ທ່ານນາຍົກລັດຖະມົນຕີຕ້ອນຮັບຄະນະຜູ້ແທນນະຄອນໂຮ່ຈິມິງ

              ທານ ທອງສິງ ທຳມະວົງ ກຳມະການກົມ ການເມືອງສູນກາງພັກ, ນາຍົກລັດຖະມົນ ຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂຳ່ນັບຂອງ ທ່ານ ເລ ຮ່ວາງກວນ ກຳມະການສູນກາງພັກ, ປະທານ ຄະນະກຳມະການປະຊາຊົນນະຄອນໂຮ່ຈິມິງ ສສ. ຫວຽດນາມ ພ້ອມດ້ວຍຄະນະ ໃນວັນທີ 23 ພຶດສະພາ 2013 ຢູ່ຫ້ອງວ່າການລັດຖະບານ, ໃນໂອກາດເດີນ ທາງມາຢ້ຽມຢາມ ແລະ ເຂົ້າຮ່ວມພິທີເປີດນຳໃຊ້ ຫ້ອງວ່າການປົກ ຄອງແຂວງຫົວພັນຊຶ່ງໄດ້ຈັດຂຶ້ນ ແຕ່ວັນທີ 21 ພຶດສະພາ 2013.        

      ທານ ນາຍົກລັດຖະມົນຕີ ທອງສິງ ທຳມະວົງ ໄດ້ສະແດງຄວາມຍິນດີຕ້ອນຮັບຊົມເຊີຍ ຕີລາຄາສູງຕໍ່ ທ່ານ ເລ ຮ່ວາງ ກວນ ທີ່ໄດ້ເດີນທາງມາຢ້ຽມຢາມ ສປປ. ລາວ ແລະ ຮ່ວມເປີດຫ້ອງ ວ່າການປົກຄອງແຂວງຫົວພັນໃນຄັ້ງນີ້ ເຊິ່ງເປັນການປະກອບສ່ວນອັນສຳຄັນເຂົ້າໃນການເພີ່ມທະວີສາຍພົວພັນມິດຕະພາບ, ຄວາມສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ທີ່ມີມາແຕ່ດົນນານ ແລ້ວນັ້ນໃຫ້ນັບມື້ຂະຫຍາຍຕົວຢ່າງບໍ່ຢຸດຢັ້ງ ພ້ອມນີ້ ທ່ານ ນາຍົກ ລັດ ຖະມົນຕີ ໄດ້ສະແດງຄວາມຂອບໃຈຕໍ່ ທ່ານ ເລ ຮ່ວາງ ກວນ ກໍຄືຄະນະນຳນະຄອນໂຮ່ຈິມິງທີ່ໄດ້ໃຫ້ທຶນຊ່ວຍເຫລືອກໍ່ສ້າງຫ້ອງວ່າການປົກຄອງແຂວງຫົວພັນ ເຊິ່ງເປັນການຊ່ວຍ ເຫລືອອັນໃຫຍ່ຫລວງ ແລະ ເປັນຂອງຂັວນອັນລຳ້ຄ່າ ສຳລັບປະຊາຊົນລາວ ກໍຄື ປະຊາ ຊົນ ແຂວງຫົວພັນ ໄດ້ມີຫ້ອງວ່າ ການແຂວງຫັລງໃໝ່ທີ່ທັນສະໄໝ.     

      ໃນໂອກາດດຽວກັນນ, ທ່ານ ເລ ຮ່ວາງ ກວນ ໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນ ອົບອຸນ ຂອງ ທ່ານ ນາຍົກລັດຖະມົນຕີ ໃນຄັ້ງນີ້ ພ້ອມ ທັງຢຶນຢັນຈະສືບຕໍ່ຮ່ວມມືກັບ ແຂວງຫົວພັນ ກໍຄື ສປປ.ລາວ ຕື່ມອີກ.