ໂຄງການຕົບແຕ່ງສວນອົງແກ້ວ ຍັງຄ້າງປະມານ 14%

     ແຫລ່ງຂ່າວແຂວງສາລະວັນ ລາຍງານວ່າ: ໃນທ້າຍອາທິດ ແລ້ວນີ້, ທ່ານ ບຸນກອງ ເກດທອງຄຳ ຮອງ ຫົວໜ້າ ພະແນກຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງສາລະວັນ ພ້ອມດ້ວຍບໍລິສັດ ດາວ ເຮືອງສົງ ກໍ່ສ້າງ ຂົວ-ທາງຈຳກັດ ໄດ້ລົງ ກວດກາໂຄງການກໍ່ສ້າງ ແລະ ຕົບແຕ່ງສວນອົງແກ້ວ. ໂຄງການ ດັ່ງກ່າວໄດ້ເລີ່ມລົງມືມາ ແຕ່ວັນທີ 5 ຕຸລາ 2012 ເຖິງວັນທີ 5 ມີນາ 2013 ເຊິ່ງຕັ້ງຢູ່ບ້ານນາໂດນ ເມືອງ ແລະ ແຂວງສາລະວັນ, ກວ້າງ 7.220 ຕາແມັດ.

    ມາຮອດປັດຈຸບັນ, ໂຄງການນີ້ ຍັງມີວຽກທີ່ຍັງຄ້າງເຊັ່ນ: ວຽກ ເບຕົງ 20,56%, ວຽກກໍ່ໂບກ 0,87%, ວຽກ ຕົບແຕ່ງ 11,08% ແລະ ວຽກປັບໜ້າດິນ 1,72%. ສ່ວນວຽກຕິດຕັ້ງລະບົບນ້ຳປະ ປາ, ໄຟຟ້າ, ຫ້ອງນ້ຳ ແລະ ຫລັກ ທຸງສຳເລັດ 100% ມູນຄ່າເກືອບ 8 ຕື້ກວ່າກີບ. ສ່ວນການກໍ່ສ້າງ ຖານປະຕິມະກຳ (ແທ່ນຕັ້ງ) ອົງ ແກ້ວສຳ ເລັດ 100% ໃນມູນຄ່າ ການກໍ່ສ້າງ 2 ຕື້ກວ່າກີບ ລວມ ທັງໝົດ 9 ຕື້ກວ່າກີບ. ໂຄງການນີ້ ຄາດວ່າຈະສຳເລັດ ໃນອີກ 2 ເດືອນຂ້າງໜ້າ.