ໄດ້ແລ້ວໂຕແທນນັກຮຽນ ເກ່ັງຂອງນະຄອນຫລວງວຽງຈັນເພື່ອກຽມເຂົ້າແຂ່ງຂັນລະດັບຊາດ

         ພະແນກສຶກສານະຄອນຫຼວງວຽງຈັນ ສຳເລັດການ ສອບເສັງຄັດເລືອກນັກຮຽນເກັ່ງຂັ້ນນະຄອນຫຼວງ ເພື່ອເປັນ ຕົວ ແທນສົ່ງເຂົ້າແຂ່ງຂັນ ໃນລະດັບຊາດທີ່ຈະມີຂຶ້ນໃນມໍ່ໆນີ້ ໂດຍພິທີສະ ຫຼຸບບັ້ນສອບເສັ່ງນັກຮຽນເກັ່ງ ຂັ້ນດັ່ງກ່າວໄດ້ ຈັດຂຶ້ນ ໃນວັນທີ 8 ເມສານີ້ຢູ່ໂຮງຮຽນມັດທະຍົມ ສຶກສາ ສົມບູນວຽງຈັນ ໂດຍການ ເຂົ້າຮ່ວມຂອງທ່ານ ສາຍທອງ ແກ້ວດວງດີ ຮອງ ເຈົ້າຄອງນະຄອນຫຼວງ, ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລານະຄອນຫຼວງ ວຽງຈັນຕະຫຼອດ ຮອດພະນັກງານຄູ, ອາຈານ, ພໍ່ແມ່ຜູ້ປົກຄອງນັກຮຽນ ແລະ ນັກຮຽນເຂົ້າຮ່ວມຢ່າງພ້ອມພຽງ.

       ທ່ານ ຊົມພູ ແກ້ວປັນຍາ ຫົວ ໜ້າພະແນກສຶກສາທິການ ແລະ ກີລານະຄອນຫຼວງວຽງຈັນ ກ່າວວ່າ: ການຈັດຕັ້ງບັ້ນ ສອບເສັ່ງຄັດເລືອກນັກຮຽນເກັ່ງນັບວ່າມີບົດບາດສຳຄັນຕໍ່ການປະເມີນຜົນການຮຽນ, ການສອນຂອງຄູ, ອາຈານທັງເປັນສິ່ງ ຊີ້ວັດສະແດງໃຫ້ເຫັນເຖິງຄວາມພະຍາຍາມຂອງ ນັກຮຽນຕໍ່ການຄົ້ນຄວ້າຮ່ຳຮຽນ ແລະ ຄວາມເອົາໃຈໃສ່ຂອງຜູ້ປົກຄອງໃນ

ການສົ່ງເສີມລູກຫຼານ. ດັ່ງນັ້ນ, ພະແນກສຶກສາທິການ ແລະ ກີລານະຄອນຫຼວງວຽງຈັນ ຈຶ່ງໄດ້ວາງແຜນສ້າງໂຄງການແຂ່ງ ຂັນ ສອບເສັ່ງນັກຮຽນເກັ່ງມາແຕ່ຕົ້ນສົກຮຽນໂດຍໄດ້ຂຶ້ນແຜນງົບປະມານ, ແຕ່ງຕັ້ງຄະນະກຳມະການຮັບຜິດຊອບໂຄງການຢ່າງ ລະອຽດ. ຈາກນັ້ນກໍໄດ້ຈັດຕັ້ງເຜີຍແຜ່ເນື້ອໃນ ແລະ ວິທີການປະຕິບັດໃຫ້ແກ່ຜູ້ບໍລິຫານການສຶກສາທຸກຂັ້ນໂດຍໄດ້ມອບ ໝາຍໃຫ້ຄະນະນຳແຕ່ລະໂຮງຮຽນເປັນຜູ້ຈັດຕັ້ງສອບເສັງຄັດເລືອກເອົານັກຮຽນຜູ້ທີ່ມີຄວາມຮູ້, ຄວາມສາມາດ ແລະ ພອນ ສະຫວັນແຕ່ລະວິຊາເພື່ອຈັດຕັ້ງ ບຳລຸງນັກຮຽນເກັ່ງພາຍໃນໂຮງຮຽນຂອງຕົນແລ້ວຄັດເລືອກ ຢູ່ຂັ້ນເມືອງກ່ອນການຄັດ ເລືອກອີກຢູ່ຂັ້ນນະຄອນຫຼວງປະຈຳສົກ ຮຽນ 2012-2013 ນີ້ ມີຜູ້ເຂົ້າຮ່ວມ ທັງໝົດ 494 ຄົນ,ຍິງ 291 ຄົນ ຈາກ 9  ເມືອງ, ໃນນັ້ນຊັ້ນປະຖົມ ປີທີ 5 ມີ 144 ຄົນ,ຍິງ 97 ຄົນ;ມັດ ທະຍົມຕົ້ນປີ 4 ມີ 211 ຄົນ,ຍິງ 129 ຄົນ ແລະ ມັດທະ ຍົມປາຍ ປີ 7 ມີ 140 ຄົນ,ຍິງ 71 ຄົນ.ວິຊາ ທີ່ໄດ້ສອບເສັງມີຄະນິດສາດ,  ເຄມີສາດ,ຟີຊິກສາດ ແລະ ພາສາ ລາວ-ວັນນະ ຄະດີສຳລັບຊັ້ນມັດ ທະຍົມປີ 4 ແລະ ມ.7; ວິຊາຄະນິດ ສາດ,ພາສາລາວ ແລະ ໂລກ ອ້ອມໂຕ ສຳລັບຊັ້ນປະຖົມປີທີ 5.

          ຈາກການສອບເສັງຄັດ ເລືອກຕົວຈິງ,ຜົນການຕັດສິນໂດຍ ຄະນະກຳມະການບັ້ນສອບເສັງນັກຮຽນເກັ່ງຂັ້ນນະ ຄອນ ຫຼວງວຽງຈັນ ຊັ້ນ ມ.7, ວິຊາ:ຄະນິດ ສາດ ໄດ້ແກ່ນາງ ແອນ້ອຍ ຕັນວາ ນິດຈາກ ມສ ວຽງຈັນ,ວິຊາພາ ສາລາວ-ວັນນະຄະດີ ໄດ້ແກ່ທ້າວ ວິລະສັກ ບຸດຈັນທະລາດ ຈາກ ມສ ມິດຕະພາບລາວ-ຫວຽດ ນາມ, ຟີຊິກສາດ ໄດ້ແກ່ ນາງ ສຸມິດຕາ ພິຈິດ ຈາກ ມສ ວຽງ ຈັນ ແລະ ເຄມີສາດ ໄດ້ແກ່ທ້າວ ພອນປະເສີດ ອິນທະວົງ ຈາກ ມສ ສົດທະນີ.ອັນດັບທີ່ໜຶ່ງ ຊັ້ນ ມ.4 ວິຊາ ພາສາລາວ-ວັນນະຄະດີ ໄດ້ ແກ່ນາງ ສຸກສະຫວັນ ບຸນພັກດີ ຈາກ ມສ ກ້າວໜ້າ,ວິຊາຄະນິດ ສາດ ໄດ້ແກ່ນາງ ພອນມະນີ ມະ ນີພັນ ຈາກ ມສ ນິຣະດາ,ວິຊາເຄ ມີສາດ ໄດ້ແກ່ທ້າວ ເກດວິບູນ ສຸວິ ມົນ ຈາກ ມສ ມິດຕະພາບລາວ - ຫວຽດນາມ ແລະ ວິຊາຟີຊິກ ສາດໄດ້ແກ່ທ້າວ ວິຊຸນນະລາດ ພິຈິດ ຈາກ ມສ ວຽງຈັນ.ອັນດັບ ທີໜຶ່ງຊັ້ນປະຖົມປີທີ 5 ວິຊາພາ ສາລາວ ໄດ້ແກ່ນາງ ພອນວິໄລ ຄຳທອງ ຈາກໂຮງ ຮຽນປະຖົມ ສັນທະລັກ,ວິຊາຄະນິດສາດ ໄດ້ ແກ່ທ້າວ ພອນປະເສີດ ມອນມະນີ ຈາກໂຮງຮຽນປະຖົມວົງຄຳສີ ແລະ ວິຊາໂລກອ້ອມໂຕ ໄດ້ແກ່ນາງ ພອນ ສອນມີໄຊ ຈາກໂຮງຮຽນປະຖົມທົ່ງກາງໂດຍ ນັກຮຽນ ເກັ່ງທີ່ກ່າວມານັ້ ແມ່ນກຽມສົ່ງ ເຂົ້າແຂ່ງຂັນໃນຂັ້ນລະດັບຊາດທີ່ຈະມີຂຶ້ນໃນມໍ່ໆນີ້.