ລັດຖະບານຍີ່ປຸ່ນໄດ້ໃຫ້ທຶນ
ຊ່ວຍເຫລືອກໍ່ສ້າງສູນເຝິກອົບຮົມພະນັກງານສາທາລະນະສຸກແລະ
ອາສາສະໜັກຂັ້ນບ້ານຢູ່ເມືອງເຊໂປນ ແຂວງສະຫວັນນະເຂດມູນຄ່າ 106.301
ໂດລາສະຫະລັດຊຶ່ງໂຄງການດັ່ງກ່າວແມ່ນການຮ່ວມມືລະຫວ່າງພາກລັດ-ເອກະຊົນຂອງຍີ່ປຸ່ນປະກອບມີ
4 ຝ່າຍຄື ລັດຖະບານຍີ່ປຸ່ນ,ສະຖາບັນຄົ້ນຄວ້າເພື່ອມະນຸດ ແລະ
ທຳມະຊາດ,ບໍລິສັດ HiTachi ແລະ ມະ
ຫາວິທະຍາໄລແຫ່ງຊາດນາກາຊາກິຮ່ວມກັນກໍ່ສ້າງສູນ ແລະ
ສະໜອງອຸປະກອນເຄື່ອງມືທີ່ຈຳເປັນ,
ເຄື່ອງເຟີນີເຈີພ້ອມທັງສົ່ງບັນດາຜູ້ຊ່ຽວຊານສຳລັບການເຝິກອົບຮົມການແພດ
ແລະ
ການຄຸ້ມຄອງບໍລິຫານ.ສູນເຝິກອົບຮົມແຫ່ງນີ້ຈະຊ່ວຍຍົກລະດັບທາງການແພດ
ແລະ ພັດທະນາຄວາມອາດສາມາດໃຫ້ແກ່ບຸກຄະລາກອນສາທາລະນະສຸກຈຳນວນ 628
ຄົນ,ໃນນັ້ນລວມມີພະນັກງານປະຈຳສຸກ ສາລາ 74 ຄົນ, ອາສາສະໜັກສຸກສາລາ 34 ຄົນ ແລະ
ອາສາສະໜັກບ້ານ 520 ຄົນ.ນອກນັ້ນຍັງຊ່ວຍສົ່ງເສີມປະ ຊາຊົນ 167.315 ຄົນ ຈາກ
331 ບ້ານ ຂອງ 4 ເມືອງໃຫ້ຫັນມາຮັກສາສຸຂະພາບ, ຮຽນຮູ້ວິທີປ້ອງກັນ ແລະ
ຮັບມືກັບໂຣກໄພໄຂ້ເຈັບຕ່າງໆ.
ມາຮອດປັດຈຸບັນ,ລັດຖະບານ
ຍີ່ປຸ່ນໄດ້ໃຫ້ການຊ່ວຍເຫລືອດ້ານສາທາລະນະສຸກໂດຍຜ່ານໂດຍການGGP ແລ້ວ 69
ໂຄງການ ແລະ ໃນວັນທີ 26 ມີນາ 2013 ນີ້ ກໍໄດ້ລົງນາມເອກະສານແລກ
ປ່ຽນກັບພະນະທ່ານ ດຣ ທອງລຸນ ສີສຸລິດ ຮອງນາຍົກລັດຖະ ມົນຕີ,
ລັດຖະມົນຕີວ່າການກະ ຊວງການຕ່າງປະເທດເພື່ອຊ່ວຍເຫລືອກໍ່ສ້າງສຸກສາລາຈຳນວນ 45
ແຫ່ງ, ຫໍ
ພັກພະນັກງານ 25 ແຫ່ງ ແລະ ມອບອຸປະກອບການແພດຈຳເປັນໃຫ້ແກ່ 4
ແຂວງພາກໃຕ້, ລັດຖະບານຍີ່ປຸ່ນເຫັນເຖິງຄວາມສຳຄັນ ແລະ ຈະສືບຕໍ່ໃຫ້ການຊ່ວຍເຫລືອເພື່ອປະກອບສ່ວນເຂົ້າໃນວຽກງານພັດທະນາຂະແໜງສາທາລະນະສຸກລາວຕໍ່ໄປ.
ພີທີເຊັນສັນຍາຊ່ວຍເຫລືອໂຄງການດັ່ງກ່າວໄດ້ຈັດຂຶ້ນໃນວັນທີ
27 ມີນາ 2013 ຢູ່ກະຊວງສາທາລະນະສຸກລະຫວ່າງ ທ່ານ ນາງ ຈຸນໂກະ ໂຢໂກຕະ ເອກອັກ
ຄະຣາຊະທູດວິສາມັນຜູ້ມີອຳນາດເຕັມແຫ່ງປະເທດຍຍີ່ປຸ່ນຈຳ ສປປ ລາວ ແລະ ທ່ານ ດຣ ປົງສຸວັນ ພັນທະວົງສາ
ຮອງຫົວໜ້າພະແນກສາທາລະນະສຸກແຂວງ ສະ ຫວັນນະເຂດ
ໂດຍການເຂົ້າຮ່ວມເປັນສັກຂີພະຍານຂອງທ່ານ ສຈ ດຣ ເອກສະຫວ່າງ ວົງວິຈິດ
ລັດຖະມົນຕີວ່າການກະ ຊວງສາທາລະນະສຸກ, ທ່ານ ດຣ ປອນເມກ ດາລາລອຍ ປະທານສະມາຄົມມິດຕະພາບລາວ-ຍີ່ປຸ່ນ.
No comments:
Post a Comment