ສື່ມວນຊົນລາວຮຽນຮູ້ພາສາມືຂັ້ນພື້ນຖານ

       ສື່ມວນຊົນລາວ ພາຍໃນນະ ຄອນຫລວງວຽງຈັນ ເຂົ້າຮ່ວມເຝິກອົບຮົມພາສາ ມືລາວຂັ້ນພື້ນຖານ ຊຶ່ງໄດ້ຈັດຂຶ້ນແຕ່ວັນ ທີ 29 ເມສາ ຫາ 3 ພຶດສະພາ 2013 ຢູ່ ສະມາຄົມຄົນພິການແຫ່ງຊາດ ລາວ ບ້ານໂພນສະຫວ່າງ ເມືອງ ຈັນທະບູລີ ນະ ຄອນຫລວງວຽງຈັນ ພາຍໃຕ້ການເປັນປະທານ ກ່າວເປີດຂອງທ່ານ ບຸນວຽນ ຫລວງ ຍອດ ປະທານສະມາຄົມ ຄົນພິການແຫ່ງ ຊາດ ລາວ ແລະ ທ່ານ ບຸນເຕີມ ຈັນຕະລິ ວົງ ປະ ທານສະມາ ຄົມຄົນຫູໜວກ, ມີ ບັນດານັກຂ່າວຈາກໜັງສືພິມ, ວິທະຍຸ, ໂທລະ ພາບ ແລະ ພາກ ສ່ວນກ່ຽວຂ້ອງເຂົ້າຮ່ວມ.

       ທ່ານ ບຸນວຽນ ຫລວງຍອດ ໄດ້ກ່າວບາງຕອນວ່າ: ການຈັດ ຊຸດອົບຮົມດັ່ງກ່າວເພື່ອເປັນການ ເຜີຍແຜ່ພາສາມືລາວ ໃຫ້ເຂົ້າເຖິງ ອົງການຈັດຕັ້ງຂອງລັດ ໂດຍສະເພາະແມ່ນບັນດານັກຂ່າວສື່ມວນຊົນທຸກພາກສ່ວນຂອງລາວໄດ້ຮັບຮູ້, ເຂົ້າໃຈ ກ່ຽວກັບພາສາມື ແລະ ການສື່ສານກັບຄົນພິ ການຫູໜວກ-ປາກກືກຢ່າງຖືກ ຕ້ອງ ແລະ ເພື່ອໃຫ້ສື່ມວນຊົນ ເປັນກະບອກ ສຽງໃນການໂຄສະນາເຜີຍແຜ່ເຖິງສິດການສື່ສານ ຂອງຄົນພິການຫູໜວກ-ປາກກືກ ໃຫ້ສັງຄົມໄດ້ຮັບຮູ້ຢ່າງທົ່ວເຖິງ, ສະນັ້ນ ສື່ມວນຊົນຈຶ່ງມີຄວາມຈຳ ເປັນທີ່ຈະຕ້ອງໄດ້ຮຽນຮູ້ພາສາມື ເພື່ອທີ່ຈະສາມາດເຂົ້າເຖິງຂໍ້ມູນ ກ່ຽວກັບຄົນພິການໂດຍສະ ເພາະຜູ້ທີ່ຫູໜວກ-ປາກກືກ ເພື່ອ ນຳເອົາຂໍ້ມູນຂ່າວສານຕ່າງໆ ກ່ຽວກັບຄົນພິການດັ່ງກ່າວມາ ໂຄສະນາເຜີຍແຜ່ອອກສູ່ສັງຄົມ.

   ຕະຫລອດໄລຍະຂອງການເຝິກ ອົບຮົມ,ບັນດາຜູ້ເຂົ້າຮ່ວມໄດ້ ຮຽນຮູ້ກ່ຽວກັບວັດທະນະທຳ ຄົນຫູໜວກ ຫລື ລັກສະນະ ສະເພາະຂອງຄົນຫູໜວກ,ຂໍ້ໄດ້ ປຽບ,ເສຍປຽບ,ໂອກາດ,ບັນຫາ ແລະ ຄວາມສ່ຽງຂອງຜູ້ພິການຫູ ໜວກ-ປາກກືກ,ຮຽນຮູ້ ການໃຊ້ພາສາມືເປັນຕົ້ນແມ່ນສະຫລະ, ພະຍັນຊະນະ, ຕົວເລກ, ການນັບເລກ, ການແນະນຳຕົນເອງ, ການໃຊ້ຄຳສັບຕ່າງໆ ໃນການສົນທະນາ ແລະ ອື່ນໆ.