ສົກປີນີ້ ນະຄອນຫລວງວຽງຈັນຈະສູ້ຊົນໃຫ້ເສດຖະກິດເຕີບໃຫຍ່ໃນລະດັບ 12,6%

       ໃນໄລຍະ 6 ເດືອນທ້າຍສົກປີ 2012-2013 ນີ້ ນະຄອນຫລວງ ວຽງຈັນ ຈະສືບຕໍ່ຈັດຕັ້ງປະຕິບັດແຜນພັດທະນາເສດ ຖະກິດ-ສັງຄົມ ໃຫ້ນັບມີ້ເຂັ້ມແຂງ ແລະ ມີຜົນ ສຳເລັດຕາມຄາດໝາຍທີ່ວາງໄວ້ໂດຍຈະສືບຕໍ່ຈັດຕັ້ງປະຕິບັດບັນດາໂຄງ ການຕ່າງໆໃຫ້ສຳເລັດຕາມແຜນທີ່ວາງໄວ້ແນໃສ່ໃຫ້ເສດຖະກິດເຕີບໃຫຍ່ໃນຈັງຫວະເພີ່ມຂຶ້ນປະມານ 12,6%, ລວມ ຍອດຜະລິດຕະພັນພາຍໃນສະເລ່ຍ ຕໍ່ຫົວຄົນຄາດວ່າຈະໄດ້ 3.300 ໂດລາສະຫະລັດ.

      ເພື່ອເຮັດໃຫ້ຄາດໝາຍສູ້ຊົນ ດັ່ງກ່າວມີຜົນສຳເລັດ ທາງຄະນະ ພັກ, ອຳນາດການປົກຄອງທຸກ ຂັ້ນຂອງນະຄອນຫລວງ ວຽງຈັນ ຈະສຸມໃສ່ປະຕິບັດບັນດາໂຄງ ການລົງທຶນຂອງລັດ ທີ່ໄດ້ຮັບອະ ນຸ ມັດໃນສົກປີນີ້ ໃຫ້ສຳເລັດ ແລະ ສອດຄ່ອງກັບ ກົດໝາຍລົງທຶນຂອງລັດ ໂດຍສະເພາະແມ່ນ ການເກັບໜີ້ສິນຈາກບັນດາໂຄງ ການລົງທຶນຂອງລັດທີ່ຍັງຄ້າງ ຊຳລະໂດຍ ຈະກວດກາຄືນໃຫ້ລະອຽດ ແລະ ຊອກຫາມາດຕະການ ແກ້ໄຂໃຫ້ຫລຸດລົງເທື່ອລະກ້າວ ຄຽງຄູ່ກັບການຂົນ ຂວາຍຍາດ ແຍ່ງທຶນການຊ່ວຍເຫລືອຈາກອົງການຈັດຕັ້ງສາກົນ ແລະ ບັນ ດານະຄອນປະເທດເພື່ອມິດຕິດພັນກັບການຍົກສູງຂີດຄວາມ ສາມາດຂອງພະແນກການ ແລະ ເມືອງຕ່າງໆໃນການຈັດຕັ້ງ ປະຕິບັດທຶນດັ່ງກ່າວໃຫ້ມີປະສິດທິຜົນສູງຂຶ້ນ. ສ່ວນດ້ານງົບປະ ມານຈະສຸມໃສ່ຂຸດຄົ້ນລາຍຮັບໃຫ້ໄດ້ຕາມແຜນໂດຍເພີ່ມທະວີການປະສານສົມທົບກັບພາກສ່ວນຕ່າງໆ ທີ່ມີລາຍຮັບເພື່ອ ເຮັດໃຫ້ລາຍຮັບລວມສູນ, ເອົາໃຈໃສ່ເຜີຍ ແຜ່ລະ ບຽບກົດໝາຍພາສີ-ອາກອນໃຫ້ ແກ່ບັນດາຫົວໜ່ວຍທຸລະກິດເພື່ອໃຫ້ປະ ຕິບັດຕາມລະບຽບການ ແລະ ປະຕິບັດພັນທະໃຫ້ລັດນັບມີ້ເພີ່ມຂຶ້ນ. ພ້ອມນີ້ຈະສືບຕໍ່ປະຕິບັດແນວທາງການຕ່າງປະເທດ ຂອງພັກ-ລັດ ເພື່ອສ້າງທຸກເງື່ອນ ໄຂດຶງດູດເອົານັກລົງທຶນເອກກະຊົນພາຍໃນ ແລະ ຕ່າງປະເທດມາລົງທຶນໃຫ້ນັບມື້ຫລາຍ ຂຶ້ນ ເພື່ອນຳເອົາທຶນຮອນມາສ້າງສາພັດທະນາເສດຖະກິດ-ສັງຄົມ ຢູ່ນະຄອນຫລວງ ວຽງຈັນ ໃຫ້ມີການຂະຫຍາຍຕົວ ແລະ ພັດທະ ນາດີຂຶ້ນເທື່ອລະກ້າວ.