ປະດັບຫລຽນໄຊໃຫ້ຜູ້ມີຜົນງານຂອງລັດວິສາຫະກິດລາວເດີນອາກາດ

           ເພື່ອເປັນການຍ້ອງຍໍສັນ ລະເສີນຜົນງານການເຄື່ອນໄຫວ ວຽກງານຂອງລັດວິສາຫະກິດ ລາວເດີນ ອາກາດ ແລະ ເພື່ອເປັນການຢັ້ງຢືນເຖິງຄວາມອາດ ສາມາດໃນການຊີ້ນຳ ນຳພາດ້ານ ການເມືອງແນວ ຄິດ, ການຈັດຕັ້ງ ປະຕິບັດວຽກງານ, ນຳພາອົງ ກອນ ກ້າວໄປສູ່ຄວາມສຳເລັດ ຂອງການດຳເນີນທຸລະກິດ ຢ່າງ ມີປະສິດທິພາບ ແລະ ປະສິດທິຜົນ ໃນຕະຫຼອດໄລ ຍະ 10 ປີ ທີ່ຜ່ານ ມານັ້ນ ລັດຖະບານແຫ່ງ ສປປ ລາວ ຈຶ່ງໄດ້ຕົກລົງປະດັບຫຼຽນ ໄຊອິດສະຫຼະຊັ້ນ 3 ຈຳນວນ 1 ໜ່ວຍ, ຫຼຽນໄຊແຮງງານ ຊັ້ນ 1 ຈຳນວນ ໜຶ່ງໜ່ວຍ, ຫຼຽນໄຮງງານຊັ້ນ 2 ຈຳນວນ 2 ໜ່ວຍ ແລະ ຫຼຽນໄຊພິລະອາດຫານຊັ້ນ 1 ຈຳ ນວນ 1 ໜ່ວຍໃຫ້ພະນັກງານຜູ້ມີ ຜົນງານທົ່ວລັດ ວິສາຫະກິດລາວເດີນອາກາດ.

          ພິທິປະດັບຫຼຽນໄຊດັ່ງກ່າວ ມີຂຶ້ນໃນຕອນເຊົ້າຂອງວັນທີ 12 ເມສາ 2013 ທີ່ໂຮງແຮມ ລ້ານຊ້າງນະຄອນຫຼວງວຽງ ຈັນ ໂດຍ ການເປັນກຽດເຂົ້າຮ່ວມຂອງ ທ່ານ ພົ.ຕ ຈັນສະໝອນ ຈັນຍາ ລາດ ລັດຖະມົນ ຕີຊ່ວຍ ວ່າການກະຊວງປ້ອງກັນປະເທດ, ມີທ່ານ ພົ.ວ ອ່ອນສີ ແສນສຸກ ຫົວໜ້າ ຫ້ອງວ່າການກະຊວງປ້ອງກັນປະເທດ ປະທານສະ ພາບໍລິຫານບໍລິສັດ, ທ່ານ ພັ.ອ ບຸນມາ ຈັນທະ ວົງສາ ກຳມະການສະພາບໍລິ ຫານ, ຜູ້ອຳນວຍການບໍລິສັດ ລາວເດີນອາກາດ ຕະຫຼອດຮອດ ພະນັກງານ ພາຍໃນລັດວິສາຫະກິດລາວເດີນອາກາດ ແລະ ແຂກ ທີ່ຖືກເຊີນເຂົ້າຮ່ວມ.

        ຜູ້ອຳນວຍການບໍລິສັດລາວ ເດີນອາກາດກ່າວໃນພິທີປະດັບ ຫຼຽນໄຊວ່າ: ນັບແຕ່ໄດ້ຮັບການ ສ້າງຕັ້ງລັດວິສາຫະກິດ ລາວເດີນ ອາ ກາດໃນປີ 2002 ເປັນຕົ້ນມາ ເຖິງແມ່ນວ່າສະພາບແວດລ້ອມ ໃນຂົງເຂດ, ພາກພື້ນ ແລະ ສາກົນ ໄດ້ດຳເນີນໄປ ດ້ວຍຄວາມສະຫຼັບຊັບຊ້ອນ ແລະ ຫຍຸ້ງຍາກອັນມີ ເຫດຜົນມາຈາກສະພາບວິກິດການການເງິນໂລກ, ອັດຕາເງິນເຝິ້ ແລະ ລາ ຄານ້ຳມັນຖີບຕົວຂຶ້ນ ສູງເປັນປະຫວັດສາດກໍ ຕາມ ແຕ່ ລັດວິສາຫະກິດລາວເດີນອາກາດ ກໍບໍ່ໄດ້ລົດລະຄວາມພະຍາຍາມ

ຂອງຕົນ ແລະ ດຳເນີນການ ເຄື່ອນໄຫວວຽກງານຕາມພາລະ ບົດບາດ,ສິດ ແລະ ໜ້າທີ່ຂອງຕົນ ເຊິ່ງສາມາດຍາດໄດ້ຜົນງານ ແລະ ໄຊຊະນະມາເປັນກ້າວໆ ເຮັດໃຫ້ການດຳເນີນງານຂອງ ລັດວິສາຫະກິດນັບມື້ນັບເຕີບໃຫຍ່ ຂະຫຍາຍຕົວ ສະແດງອອກ ຈຳນວນເຮືອບິນໄດ້ເພີ່ມຂຶ້ນຈາກ 2 ລຳໃນປີ 2002 ມາເປັນ 10 ລຳ ໃນປັດຈຸບັນ,ລາຍຮັບ ສະເລ່ຍ 49 ຕື້ກວ່າກີບ ເພີ່ມຂຶ້ນ ໃນອັດຕາສະເລ່ຍ 14,3 % ຕໍ່ປີ, ຈຳນວ ພະນັກງານເພີ່ມຂຶ້ນ ຈາກ 23 ຄົນ ໃນປີ 2002 ມາເປັນ 86 ຄົນໃນ ປັດຈຸບັນ ເຊິ່ງ ທາງບໍລິສັດສາມາດກຸ້ມຕົນເອງດ້ານງົບປະມານຢ່າງຮອບດ້ານ ມາແຕ່ປີ 2003 ເປັນຕົ້ນມາ.

             ໃນຂະນະທີ່ດ້ານຍຸດທະສາດ, ວິທີການ ແລະ ກົນໄກ ການບໍລິຫານຈັດການແມ່ນໄດ້ ຮັບການຮັບຮອງຈາກຄະນະ ນຳກະຊວງປ້ອງກັນປະເທດ ເຊິ່ງ ທາງບໍລິສັດຖືເປັນປັດໄຈພື້ນຖານສູ່ຄວາມສຳເລັດ ຂອງການດຳເນີນງານ. ດ້ານການບໍລິ ການນັ້ນບໍລິສັດສາມາດສະໜອງການ ບໍລິການຕາມຄວາມຕ້ອງການຂອງສັງຄົມຢ່າງກ້ວາງຂວາງນັບແຕ່ການຂົນສົ່ງ ຜູ້ໂດຍ ສານ, ສິນຄ້າ, ການບໍລິການຮັບສົ່ງຄົນ ເຈັບ, ການສຳຫຼວດ, ຖ່າຍພາບທາງອາກາດ, ບິນຊົມທິວທັດ ແລະ ອື່ນໆ ເຊິ່ງໄດ້ຮັບ ຄວາມເຊື່ອໝັ້ນ ແລະ ໄວ້ວາງໃຈຈາກຜູ້ໃຊ້ບໍລິການເປັນຢ່າງດີທັງໃນດ້ານການບໍລິການ ແລະ ຄວາມປອດໄພ.

          ທ່ານ ຜູ້ອຳນວຍການໃຫຍ່ຍັງກ່າວອີກວ່າ: ບັນດາຜົນງານ ແລະ ຄວາມສຳເລັດທີ່ຍາດມາໄດ້ນັ້ນເກີດຈາກການຕັດສິນ ໃຈຊີ້ນຳ-ນຳພາຢ່າງຖືກຕ້ອງຂອງຄະນະນຳກະຊວງປ້ອງກັນປະເທດ ແລະ ບັນດາ ຜູ້ຈັດການຕ່າງໆ, ຍ້ອນບັນດາພະນັກງານ ພາຍໃນບໍລິສັດ ໂດຍສະພາະ ແມ່ນພະນັກງານຫຼັກແຫຼ່ງ, ສະ ມາຊິກພັກທຸກຄົນມີຄວາມຮູ້, ຄວາມສາມາດ,ກຳໄດ້ພາລະບົດ ບາດ, ສິດ ແລະ ໜ້າທີ່ຂອງຕົນ, ທັງມີ ຄວາມສາມັກຄີກັນໃນການ ປະຕິບັດໜ້າທີ່ວຽກງານຕ່າງໆ ໂດຍໄດ້ຮັບຄວາມຮ່ວມ ມືຈາກກົມທະຫານອາ ກາດ,ກົມການບິນ ພົນລະເຮືອນ ແລະ ກອງພັນໃຫຍ່ 703 ຕະຫຼອດຮອດບັນດາບໍລິສັດ ແລະ ຄູ່ຮ່ວມ ມືທັງພາຍໃນ ແລະ ຕ່າງປະເທດ, ທາງບໍລິສັດມີແບບ ແຜນວິທີການເຮັດວຽກທີ່ດີ, ປະຕິບັດຫຼັກການລວມ ສູນປະຊາທິ ປະ ໄຕ, ເຮັດວຽກເປັນໝູ່ຄະນະ ແລະ ບຸກຄົນຮັບຜິດຊອບຢ່າງເຄັ່ງຄັດ, ສອດຄ່ອງກັບມາດ ຕະຖານສາກົນ ISO 9001 ແລະ 2008 ເຊິ່ງໄດ້ຮັບການຮັບຮ້ອງ ຈາກອົງການກວດສອບລະບົບຄຸ້ມຄອງມາດຕະຖານສາກົນ ຂອງປະເທດອັງກິດສາຂາປະ ເທດໄທໃນປີ 2006.