ທ່ານ
ສຸພີ ສະແຫວງດີ ເລຂາພັກບ້ານ, ນາຍບ້ານໆໄຊສົມບູນ ເມືອງໄຊທານີ ນະຄອນຫລວງວຽງຈັນ
ໄດ້ແຈ້ງໃຫ້ນັກຂ່າວ ສານປະເທດລາວຮູ້ວ່າ:ໃນເວລາປະ ມານ 19- 20:00 ນາທີ ໄດ້ມີລົມລະດູຮ້ອນພັດຜ່ານເກີດມີຝົນຟ້າຄະນອງຢ່າງໜັກຢູ່ບ້ານໄຊສົມບູນ
ເຮັດໃຫ້ ທ້າວ ເອກ ອາຍຸ 50 ປີ,ປະຊາຊົນ ບ້ານໄຊສົມບູນ ທີ່ໄປເຮັດກໍ່ສ້າງຊ່ວຍໝູ່ເພື່ອນ
ຢູ່ບໍລິເວນທົ່ງນາ ຖືກເຮືອນຫັກທັບຈົນຊີວິດ ແລະ ມີຜູ້ບາດເຈັບຈຳນວນ 3
ຄົນ.ພ້ອມດຽວກັນນີ້ ລົມດັ່ງ ກ່າວຍັງໄດ້ເຮັດໃຫ້ເຮືອນຊານບ້ານຊ່ອງຂອງປະຊາຊົນຢູ່ບ້ານເສຍຫາຍ
60 ກວ່າຫລັງຄາເຮືອນ,ຕະຫລາດຖືກລົມພັດເສຍ ຫາຍມູນຄ່າ 100 ລ້ານກວ່າກີບ, ສ່ວນມູນຄ່າເສຍຫາຍທັງໝົດຍັງບໍ່ສາມາດຄາດຄະເນໄດ້.ຕໍ່ເຫດ
ການດັ່ງກ່າວ,ນາຍບ້ານໄດ້ສົ່ງພະນັກງານລົງເກັບກຳຂໍ້ມູນທີ່ໄດ້ຮັບຜົນເສຍຫາຍ
ແລະ ຫາທາງຊ່ວຍເຫລືອປະຊາຊົນຜູ້ທີ່ໄດ້ຮັບຜົນກະທົບໃຫ້ທ່ວງທັນເວລາ ແລະ
ໄດ້ຮຽກຮ້ອງໃຫ້ປະຊາ ຊົນພາຍໃນບ້ານຈົ່ງພ້ອມກັນມີສະຕິລະວົງຕົວຕິດຕາມຂໍ້ມູນຂ່າວສານກ່ຽວກັບພະຍາກອນອາກາດຈາກວິທະຍຸ,ໂທລະພາບ
ແລະ ໜັງ ສືພິມຢ່າງໄກ້ຊິດເພື່ອກຽມພ້ອມຮັບມືກັບພາຍຸທີ່ອາດຈະເກີດຂຶ້ນໃນຕໍ່ໜ້າ.
ໃນຕອນຄຳ່ຂອງມື້ດຽວກັນນີ້ ກໍໄດ້ມີລົມລະດູຮ້ອນພັດຜ່ານບ້ານຫລັກ
24 ເມືອງໄຊທາ ນີ ນະຄອນຫລວງວຽງຈັນເຮັດໃຫ້ເສົາໄຟຟ້າ-ປ້າຍໂຄສະນາຫັກ, ຕະຫລາດໃໝ່ເປ່ເພ
ແລະ ເຮືອນຊານປະຊາຊົນ ຖືກລົມພັດເສຍຫາຍເປັນຈຳນວນຫລວງຫລາຍ.
No comments:
Post a Comment