ແຂວງຄຳມ່ວນຮ່າງແຜນຍຸດທະສາດພັດທະນາ ແລະ ສົ່ງເສີມການທ່ອງທ່ຽວແຕ່ປີ 2011-2020

            ວັນທີ 22 ເມສາ 2013 ນີ້ ຢູ່ຫ້ອງປະຊຸມພະແນກຖະແຫຼງ ຂ່າວ-ວັດ ທະນະທຳ ແລະ ທ່ອງ ທ່ຽວ ໄດ້ຈັດກອງ ປະຊຸມຜ່ານຮ່າງແຜນຍຸດທະສາດພັດທະ ນາ ແລະ ສົ່ງເສີມການທ່ອງທ່ຽວ ຂອງແຂວງຕົນແຕ່ປີ 2011-2020 ຂຶ້ນໂດຍການ ເປັນປະທານຂອງ ທ່ານ ບຸນທວາຍ ສິລິປັນຍາທອງ ຫົວໜ້າພະແນກຖະແຫຼງຂ່າວ- ວັດທະນາທຳ ແລະ ທ່ອງທ່ຽວ ແຂວງ, ມີບັນດາ ທ່ານ ຮອງຫົວ ໜ້າພະແນກ, ຫົວ ໜ້າ, ຮອງຫົວ ໜ້າຂະແໜງຕະຫຼອດເຖິງພະນັກງານວິຊາການທີ່ກ່ຽວຂ້ອງເຂົ້າ ຮ່ວມ.

       ກອງປະຊຸມຄັ້ງນີ້ ທ່ານຮອງ ຫົວໜ້າພະແນກຖະແຫຼງຂ່າວ- ວັດທະນະທຳ ແລະ ທ່ອງທ່ຽວ ຜູ້ ຊີ້ນຳວຽກງານທ່ອງ ທ່ຽວໄດ້ ຜ່ານຮ່າງແຜນຍຸດທະສາດພັດ ທະນາ ແລະ ສົ່ງເສີມການທ່ອງ ທ່ຽວແຕ່ປີ 2011-2020 ເຊິ່ງປະ ກອບມີ 4 ພາກ ຄື: ສະພາບການ ທ່ອງທ່ຽວທົ່ວໄປ, ສະພາບການ ພັດທະນາການທ່ອງທ່ຽວຂອງ ແຂວງ, ແຜນຍຸດທະສາດພັດທະ ນາ ແລະ ສົ່ງ ເສີມການທ່ອງທ່ຽວ ຂອງແຂວງ ສຳລັບປີ 2011- 2020 ແລະ ມາດຕະການຈັດຕັ້ງ ປະຕິບັດແຜນຍຸດທະສາດພັດທະນາ ແລະ ສົ່ງເສີມການທ່ອງທ່ຽວ 2012-2020. ກອງປະຊຸມໄດພ້ອມກັນຄົ້ນຄວ້າປຶກສາຫາລືປະກອບຄຳຄິດເຫັນເພື່ອແນ່ໃສ່ປັບ

ປຸງລະບົບໂຄງຮ່າງການຈັດຕັ້ງ ຄຸ້ມຄອງບໍລິຫານວຽກງານທ່ອງທ່ຽວໃຫ້ສາມາດເຄື່ອນໄຫວໄປ ຕາມພາລະບົດບາດໃນແຕ່ລະ ຂັ້ນທີ່ເໝາະສົມ, ສຸມໃສ່ການພັດທະ ນາພື້ນຖານໂຄງລ່າງຕິດພັນກັບ ການທ່ອງທ່ຽວ, ຊຸກຍູ້ປະຊາຊົນໃນທ້ອງຖິ່ນໃຫ້ມີສ່ວນ ຮ່ວມໃນ ການພັດທະນາການທ່ອງທ່ຽວ ແບບຍືນຍົງໂດຍຕິດພັນກັບການຮັກສາສະພາບແວດລ້ອມ, ພັດທະນາການທ່ອງ ທ່ຽວຢ່າງມີຈຸດສຸມສ້າງສິ່ງອຳນວຍຄວາມສະດວກໃນບໍລິເວນແຫຼ່ງທ່ອງທ່ຽວ ເພື່ອຊ່ວຍສ້າງລາຍຮັບເຂົ້າ ແຂວງຄຳມ່ວນ ແລະ ດຶງດູດເອົານັກທ່ອງທ່ຽວຈາກພາຍໃນພາກພື້ນ ແລະ ສາກົນທັງຊ່ວຍ ສ້າງວຽກເຮັດງານທຳໃຫ້ຊຸມຊົນ ຍົກລະດັບຄວາມຮູ້ ແລະ ຊິວິດການເປັນຢູ່ຂອງປະຊາຊົນໃນທ້ອງຖິ່ນ, ພ້ອມປົກປັກຮັກສາ ແລະ ອະນຸລັກຊັບພະຍາກອນການທ່ອງທ່ຽວທາງທຳ ມະຊາດ, ວັດທະນະທຳ ແລະ ປະຫວັດສາດ, ພັດທະນາກິດຈະກຳການ ທ່ອງທ່ຽວໃຫ້ມີຄວາມຫຼາກຫຼາຍ, ພັດທະນາບຸກຄະ ລາກອນໃນຂະແໜງການທ່ອງທ່ຽວຂອງແຂວງໃຫ້ມີຄຸນນະພາບສາມາດຕອບສະໜອງການບໍລິການທີ່ປະທັບໃຈໃຫ້ແກ່ນັກທ່ອງທ່ຽວກໍ່ຄືຜູ້ມາທ່ຽວຊົມນັບ​ມື້ຫລາຍ​ຂຶ້ນ.