laophatthananewspaper: ພັນລະຍາຮອງປະທານປະເທດມອບອຸປະກອນຜ່າຕັດໃຫ້ໂຮງໝໍເມືອງຄູນ

ໃນວັນທີ 28 ມີນາ ນີ້,ທ່ານ ຮສ ດຣ ບົວວັນ ແສນສະຖິດ ອຳນວຍການ ໃຫຍ່ໂຮງໝໍແມ່ ແລະ ເດັກ ໄດ້ຮັບອະ ນຸຍາດຕາງໜ້າ ທ່ານນາງ ຄຳມເມິງ ວໍລະຈິດ ພັນລະຍາຮອງປະທານປະເທດ ໄປມອບອຸປະກອນຜ່າຕັດໃຫ້ ໂຮງໝໍ ເມືອງຄູນ ແຂວງຊຽງຂວາງ, ໃນນັ້ນ ລວມມີ ເຄື່ອງໂມ ນີເຕີ ຕິດຕາມລະບົບໝູນວຽນ ແລະ ລະບົບຫັນໃຈເວລາຜ່າຕັດ 1 ເຄື່ອງ, ເຕົາ ອົບ, ເຄື່ອງຜ່າຕັດ 1 ເຄື່ອງ ລວມເປັນມູນຄ່າ 40 ລ້ານ ກີບ.

ທ່ານ ຮສ ດຣ ບົວວັນ ແສນ ສະຖິດ ກ່າວວ່າ: ເຄື່ອງອຸປະກອນການແພດ ທີ່ນຳມາຊ່ວຍ ເຫຼືອແກ່ໂຮງໝໍດັ່ງກ່າວກໍເພື່ອເປັນການສ້າງຄວາມເຂັ້ມແຂງດ້ານການປິ່ນປົວບ ພາຍຫຼັງໂຮງ ໝໍເມືອງຄູນໄດ້ເປີດຫ້ອງຜ່າຕັດ ສຸກເສີນການປະສູດ-ພະ ຍາດຍິງ ແລະ ພະຍາດທົ່ວໄປ ເມື່ອວັນທີ 12 ກຸມພາຜ່ານມານີ້ ໂດຍການ ສະໜັບສະໜູນຂອງໂຮງໝໍແມ່ ແລະ ເດັກ ແລະ ໂຄງການໂຮງໝໍ ລາວ - ສະວິດ ເພື່ອເຮັດວຽກງານປິ່ນປົວສຸກເສີນໃຫ້ວ່ອງໄວທັນເວ ລາ ແລະ ຍົກສູງຄຸນນະພາບການ ບໍລິ ການສາທາລະນະສຸກຂັ້ນ ເມືອງ ເຂັ້ມແຂງດີຂຶ້ນກວ່າເກົ່າ ເຊິ່ງນັບແຕ່ເປີດຫ້ອງຜ່າຕັດດັ່ງ ກ່າວມານີ້ໂຮງໝໍໄດ້ຮັບຜ່າຕັດ ສຸກ ເສີນຄົນເຈັບແລ້ວ 9 ກໍລະນີ ໃນນັ້ນຈຳນວນໜຶ່ງມາຈາກ ເມືອງໝອກ, ເມືອງ ທ່າທົມ ແລະ ເນື່ອງຈາກຫ້ອງຜ່າຕັດຍັງຂາດ

ເຂີນອຸປະກອນຈຳນວນໜຶ່ງເພື່ອ ຮັບປະກັນໃຫ້ຄຸນນະພາບການ ບໍ ລິການດີຂື້ນ ແລະ ມີຄວາມປອດ ໄພແກ່ຄົນເຈັບ. ດັ່ງນັ້ນ ພັນລະຍາຮອງປະທານປະເທດ ຈຶ່ງໄດ້ຂົນຂວາຍການຊ່ວຍເຫລືອເຄື່ອງມອບເຄື່ອງອຸປະກອນການແພດ ທີ່ຈຳເປັນຄື ເຄື່ອງ ໂມນີເຕີລິງ ຕິດຕາມລະບົບໝູນວຽນ ແລະ ລະບົບຜ່າຕັດ ແລະ ອຸປະກອນດັ່ງກ່າວນຳມາຊ່ວຍເຫລືອ ແລະ ຫວັງວ່າຈະນຳໃຊ້ໃຫ້ມີຜົນປະໂຫຍດສູງສຸດໃນການປະກອບ ສ່ວນຫຼຸດຜ່ອນອັດຕາການຕາຍ ຂອງແມ່ ແລະ ເດັກລົງໄດ້.

ທ່ານ ດຣ ບົວເກດ ວົງປະເສີດ ຫົວໜ້າໂຮງໝໍເມືອງຄູນ ກ່າວ ວ່າ: ໂຮງໝໍເມືອງຄູນ ເຊິ່ງມີໜ້າທີ່ໃຫ້ການປິ່ນປົວຄົນເຈັບທັງ ການຜ່າຕັດໃຫ້ກຳເນີດເດັກ ແລະ ຜ່ານມາ,ສ່ວນໃຫຍ່ຜູ້ທີ່ມາບໍລິການແມ່ນປະຊາຊົນພາຍໃນ ເມືອງຄູນ ແລະ ເມືອງເຂດຊາຍແດນ.ສະນັ້ນ ເພື່ອເຮັດໃຫ້ຄຸນນະພາບການປິ່ນປົວໄດ້ດີຈຶ່ງຈຳເປັນຕ້ອງມີເຄື່ອງມືທັນສະໄໝ ໂດຍສະເພາະການຜ່າຕັດໃຫ້ກຳເນີດເດັກນີ້ ຖືເປັນວຽກງານທີ່ສຳຄັນໃນການຫຼຸດຜ່ອນອັດຕາການຕາຍຂອງແມ່ ແລະ ເດັກ ໃນ ເຂດຊົນນະບົດ.ປັດຈຸບັນນີ້ສະເລ່ຍແລ້ວໃນແຕ່ລະວັນຈະມີຜູ້ມາບໍລິການປິ່ນປົວຢູ່ໂຮງໝໍດັ່ງກ່າວປະມານ 10 ກວ່າຄົນ ຊຶ່ງອີງ ໃສ່ໂຮງໝໍເປັນເຂດກັນດານຈຶ່ງເຮັດໃຫ້ການມາຝາກທ້ອງ ແລະ ປິ່ນປົວພະຍາດຂອງປະຊາຊົນມີຄວາ ລຳບາກເພາະເສັ້ນທາງຍາວໄກແຕ່ແນວໃດກໍຕາມການໄດ້ຮັບເຄື່ອງອຸປະກອນດັ່ງກ່າວຈະເຮັດໃຫ້ຄຸນນະພາບການຜ່າຕັດ ແລະ ປິ່ນປົວຂອງໂຮງໝໍດີ ຂຶ້ນກວ່າເກົ່າ.

ທ່ານ ຮສ ດຣ ບົວວັນ ແສນ ສະຖິດ ກ່າວຢ້ຳວ່າ: ລາວ ເປັນ ປະເທດທີ່ຍັງພົບບັນຫາການ ຕາຍຂອງແມ່ ແລະ ເດັກ ທີ່ຢູ່ໃນລະດັບຫລາຍທຽບໃສ່ປະເທດໃກ້ ຄຽງ ຊຶ່ງເນື່ອງຈາກຈຳນວນ ແພດໝໍຍັງບໍ່ພຽງພໍລວມທັງ ເຄື່ອງມືອຸປະກອນຜ່າຕັດ ທີ່ທັນສະໄໝຍັງຂາດເຂີນ ແລະ ໃນຜ່ານມາການກຳເນີດຂອງເດັກໃນເຂດດັ່ງ່ກາວສ່ວນໃຫຍ່ຈະເກີດຕາມທຳມະຊາດ ຫຼື ຈາກ ໝໍຕຳແຍ ຈຶ່ງເປັນຄວາມສ່ຽງເຮັດໃຫ້ອັດຕາການຕາຍຂອງແມ່ ແລະ ເດັກສູງ.ຈາກການສຳຫຼວດເມື່ອບໍ່ດົນມານີ້ພົບວ່າ: ໃນລາວ ອັດຕາການຕາຍຂອງແມ່ ແລະ ເດັກມີ 300 ກວ່າຄົນໃນແຕ່ລະປີ. ດັ່ງນັ້ນຜ່ານມາ:ລັດຖະບານກໍຄືກະຊວງສາທາລະນະສຸກ ກໍ ໄດ້ສຸມໃສ່ໃນການຫຼຸດຜ່ອນບັນຫາດັ່ງກ່າວພ້ອມດຽວກັນກໍຍັງໄດ້ສຸມໃສ່ຍົກສູງຄຸນນະພາບແພດໝໍ ແລະ ຂະຫຍາຍສຸກສາ ລາໄປເຂດຊົນນະບົດເພື່ອບໍລິການສາທາລະນະສຸກໄດ້ກວ້າງຂວາງ ແລະ ຮັບປະກັນດີຂຶ້ນກວ່າເກົ່າ.