ພະຍຸລະດູຮ້ອນພັດເຂົ້າແຂວງສະ ຫວັນນະເຂດສ້າງຄວາມເສຍຫາຍເປັນຈຳນວນຫລາຍ

         ຄວາມເສຍຫາຍຈາກພະຍຸພັດບ້ານເຮືອນ, ຫ້າງຮ້ານ ແລະ ອາຄານສໍານັກງານຂອງປະຊາຊົນຢູ່ເທສະບານແຂວງ ສະຫວັນ ນະເຂດຍັງບໍ່ສາມາດປະເມີນຄ່າຄວາມເສຍຫາຍ ໄດ້ຢ່າງລະອຽດ ຂະນະທີ່ ຫ້ອງການແຮງງານສະຫວັດດີ ການ-ສັງຄົມ ເມືອງໄກ ສອນເປີດເຜີຍວ່າ: ຄວາມເສຍ ຫາຍ ຈາກເຫດການພະຍຸລະດູ ຮ້ອນພັດເຂົ້າມາຄັ້ງນີ້ອາດສ້າງ ຄວາມເສຍຫາຍເກີນ 500 ກວ່າ ລ້ານກີບ.

           ຕາມແຫລ່ງຂ່າວທ້ອງຖິ່ນ ໄດ້ເປີດເຜີຍຄັ້ງຫລ້າສຸດໃນວັນທີ 26 ມີນາ 2013 ນີ້ວ່າ: ເວລາປະ ມານ 15 ໂມງກວ່າໆ ຂອງວັນທີ 22 ມີນາ 2013 ໄດ້ເກີດພາຍຸລະດູ ຮ້ອນພ້ອມມີຝົນຕົກໜັກເກີດມີລູກ ໝາກເຫັບຕົກ ທັງມີລົມພັດຢ່າງ ຮຸນແຮງ ເປັນເວລາ 3-4 ຊົ່ວໂມງ ຕິດຕໍ່ກັນ ເຮັດໃຫ້ເຮືອນຊານ ຂອງປະຊາຊົນ ພາຍໃນເທສະ ບານແຂວງສະຫວັນນະເຂດ ເປັນ ຕົ້ນ ແມ່ນເມືອງໄກສອນ ພົມວິ ຫານ ມີເຮືອນຖືກເສຍຫາຍຫລາຍ ຫລັງ ເຊັ່ນ: ຫລັງຄາຖືກເລີ້ກຮື້ ພ້ອມດຽວກັນນັ້ນກໍມີເສົາ ໄຟຟ້າລົ້ມຈໍານວນໜຶ່ງ. ຈາກການເກັບກຳຂໍ້ມູນໃນເບື້ອງຕົ້ນມີເກືອບ 200 ຫລັງເສຍຫາຍ. ພ້ອມນີ້ກໍມີ ບາງສຳນັກງານ, ອົງ

ການ, ໂຮງແຮມ, ໂຮງໝໍ ແລະ ເສົາໄຟຟ້າຈຳ ນວນໜຶ່ງຖືກເສຍຫານ. ຈາກນີ້ກໍ່ ມີຕົ້ນໄມ້ໃຫຍ່ຕາມສາຍທາງ ຕ່າງໆລົ້ມຫລັກ ທັບເສັ້ນທາງ ແລະ ອານຄານເຮືອນຊານຂອງ ປະຊາຊົນຈຳນວນບໍ່ໜ້ອຍ ເຊັ່ນ: ຕົ້ນໄມ້ຫັກທັບສະໜາມກິລາກຸວໍ ລະວົງ ເຮັດ ໃຫ້ບໍລິເວນບ່ອນນັ່ງ ຜູ້ຊົມໃນສະໜາມເສຍຫາຍ, ເສົາ ໄຟຟ້າເສຍຫາຍປະມານ 20 ຈຸດ ລົ້ມ ແລະ ສາຍໄຟຂາດບໍ່ສາມາດ ນຳໃຊ້ໄດ້ມີປະມານ 100 ຈຸດ ຂະ ນະນີ້ບາງບ່ອນ ຍັງບໍ່ສາມາດຊົມ ໃຊ້ໄຟຟ້າໄດ້ເທື່ອ. ເຫດພາຍຸຄັ້ງນີ້ປາກົດວ່າຮຸນແຮງທີ່ ສຸດໃນຮອບຫລາຍສິບປີ ຊຶ່ງຝົນຕົກຕິດຕໍຫລາຍຊົ່ວໂມງ, ທັງລົມພັດແຮງ, ລູກໝາກເຫັບຕົກ .

        ທ່ານ ບຸນທົວ ອາລຸນສີແພງ ຫົວໜ້າຫ້ອງການສະຫວັດດີການ -ສັງຄົມ ເມືອງໄກສອນໄດ້ລາຍງານນັກຂ່າວ ໜັງສືພິມປະເທດ ລາວໃນວັນ ທີ 26 ມີນາ 2013 ຜ່ານມານີ້ວ່າ: ຮອດປະຈຸບັນນີ້ ທາງເມືອງຫາກໍເກັບກໍາຂໍ້ມູນ ຄວາມເສຍຫາຍເບື້ອງຕົ້ນໄດ້ຈໍານວນໜຶ່ງເພື່ອຈະນໍາສະເໜີໃຫ້ທ່ານເຈົ້າແຂວງສະຫວັນນະເຂດຮັບຊາບນີ້ແມ່ນຄວາມພະ ຍາຍາມເພື່ອຫ້າງຫາກະກຽມກ້າວ ເຂົ້າໄປຊ່ວຍເຫລືອ ແລະ ບັນເທົາ ທຸກຂອງປະຊາຊົນໃນ ເບື້ອງຕົ້ນແຕ່ໜ່ວຍງານສະເພາະ ກິດຂອງ ພວກເຮົາຍັງຈະສືບຕໍ່ລົງເກັບກໍາ ຂໍ້ມູນຄວາມເສຍຫາຍຕື່ມອີກ ອັນ ເນື່ອງຈາກວ່າລົມພະຍຸລະດູຮ້ອນຄັ້ງນີ້ ໄດ້ສ້າງ ຄວາມເສຍຫາຍເປັນ ບໍລິເວນກວ້າງໃນເທສະບານ ແຂວງ ຊຶ່ງພວກເຮົາພວມປະ ເມີນ ຄວາມ ເສຍຫາຍເປັນລາຍອຽດໃນແຕ່ ລະຈຸດ. ແນວໃດກໍດີ ທ່ານ ບຸນທົວຍັງກ່າວວ່າ: ຄວາມເສຍ ຫາຍຈາກການໄດ້ ເຫັນຫລັກ ຖານເບື້ອງຕົ້ນແມ່ນ ເກີນກວ່າ 500 ກວ່າລ້ານກີບ.