ໂຮງງານວີເຄເຄສາມາດຜະລິດທໍ່ເຫລັກຂະຫນາດໃຫຍ່ສະຫນອງໂຄງການສ້າງເຂື່ອນໄຟຟ້າ

      ທ່ານ ຈັນທະວົງ ບຸນເລີດ ອຳນວຍການບໍລິສັດ ວີເຄເຄ (VKK) ຈຳກັດ ໄດ້ໃຫ້ສຳ ພາດຕໍ່ນັກຂ່າວໜັງສືພິມລາວ ພັດທະ ນາ ໃນວັນທີ 23 ເມສາ ນີ້ວ່າ: ປັດຈຸບັນ,ບໍລິສັດຂອງພວກເຮົາສາມາດຜະລິດທໍ່ເຫລັກຂະໜາດໃຫຍ່ເພື່ອນຳໃຊ້ ເຂົ້າໃນບັນດາ ໂຄງກໍ່ສ້າງເຂື່ອນໄຟຟ້ານ້ຳຕົກຂະໜາດນ້ອຍ ແລະ ຂະໜາດກາງ ໄດ້ແລ້ວຫລັງ ໃນໄລຍະຜ່ານມາຜະລິດຕະພັນດັ່ງກ່າວແມ່ນຕ້ອງໄດ້ນຳເຂົ້າຈາກ ຕ່າງປະເທດ.

        ອຳນວຍການບໍລິສັດ ວີເຄເຄ ຈຳກັດກ່າວວ່າ:ການຕັດ ສີນໃຈຫັນມາຜະລິດທໍ່ຂະໜາດ ໃຫຍ່ດັ່ງກ່າວ ແມ່ນເຫັນໄດ້ຈາກ ທ່າອ່ຽງການພັດທະນາພະ ລັງງານໄຟຟ້າຂະໜາດກາງ ແລະ ຂະໜາດນ້ອຍ ຢູ່ປະເທດ ເຮົາແມ່ນມີຫລາຍ ເຊິ່ງສ່ວນໃຫຍ່ ລ້ວນແຕ່ນຳໃຊ້ທໍ່ຂະໜາດໃຫຍ່ ເຂົ້າໃນການກໍ່ສ້າງ ດັ່ງນັ້ນຜ່ານມາໂຄງການກໍ່ສ້າງເຂື່ອນຫລາຍແຫ່ງຕ້ອງໄດ້ນຳເຂົ້າທໍ່ຈາກຕ່າງ ປະເທດ ແລະ ມີມູນຄ່າແພງ.

     ສຳລັບທໍ່ເຫລັກຂະໜາດໃຫຍ່ ທີ່ຜະລິດຢູ່ໂຮງງານພວກເຮົາ ແມ່ນໄດ້ນຳໃຊ້ແລ້ວໃນໂຄງການ ເຂື່ອນໄຟຟ້ານ້ຳລອງແຂວງ ຫລວງນ້ຳທາໃນຂະໜາດວົງລັດສະໝີ 1,50 ແມັດ ແລະ ພວມຜະລິດໃຫ້ໂຄງການກໍ່ສ້າງເຂື່ອນໄຟຟ້ານ້ຳງຽບແຂວງຊຽງຂວາງ ໃນ ຂະໜາດວົງລັດສະໝີ 3,40 ແມັດ, ມີຄວາມຍາວ 190 ກວ່າແມັດ ໂດຍເຫລັກທີ່ນຳມາຜະລິດແມ່ນ ນຳເຂົ້າຈາກ ສ.ເກົາ ຫລີ ແລະ ນຳໃຊ້ລະບົບເຕັກນິກທີ່ທັນສະໄໝໃນ ການເຊື່ອມຈອດໂດຍບໍລິສັດໄດ້ ສົ່ງພະນັກງານຈຳນວນໜຶ່ງໄປ ເຝິກອົບຮົມ ວິຊາການຜະລິດຢູ່ຕ່າງປະເທດພ້ອມທັງໄດ້ເອົາຊ່ຽວຊານຈາກຕ່າງປະເທດມາຄວບຄຸມການຜະລິດເພື່ອໃຫ້ຜະລິດຕະພັນມີ ຄຸນ ນະພາບດີ, ໄດ້ມາດຕະຖານລະດັບສາກົນແຕ່ມີລາຄາຖືກກວ່າການນຳເຂົ້າຈາກຕ່າງປະເທດ.

     ທ່ານ ຈັນທະວົງ ກ່າວວ່າ: ປັດ ຈຸບັນ,ມີຫລາຍໂຄງການສ້າງ ເຂື່ອນໄຟຟ້າຂະໜາດນ້ອຍ ສົນ ໃຈທີ່ຈະຫັນມານຳໃຊ້ທໍ່ຂອງ ພວກເຮົາເນື່ອງວ່າມີມາດຕະ ຖານ,ລາຄາບໍ່ແພງ,ການຂົນສົ່ງ ສະດວກສະບາຍ ແລະ ສິ່ງສຳ ຄັນແມ່ນເປັນຜະລິດຕະພັນທີ່ຜະ ລິດຢູ່ພາຍໃນປະເທດ.