ສຳນັກງານຄະນະກຳມະການຄຸ້ມຄອງຫຼັກຊັບ ແລະ ຕະຫຼາດຫຼັກຊັບ
(ຄລຕ) ໄດ້ຈັດຕັ້ງການເຜີຍແຜ່ກົດໝາຍ ວ່າດ້ວຍຫຼັກຊັບໃຫ້ແກ່ບັນດາບໍລິສັດທີ່ປຶກສາທາງ ດ້ານກົດໝາຍເຊິ່ງຈັດຂຶ້ນ
ໃນວັນທີ 26 ກຸມພາຜ່ານມາທີ່ຫ້ອງປະຊຸມ ສຳນັກງານດັ່ງ ກ່າວ ໂດຍການເຂົ້າຮ່ວມຂອງທ່ານ ນາງ ວັດທະນາ
ດາລາລອຍ ຫົວໜ້າສຳນັກງານ ຄະນະກຳມະການຄຸ້ມ ຄອງຫຼັກຊັບ ແລະ ຕະຫຼາດຫຼັກຊັບ, ພ້ອມນີ້ກໍມີບັນດາສຳມ ະນາກອນທີ່ມາຈາກກະຊວງແລະບໍລິສັດທີ່ປຶກສາທາງ
ດ້ານກົດ ໝາຍທີ່ຢູ່ນະຄອນ ຫຼວງວຽງຈັນເຂົ້າຮ່ວມຈຳນວນໜຶ່ງ.
ການເຜີຍແຜ່ໃນຄັ້ງນີ້, ບັນດາວິທະຍາກອນໄດ້ຍົກໃຫ້ເຫັນກົດໝາຍວ່າດ້ວຍຫຼັກຊັບທີ່ສະພາ
ແຫ່ງຊາດຮັບຮອງເອົາໃນ ວັນທີ 10 ທັນວາຂອງປີກາຍ ເຊິ່ງໄດ້ກຳນົດຫຼັກການ,ລະບຽບການ ແລະ ມາດຕະການກ່ຽວກັບການຄຸ້ມຄອງ,
ຕິດຕາມ ແລະ ກວດກາການເຄື່ອນໄຫວວຽກງານຫຼັກຊັບເພື່ອເຮັດໃຫ້ວຽກງານດັ່ງກ່າວມີປະສິດທິພາບ,
ຍຸຕິທຳ, ໂປ່ງໃສ ຫຼຸດຜ່ອນຄວາມ ສ່ຽງຕໍ່ລະບົບການເງິນແລະຊຸກຍູ້ໃຫ້ມີການເຂົ້າຮ່ວມຂອງປະຊາຊົນ
ແນໃສ່ ເຮັດໃຫ້ການລະດົມທຶນແລະການ ພັດທະນາ
ຕະຫຼາດຫຼັກຊັບຂະ ຍາຍຕົວຢ່າງຕໍ່ເນື່ອງ, ຍືນຍົງສາມາດປະກອບສ່ວນເຂົ້າໃນການພັດທະນາເສດຖະກິດ-ສັງຄົມ
ຂອງຊາດຂະຍາຍຕົວ.
ກົດໝາຍວ່າດ້ວຍຫຼັກຊັບ ປະກອບມີ 13 ພາກແລະ
173 ມາດຕາ ເຊິ່ງການເຜີຍແຜ່ໄດ້ເນັ້ນ ໃຫ້ເຫັນເຖິງບົດບັນ ຍັດທົ່ວໄປ, ການອອກຈຳໜ່າຍຫຼັກຊັບ
ແລະ ການເຄື່ອນໄຫວຂອງບໍລິສັດອອກຈຳໜ່າຍຫຼັກຊັບ ແລະ ບໍລິສັດຈົດ ທະບຽນ, ກອງທຶນຮ່ວມ, ສະຖາບັນສື່ກາງດ້ານຫຼັກຊັບ,
ຕະຫຼາດຫຼັກຊັບ, ການລາຍງານ-ການເປີດເຜີຍ ແລະ ການເກັບຮັກສາຂໍ້ມູນ, ການສືບສວນ-ສອບສວນຄະດີກ່ຽວກັບຫຼັກຊັບ,
ຂໍ້ຫ້າມ, ການແກ້ໄຂຂໍ້ຂັດແຍ່ງ, ການຄຸ້ມຄອງ ແລະ ກວດກາວຽກງານ ຫຼັກຊັບ, ນະໂຍບາຍຕໍ່ຜູ້ມີຜົນງານ
ແລະ ມາດຕະການຕໍ່ຜູ້ລະເມີດ.
ພາຍຫລັງສຳເລັດການ ເຜີຍແຜ່ໃນຄັ້ງນີ້ແລ້ວ
ຍັງຈະສືບ ຕໍ່ດຳເນີນໄປຢ່າງຕໍ່ເນື່ອງ ແລະ ທົ່ວເຖິງຢູ່ບັນດາບໍລິສັດທີ່ປຶກ ສາການບັນຊີ,
ບັນດາບໍລິສັດການກວດສອບ, ບັນດານັກຂ່າວໜັງສືພີມ, ວິທະຍຸກະຈາຍສຽງ, ຈາກໂທລະພາບ ແລະບັນ ດານັກຂ່າວຈາກວາລະສານ.
ຈາກນັ້ນ ຈະກ້າວສູ່ການເຜີຍແຜ່ໃຫ້ບັນດາການຈັດຕັ້ງທັງພາກລັດ-ພາກ ເອກກະຊົນ,ບັນດາຫົວ ໜ່ວຍ
ວິສາຫະກິດຢູ່ນະຄອນຫຼວງວຽງ ຈັນແລະໃນຂອບເຂດທົ່ວປະເທດ.
No comments:
Post a Comment