ຍ່າງເພື່ອສຸຂະພາບສະຫລອງວັນກາແດງສາກົນຄົບຮອບ 150 ປີ

         ອົງການກາແດງ ລາວ ຈັດຂະບວນຍ່າງ ເພື່ອສຸຂະພາບ ເນື່ອງໃນ ໂອກາດວັນ ກາແດງສາ ກົນ ຄົບຮອບ 150 ປີ (8/5/ 1863-8/52013) ໃນຕອນເຊົ້າວັນທີ 11 ພຶດສະພາ 2013 ທີ່ສວນ ເຈົ້າອະນຸວົງ ໂດຍເປັນ ກຽດເຂົ້າຮ່ວມຂອງ ທ່ານ ເລົາລີ ໄຟເພັງຢົວ ປະທານອົງການກາ ແດງລາວ, ມີບັນດາສະ ມາຊິກ, ອາສາສະໝັກ ກາ ແດງ ແລະ ພາກ ສ່ວນກ່ຽວຂ້ອງເຂົ້າຮ່ວມ ເປັນຈຳນວນ ຫລວງຫລາຍ ຊຶ່ງການ ສະ ເຫລີມສະຫລອງ ວັນດັ່ງກ່າວຈັດຂຶ້ນພາຍ ໃຕ້ຄຳຂວັນທີ່ວ່າ: “ 150 ປີ ແຫ່ງການ ເຄື່ອນໄຫວດ້ານມະນຸດສະທຳ“.

            ທ່ານ ເລົາລີ ໄຟເພັງຢົວ ໄດ້ກ່າວບາງເນື້ອໃນຕໍ່ພິທີຄັ້ງນີ້ ວ່າ: ວັນທີ 8 ພຶດສະພາ ຂອງທຸກໆ ປີ ເປັນ ວັນການກາ ແດງສາກົນ ແລະໄດ້ນຳໃຊ້ກາກະບາດສີແດງ ເທິງພື້ນສີຂາວ ເປັນເຄື່ອງໝາຍ ໃນການປົກປ້ອງ ແລະ ຊ່ວຍ ເຫລືອເວລາທີ່ເກີດ ມີຂໍ້ຂັດແຍ່ງລະຫວ່າງປະເທດ ແລະ ພາຍໃນ ປະເທດ. ໃນປະຈຸບັນ ກາແດງ ແລະ ກາຊີກວົງເດືອນແດງ ມີສະມາຊິກຫລາຍ ກວ່າ 187 ປະເທດ ໃນທົ່ວໂລກ ຊຶ່ງອົງການດັ່ງກ່າວ ແມ່ນຂະບວນການເຄື່ອນໄຫວ ເພື່ອມະນຸດສະທຳ ທີ່ມີຊື່ສ່ຽງໃນການ ຊ່ວຍເຫລືອສຸກເສີນໃຫ້ແກ່ ປະຊາຊົນ ຜູ້ທີ່ຢູ່ໃນຄວາມລຳ ບາກຈາກສົງຄາມ, ໄພພິບັດຕ່າງໆ, ບໍ່ວ່າຍາມໃດ ຫລື ຢູ່ແຫ່ງ ຫົນ ໃດທີ່ເກີດມີເຫດການໄພພິບັດ ສະມາຊິກອົງການກາແດງ ແລະ ຊີກວົງເດືອນແດງແມ່ນມີໜ້າທີ່ ໃຫ້ການຊ່ວຍເຫລືອ ບັນເທົາທຸກ ເພື່ອໃຫ້ຜູ້ທີ່ຖືກເຄາະຮ້າຍ ສາ ມາດ ກັບຄືນມາດຳລົງຊີວິດຕາມ ປົກກະຕິເທົ່າທີ່ຈະເປັນໄປໄດ້.

            ໃນໂອກາດນີ້, ທ່ານປະ ທານອົງການກາແດງລາວ ຍັງ ໃຫ້ຮູ້ອີກວ່າ: ສຳລັບ ອົງການກາແດງລາວ ແມ່ນໄດ້ຮັບການ ສ້າງຂຶ້ນໃນວັນທີ 1 ມັງກອນ 1955 ແມ່ນອົງການຈັດຕັ້ງທາງສັງຄົມໜຶ່ງໃນ ສປປ.ລາວ ຊຶ່ງ ຢູ່ໃຕ້ການນຳພາຂອງພັກ ແລະ ຊີ້ນຳໂດຍກົງຂອງລັດຖະບານ, ມີພາລະບົດບາດຊ່ວຍລັດຖະບານ ໃນ ວຽກ ງານບັນເທົາທຸກໃຫ້ແກ່ປະຊາຊົນຜູ້ທຸກຍາກ ຂາດເຂີນ, ປະສົບອຸປະຕິໄພຕ່າງໆ ແລະ ຊ່ວຍປົກ ປັກຮັກສາສຸຂະ ພາບຂອງປະຊາ ຊົນບັນດາເຜົ່າ, ປະຕິບັດໜ້າທີ່ ດ້ານ ມະນຸດສະທຳຕໍ່ປະຊາຊົນບັນດາເຜົ່າທີ່ດ້ອຍໂອກາດ ໃນ ການພັດທະນາຕົນເອງ ທີ່ດຳລົງ ຊີວິດຢູ່ເຂດຫ່າງໄກສອກຫລີກ ແລະ ຜູ້ທີ່ມີຄວາມສ່ຽງສູງຕໍ່ໄພພິບັດທາງທຳມະຊາດ ແລະ ມະນຸດສ້າງຂຶ້ນ. ໃນໄລຍະ 1 ປີ ຜ່ານມານີ້, ອົງການກາແດງລາວ ໄດ້ ຈັດຕັ້ງບັນດາກິດຈະກຳຕ່າງໆ ຕາມພາລະບົດບາດຂອງຕົນໃນ ຫລາຍກິດຈະກຳ ເປັນຕົ້ນການປະຕິບັດໂຄງການຮັກສາສຸຂະ ພາບຂັ້ນ ພື້ນຖານຢູ່ 6 ແຂວງ ພູດອຍພາກເໜືອ ກວມເອົາ 18 ເມືອງ 154 ບ້ານ, ການຈັດຫານຳ ສະອາດ, ວິດຖ່າຍ, ສ້າງ ອາສາສະໝັກກາແດງປະຖົມພະຍາບານສ້າງໝໍຕຳແຍຊ່ວຍເກີດລູກ,  ໂຄງ ການໂຄສະນາຕ້ານເອດ ໃຫ້ແກ່ຊາວໜຸ່ມ, ໃຫ້ ຄວາມສຳຄັນ ແລະ ເບິ່ງແຍງດູແລຜູ້ທີ່ຕິດພະຍາດເອດ, ໂຄງການຈັດຫາຜູ້ບໍລິຈາກເລືອດແບບສະໝັກໃຈໂດຍບໍ່ຮຽກຮ້ອງ ສິ່ງຕອບແທນກວມເອົາ 16 ​ແຂວງໃນທົ່ວປະເທດ, ຂະຫຍາຍຕາໜ່າງເກັບຮັກສາເລືອດຢູ່ຂັ້ນເມືອງ ຈຳນວນ 14 ເມືອງ, ໂຄງການໂຄສະນາເຜີຍ ແຜ່ພາລະບົດບາດຂອງຂະບວນ ການກາແດງ ແລະ ອົງການກາ ແດງລາວ, ໂຄງການປຸກລະດົມ ຂົນຂວາຍອາສາສະໝັກຊາວໜຸ່ມກາແດງ.