ເຈົ້າຫນ້າທີ່ຊີ້, ຜູ້ຂັບຂີ່ສ່ວນໃຫຍ່ຍັງບໍ່ເຄົາລົບລະບຽບຈະລາຈອນ

        ເຈົ້າໜ້າທີ່ຕຳຫຼວດຈະລາ ຈອນນະຄອນຫຼວງວຽງຈັນ ໃຫ້ຮູ້ວ່າ: ສະພາບຜູ້ລະເມີດ ກົດລະບຽບຈະລາຈອນ ຍັງມີ ທ່າອ່ຽງເພີ່ມຂຶ້ນເຖິງວ່າໄລຍະ ຜ່ານມາ,ທາງເຈົ້າໜ້າທີ່ຕຳ ຫຼວດຈະລາຈອ​ໄດ້​ເອົາ​ໃຈ​ໃສ່ ລົງໂຄສະນາ ແລະ ເຝິກອົບຮົມການຂັບຂີ່ໃຫ້ຜູ້ໃຊ້ລົດເຂົ້າໃຈກ່ຽວກັບລະບຽບການຈະລາຈອນທາງບົກຕາມທ້ອງຖະໜົນຫຼວງ, ແຕ່ສະພາບການລະ ເມີດກົດລະບຽບຈະລາຈອນ ຢູ່ໃນສັງຄົມກໍຍັງເພີ່ມຂຶ້ນໂດຍ ສະເພາະແມ່ນດື່ມສິ່ງມຶນເມົາ ແລ້ວຂັບຂີ່ລົດ, ຂັບລົດໄວ ແລະ ອື່ນໆ ຊຶ່ງເປັນສາເຫດພາໃຫ້ເກີດອຸປະຕິເຫດຕາມທ້ອງຖະໜົນຫລາຍ​ຂຶ້ນ​ເຊິ່ງສະ​ແດງ​ອອກ​ໃຫ້​ເຫັນໃນໜຶ່ງອາທິດຜ່ານມາໄດ້ກວດກາ ພົບເຫັນຜູ້ລະເມີດລະບຽບການສັນຈອນຕາມທ້ອງຖະໜົນ 600 ກວ່າຄົນ ​ແລະ ເຈົ້າໜ້າທີ່ກໍ​ໄດ້​ໃຫ້ການສຶກສາອົບຮົມ ແລະ ປັບ​ໃໝຜູ້ລະເມີດພ້ອມທັງກັກເອກະສານຕ່າງໆ ຕາມ​ລະບຽບ​ການ ນີ້ກໍ​ເນື່ອງ​ຈາກ​ວ່າ ຜູ້ຂັບຂີ່​ເຫລົ່າ ນັ້ນຍັງບໍ່ຄຳນຶງເຖີງໄພອັນຕະ ລາຍ ແລະ ຄວາມປອດໄພທາງ ຖະໜົນ. ອັນທີ່ຮ້າຍແຮງກ່ວາໝູ່ແມ່ນຜູ້ຂັບຂີ່ລົດຈັກປະມານ 80% ເປັນໄວໜຸ່ມທີ່ມັກຂີ່ລົດໄວເກີນກຳນົດ, ຂີ່ລົດ ໃນເວລາມຶນເມົາ, ບໍ່ໃສ່ໝວກກັນກະທົບ ແລະ ຜູ້ຂັບຂີ່ລົດບໍ່ເຖິງກະສຽນອາຍຸ,ບໍ່​ກຳ​ໄດ້​ລະບຽບ​ຈະລາຈອນ ​ແລະ ພາໃຫ້ເກີດອຸປະຕິເຫດຫລາຍ​ຂຶ້ນ ​ແລະ ສ່ວນ​ໜຶ່ງ​ກໍ​ເນື່ອງ​ມາ​ຈາກການເຜີຍແຜ່ລະບຽບຈະລາຈອນຍັງບໍ່ທັນທົ່ວ ເຖີງ ​ແລະ ກວ້າງຂວາງຈຶ່ງເຮັດໃຫ້ສະຕິ​ເຄົາລົບນັບຖືກົດຈະລາຈອນຂອງສັງຄົມຍັງບໍ່​ທັນ​ສູງ.