ເຈົ້າໜ້າທີ່ ປກສ ນະຄອນຫລວງວຽງຈັນ ເຕືອນໃຫ້ສັງຄົມມີສະຕິລະ
ວັງຕົວສູງກວ່າເກົ່າ ເພື່ອຫລີກເວັ້ນການຕົກເປັນເຫຍື່ອຂອງກຸ່ມຄົນບໍ່ດີທີ່ກໍ່ເຫດປຸ້ນຊັບ-ຊີງຊັບ
ແລະ ລັກຊັບພົນລະເມືອງ, ຂະນະທີ່ ອາທິດຜ່ານມາ ສະເພະຢູ່ນະຄອນຫລວງວຽງຈັນມີຜູ້ຕົກເປັນເຫຍື່ອຂອງພວກບໍ່ດີດັ່ງກ່າວແລ້ວ
14 ກໍລະນີ.
ກອງບັນຊາການ ປກສ ນະຄອນ ຫລວງວຽງຈັນ ໃຫ້ຮູ້ວ່າ:
ໃນອາທິດໜຶ່ງຜ່ານມາ ນັບແຕ່ວັນທີ 27 ກຸມພາ ຫາວັນທີ 5 ມີນາ 2013 ຢູ່ນະຄອນ ຫລວງວຽງຈັນ
ມີເຫດການປຸ້ນຊັບ 1 ເລື່ອງ, ຊີງຊັບພົນລະເມືອງ 2 ເລື່ອງ ແລະ ລັກຊັບພົນລະເມືອງ
11 ເລື່ອງ. ສຳລັບການປຸ້ນຊັບແມ່ນເກີດຂຶ້ນເວລາ 12:00 ໂມງກາງຄືນ ຂອງວັນທີ
28 ກຸມພາຜ່ານມາ ໂດຍຄົນຮ້າຍສອງຄົນໃຊ້ປືນຈີ້ເອົາສາຍຄໍຄຳນ້ຳໜັກ 1 ບາດ ຈາກຄູ່ບ່າວ-ສາວໜຶ່ງຢູ່ເຂດເສັ້ນທາງບ້ານປາກທ້າງ-ດົງນາໂຊກ
ເມືອງສີໂຄດຕະບອງ ນະ ຄອນຫລວງວຽງຈັນ.
ສຳລັບການຊີງຊັບພົນລະເມືອງແມ່ນເກີດຂຶ້ນເວລາປະມານ
19 ໂມງ ຂອງວັນທີ 26 ກຸມພາ 2013, ມີຄົນຮ້າຍສອງຄົນລັກເອົາຖົງເງິນຢູ່ໃນລົດໃຫຍ່ຂອງຍິງສາວຄົນໜຶ່ງຂະນະຈອດໄວ້ຢູ່ໜ້າເຮືອນຂອງຕົນເພື່ອຈະຂັບລົດເຂົ້າເຮືອນ
ເຂດບ້ານສະພານທອງໃຕ້ ເມືອງສີສັດຕະນາກ ມີຊັບສິນເສຍຫາຍ ຄືເງິນ 10 ໂດລາສະຫະລັດ,
1 ລ້ານກີບ, 15 ພັນບາດ ແລະ 1 ພັນວອນ (ສະກຸນເງິນເກົາຫລີ), ປຶ້ມເງິນຝາກ ແລະ
ເອກະສານສຳ ຄັນຈຳນວນໜຶ່ງ ແລະ ໃນວັນທີ 27 ກຸມພາຜ່ານມາ ເວລາ 22:00 ໂມງ,ມີບ່າວ-ສາວຄູ່ໜຶ່ງຖືກຄົນຮ້າຍດຶງກະເປົາຢູ່ໃກ້ໄຟແດງບ້ານທາດຂາວ
ເມືອງສີສັດຕະນາກ ມີຊັບສິນເສຍຫາຍແມ່ນເງິນກີບ 1,5 ລ້ານກີບ, 100 ໂດລາສະຫະລັດ
ແລະ ເອກະສານສຳຄັນຈຳນວນໜຶ່ງ. ນອກນີ້,ສະພາບການລັກຊັບພົນລະເມືອງແມ່ນເກີດຂຶ້ນ
11 ເລື່ອງ,ໃນນັ້ນລັກລົດຈັກຈຳນວນ 5 ຄັນ, ລົດໃຫຍ່ 1 ຄັນ ແລະ ຊັບສິນອື່ນໆ ລວມມູນຄ່າເສຍຫາຍ
ຫລາຍຮ້ອຍລ້ານກີບ.ຕໍ່ບັນຫາດັ່ງກ່າວນີ້ຈຶ່ງຮຽກຮ້ອງມາຍັງປະ ຊາຊົນຈົ່ງມີສະຕິລະວັງຕົວຂຶ້ນຕື່ມໃນການເດີນທາງໄປມາໃນຍາມຄ່ຳຄືນ
ໂດຍສະເພາະຊັບສິນອັນໃດທີ່ມີມູນຄ່າແພງກໍບໍ່ຄວນຖືຕິດໂຕເພາະມັນຈະເປັນສິ່ງທີ່ລໍ້ຕາລ້ໍໃຈກຸ່ມຄົນບໍ່ດີລົງມືກໍ່ເຫດ.
No comments:
Post a Comment