeidySoemawilaga) ເຈົ້າໜ້າທີ່ອາວຸໂສກອງ ເລຂາອາຊຽນປະຈຳເມືອງຈາກາຕ້າປະເທດອິນໂດເນຍເຊຍພ້ອມດ້ວຍບັນດາຄະ ນະພັກຄະນະການນຳຈາກກະຊວງ (ຖວທ) ແລະ ຜູ້ແທນຈາກ 10 ປະເທດອາຊຽນເຂົ້າຮ່ວມ.

          ໃນພິທີ ທ່ານ ດຣ ບຸນຖອງ ດິວິໄຊ ຮອງເຈົ້າແຂວງໆຈຳປາສັກໄດ້ຂຶ້ນກ່າວລາຍງານຕໍ່ກອງປະຊຸມວ່າ:ແຂວງຈຳປາ ສັກມີຄວາມປິຕິຍິນດີເປັນຢ່າງຍິ່ງທີ່ໄດ້ຮັບກຽດອັນສູງຮ່ວມກັບກະຊວງ (ຖວທ) ເປັນເຈົ້າພາບຈັດກອງປະຊຸມວິຊາການດ້ານ ການທ່ອງທ່ຽວອາຊຽນໃນປິ 2013 ທັງນີ້ ເພື່ອເປັນການຜັນຂະຫຍາຍກອງປະຊຸມລັດຖະມົນຕີອາຊຽນທີ່ ສປປ ລາວ ເປັນ

ເຈົ້າພາບໃນເດືອນມັງກອນທີ່ຜ່ານມາຢູ່ນະຄອນຫຼວງວຽງຈັນພາຍໃຕ້ຫົວຂໍ້ທີ່ວ່າ “ອາຊຽນຈັບມືກັນສ້າງສັນອະນາຄົດ ” ທັງນີ້ກໍ ເພື່ອກຽມພ້ອມສ້າງປະຊາຄົມເສດຖະກິດອາຊຽນ, ທ່ານກ່າວຕື່ມວ່າ:ອາຊຽນແມ່ນວົງສາຄະນາຍາດໃຫ່ຍໃນພາກພື້ນອາຊີອາ ຄະເນທັງມີຄວາມຫຼາກຫຼາຍທາງດ້ານພາສາ ແລະ ວັດທະນະທຳຮີດຄອງປະເພນີທີ່ຄືກັນ ແລະ ແຕກຕ່າງເຊິ່ງສິ່ງນັ້ນ ແມ່ນໄດ້ສືບທອດມາຈາກບັນພະບູລຸດຂອງຕົນເປັນເວລາຫຼາຍປີພ້ອມດຽວກັນນັ້ນອາຊຽນຍັງເປັນແຫຼ່ງທີ່ມີທຳມະຊາດແລະສິ່ງແວດ ລ້ອມທີ່ອຸດົມສົມບູນ, ມີແຫຼ່ງທ່ອງທ່ຽວທີ່ສົດສວຍງົດງາມ, ມີປະຫວັດຄວາມເປັນມາອັນເກົ່າແກ່ ແລະ ຮຸ່ງເຮືອງແຕ່ລະ ຍຸກແຕ່ລະສະໄໝຈົນກາຍມາເປັນບູຮານສະຖານ ແລະ ປຸລະຍິສະຖານທີ່ງົດງາມແລະຊ່າລືມານານ, ເຊິ່ງທັງໝົດເລົ່ານັ້ນຄືທ່າ ແຮງໃນການພັດທະນາເສດຖະກິດລວມຂອງຊາດໂດຍສະເພາະກໍຄືການພັດທະນາການທ່ອງທ່ຽວເຊິ່ງກໍແມ່ນໜຶ່ງບຸລິມະສິດ ຂອງລັດຖະບານແຕ່ລະປະເທດໃນທະວີບອາຊີຈົນມີການເຕີບໃຫ່ຍຂະຫຍາຍຕົວຢ່າງບໍ່ຢຸດຢັ້ງເຊັ່ນ: ໃນປີ 2011 ມີນັກທ່ອງ ທ່ຽວສາກົນເຂົ້າມາທ່ຽວໃນບັນດາປະເທດອາຊຽນເຖິງ 81,2 ລ້ານ ຄົນອັນໄດ້ປະກອບສ່ວນເຂົ້າໃນການພັດທະນາເສດຖະ ກິດສັງຄົມຂອງແຕ່ລະປະເທດໄດ້ເປັນຢ່າງດີ.

          ສປປ ລາວກໍເປັນປະເທດທີ່ອຸດົມສົມບູນດ້ານທຳມະຊາດ ແລະ ປຸນິຍະສະຖານທີ່ມີຊື່ສຽງ ແລະ ຄວາມງົດງາມອີກ ປະເທດຫນຶ່ງໃນບັນດາ 10 ຊາດອາຊຽນ ໂດຍສະເພາະຢູ່ແຂວງຈຳປາສັກ ແມ່ນມີສະຖານທີ່ທ່ອງທ່ຽວທາງດ້ານທຳມະຊາດ ທີ່ງົດງາມ ແລະ ລືຊື່ ເຊັ່ນ: ນ້ຳຕົກຕາດຄອນພະເພັງ, ວັດພູຈຳປາສັກມໍລະດົກໂລກແຫ່ງທີ II ຂອງ ສປປ ລາວ ນອກນັ້ນ ຍັງມີ ແຫຼ່ງທ່ອງທ່ຽວທາງດ້ານວັດທະນະທຳແລະທຳມະຊາດທີ່ອຸດົມສົມບູນອີກ100ກວ່າແຫ່ງເຊິ່ຊັບພະຍາກອນທຳມະຊາດເລົ່ານີ້ ຄືທ່າແຮງແຫ່ງການພັດທະນາເສດຖະກິດ​ສັງຄົມຂອງແຂວງ, ສາມາດເອື້ອອຳນວຍໃຫ້ແຂວງຈຳປາສັກມີການພັດທະນາເປັນ ກ້າວໆຕໍ່ໄປໂດຍສະເພາະກໍຄືການພັດທະນາດ້ານການທ່ອງທ່ຽວອະນຸລັກເຊິ່ງຈະສາມາດພັດທະນາການທ່ອງທ່ຽວໃຫ້ເປັນອຸດສະຫະກຳຂຽວປາສະຈາກຄວັນໄຟ ແລະ ອາຍພິດເປັນສະຖານທີ່ພັກຜ່ອນແຫ່ງໄໝ່ທີ່ໜ້າມາທ່ຽວຊົມທີ່ສຸດສຳລັບອະນຸພາກ ພື້ນອາຊີຕາເວັນອອກສ່ຽງໃຕ້.