ນັກສຶກສາ 36 ຄົນເດີນທາງໄປເຂົ້າຮ່ວມໂຄງການແລກປ່ຽນ 2.0 ທີ່ຢູ່ຍີ່ປຸ່ນ

        ໃນວັນທີ25ພຶດສະພາ 2013, ນັກສຶກສາລາວຈາກມະຫາວິທະ ຍາໄລ ແລະວິທະ ຍາໄລຈໍານວນ 36 ຄົນ ໄດ້ອອກ ເດີນທາງໄປຍັງ ປະ ເທດຍີ່ປຸ່ນເພື່ອເຂົ້າຮ່ວມໂຄງ ການ ແລກປ່ຽນ ຊາວຫນຸ່ມທີ່ມີ ຊື່ວ່າ “JENESYS 2.0”. ນັກສຶກ ສາລາວທັງ ຫມົດຈະໄດ້ທຳການ ເຄື່ອນ ໄຫວ ຢູ່ຍີ່ປຸ່ນແຕ່ວັນທີ 26 ພຶດສະພາ ເຖິງ 2 ມິຖຸນາ 2013. “JENESYS 2.0” ແມ່ນໂຄງ ການ ແລກປ່ຽນຊາວຫນຸ່ມ ທີ່ສ້າງຕັ້ງຂຶ້ນ ໃນເດືອນມັງກອນ 2013 ໂດຍ ພະນະທ່ານຊິນ ໂຊະ ອາເບະ (Shinzo Abe)ນາຍົກລັດ ຖະມົນ ຕີຍີ່ປຸ່ນ, ເນື່ອງໃນໂອກາດຄົບຮອບ 40 ປີແຫ່ງ ສາຍພົວພັນ ມິດຕະພາບແລະ ການ ຮ່ວມມື ລາວ-ຍີ່ປຸ່ນ.ຊາວຫນຸ່ມລາວ ທີ່ເດີນທາງໄປຄັ້ງນີ້ ເປັນຊຸດທີ່ 2 ຂອງ “JENESYS2.0”ໂດຍມີເປົ້າ ຫມາຍສົ່ງເສີມເຄື່ອຂ່າຍຊາວ ຫນຸ່ມປະຊາຄົມເສດຖະກິດອາ ຊຽນ (AEC)ໃຫ້ພັດ ທະນາຍິ່ງໆ ຂຶ້ນ.ນັກສຶກ ສາ 36 ຄົນແມ່ນໄດ້ ຜ່ານການຄັດເລືອກຢ່າງທ່ຽງທໍາ ແລະເຄັ່ງຄັດຈຶ່ງໄດ້ເປັນຜູ້ຊະນະ ເຂົ້າຮ່ວມໃນໂຄງການ ດັ່ງກ່າວ. ພວກເຂົາເຈົ້າຖືກຄັດເລືອກມາຈາກຜູ້ສະຫມັກ200ກວ່າຄົນ ໃນ ຂົງເຂດວິຊາຮຽນເຊັ່ນ: (1)ເສດ ຖະກິດແລະວິທະຍາສາດສັງຄົມ, (2) ວິທະຍາສາດ-ເຕັກ ໂນໂລຊີ ແລະ ສິລະປະ(3) ວັດທະນະທໍາ ແລະ

ວຽກງານຫົວຄິດປະດິດສ້າງ. ນັກສຶກສາລາວພ້ອມດ້ວຍ ນັກສຶກສາຈາກປະເທດສະມາຊິກ ອາຊຽນທັງ ຫລາຍ ຈະ ໄດ້ໄປຢ້ຽມຢາມນະຄອນຫລວງໂຕກຽວ ແລະ ບັນດາແຂວງທ້ອງ ຖິ່ນ (Chubu, Kansai ແລະເຂດ Kyusu) ເພື່ອສຶກສາຮ່ຳຮຽນເອົາວັດທະນະທຳຍີ່ປຸ່ນລວມທັງສັງຄົມ ແລະ ອຸດສາຫະກຳອີກນໍາ.        

      ນອກນັ້ນ ພວກເຂົາເຈົ້າຍັງ ຈະໄດ້ມີການແລກປ່ຽນ ກັບນັກ ສຶກສາມະຫາວິທະຍາໄລ ຍີ່ປຸ່ນ. ໂດຍຜ່ານປະສົບ ການ ເຫລົ່ານີ້, ບັນດານັກຮຽນແມ່ນຈະໄດ້ຮຽນ ຮູ້ດ້ານພາກປະຕິບັດ ຕົວຈິງກ່ຽວ ກັບປະສົບການຂອງຍີ່ປຸ່ນ ເພື່ອ ນຳໄປພັດທະນາປະເທດຊາດ ຂອງຕົນແລະ ກໍ່ສ້າງມິດຕະພາບ ກັບບັນດາຫມູ່ເພື່ອນປະເທດອາຊີ ຕາເວັນອອກສ່ຽງ ໃຕ້ ແລະເພື່ອນ ຮ່ວມ ງານຍີ່ປຸ່ນ.ໂຄງການດັ່ງ ກ່າວ ຈະເປັນການພັດທະນາ ການ ແລກປ່ຽນ ແລະ ຄວາມ ເຂົ້າໃຈ ເຊິ່ງກັນ ແລະ ກັນ ລະ ຫວ່າງຊາວ ຫນຸ່ມບັນດາປະເທດ ອາຊຽນແລະຍີ່ປຸ່ນໃຫ້ເລິກເຊິ່ງ ຂຶ້ນກວ່າເກົ່າ. ຂໍ້ມູນໃນການສົ່ງ ຊາວຫນຸ່ມຊຸດຕໍ່ໄປຂອງ “JENESYS2.0” ສຳຫລັບນັກ ສຶກສາລາວ ແມ່ນຈະ ໄດ້ແຈ້ງໃຫ້ ຊາບໂດຍກະຊວງສຶກສາທິ ການ ແລະ ກິລາ ແລະ ສະຖານ ທູດຍີ່ປຸ່ນໃນ ເວລາອັນໃກ້ນີ້.