ອາທິດຜ່ານມາ ປກສ ນະຄອນຫຼວງວຽງຈັນຈັບເປົ້າໝາຍຄ້າຢາເສບຕິດໄດ້ຫຼາຍລາຍ

           ພະແນກຕຳຫຼວດສະກັດກັ້ນ- ຕ້ານຢາເສບຕິດນະຄອນຫຼວງວຽງຈັນ ໃຫ້ຮູ້ວ່າ: ໃນອາທິດຜ່ານມານີ້, ເຈົ້າໜ້າ ທີ່ພະແນກຕົນສາມາດຈັບຜູ້ຄ້າຢາເສບຕິດໄດ້ຫຼາຍລາຍມາດຳເນີນຄະດີ ຄື ໃນວັນທີ 6 ມີນານີ້, ເຈົ້າໜ້າທີ່ພະແນກຕຳຫຼວດ ສະກັດກັ້ນ-ຕ້ານຢາເສບຕິດໄດ້ແກ້ໄຂເປົ້າໝາຍຄ້າຂາຍຢາເສບຕິດຢູ່ບ້ານ ທົ່ງສ້າງນາງ ເມືອງ ຈັນທະບູລີ ນະຄອນຫຼວງ ວຽງຈັນ ໂດຍກັກ ຜູ້ຕ້ອງຫາໄດ້ 2 ຄົນ ຄື ທ້າວ ຄຳ ເຜີຍ ອາຍຸ 27 ປີ ແລະ ນາງລັດ ຕະນາ ອາຍຸ 27 ປີ ຢູ່ບ້ານ ທົ່ງ ສ້າງນາງ ພ້ອມຍຶດຂອງ ກາງ ຢາບ້າໄດ້ຈຳນວນ 300 ມັດ ຫຼື 6 ແສນເມັດ ແລະ ຍັງໄດ້ກັກຜູ້ ຕ້ອງ ຫາຄ້າຂາຍຢາເສບຕິດຢູ່ເຂດ ບ້ານໜອງດ້ວງ ເມືອງສີໂຄດຕະບອງນະຄອນຫຼວງວຽງ ຈັນຄື ທ້າວ ສີຫາ ໄພພິຈິດ ອາຍຸ 24 ປີ ຢູ່ ບ້ານໜອງດ້ວງເໜືອ ພ້ອມຂອງ ກາງຢາບ້າ 23 ເມັດ, ທ້າວ ໂນ້ ອາຍຸ 31 ປີ ຢູ່ບ້ານໜອງດ້ວງເໜືອ ພ້ອມຂອງກາງຢາບ້າ 88 ເມັດ ແລະ ທ້າວ ບັນ ຊາສັກເທບ ສີເມືອງ ອາຍຸ 19 ປີ ຢູ່ບ້ານປາກ ທ້າງ ເມືອງ ສີໂຄດຕະບອງ ນະຄອນຫຼວງວຽງຈັນ ພ້ອມຂອງກາງຢາບ້າ 244 ເມັດ ຊຶ່ງຜູ້ຄ້າ ຢາເສບຕິດດັ່ງກ່າວ ແມ່ນພວມ ເລັ່ງສືບສວນ-ສອບສວນ ເພື່ອຂະ ຫຍາຍຜົນຫາຜູ້ຮ່ວມຂະບວນການ ແລະ ຊອກຫາແຫຼ່ງທີ່ມາຂອງຢາເສບຕິດທີ່ພວກກ່ຽວນຳມາຈຳໜ່າຍເພື່ອຕັດວົງຈອນ ແລະ ສະກັດກັ້ນການລະບາດຂອງຢາເສບຕິດ ທີ່ຢູ່ໃນສັງຄົມ.

         ການຄ້າຂາຍຢາເສບຕິດພວມຂະຫຍາຍວົງກວ້າງໃນສັງຄົມ ໂດຍເປົ້າໝາຍທີ່ຕິດຢາສ່ວນ ໃຫຍ່ເປັນໄວໜຸ່ມ, ນັກຮຽນ, ນັກສຶກສາ ແລະ ກຸ່ມຜູ້ທີ່ບໍ່ມີວຽກເຮັດງານທຳຊຶ່ງເປັນການທຳລາຍສັງຄົມຈາກສະພາບບັນຫາຢາເສບຕິດຍັງເປັນປະກົດຍັງກໍ່ ເກີດ ເປັນໜໍ່ແໜງສ້າງປາກົດການຫຍໍ້ທໍ້ໃນສັງຄົມເຊັ່ນ: ການ ກໍ່ເຫດປຸ້ນຈີ້-ຊີງຊັບ, ລັກຊັບ ແລະ ອື່ນໆ ຊຶ່ງຄະນະກຳມະການ ຄຸ້ມຄອງ ແລະ ປາບປາມ ຢາເສບຕິດນະຄອນຫຼວງວຽງຈັນໄດ້ໃຫ້ຮູ້ວ່າ: ເຖີງວ່າຜ່ານມາການປາບປາມຢາເສບຕິດ, ເຈົ້າໜ້າທີ່ ຈະແກ້ໄຂໄດ້ຫຼາຍລາຍກໍຕາມແຕ່ກໍຍັງເຫັນວ່າຈັບໄດ້ແຕ່ຜູ້ຄ້າຂາຍລາຍຍ່ອຍ ແລະ ຍັງບໍ່ສາມາດຈັບໄດ້ເປົ້າໝາຍຜູ້ຄ້າຂາຍລາຍ ໃຫຍ່ຊຶ່ງຈາກບັນຫາດັ່ງກ່າວຍັງຈຶ່ງເຮັດໃຫ້ການຄ້າຂາຍຢາເສບຕິດຍັງລະບາດຢູ່ໃນສັງຄົມ.