ເຜີຍແຜ່ເນື້ອໃນກົດຫມາຍມະນຸສະທຳສາກົນ

        ສະຖາບັນການຕ່າງປະເທດ ກະ ຊວງການຕ່າງປະເທດ ໄດ້ຮ່ວມກັບ ຄະນະກຳມະການກາແດງສາກົນປະ ຈຳ ສປປ ລາວ ຈັດປາຖະກະຖາໃນ ຫົວຂໍ້ ພາບລວມຂອງກົດໝາຍມະນຸດ ສະທຳສາກົນ ຂຶ້ນໃນວັນທີ 10 ພຶດສະ ພາ 2013 ທີ່ສະ ຖາບັນການ ຕ່າງປະເທດ ເນື່ອງໃນໂອ ກາດວັນຄົບຮອບ 150 ປີ ຂອງ ການສ້າງ ຕັ້ງຄະນະກຳມະການ ກາແດງສາກົນ ໂດຍ ການບັນ ຍາຍຂອງ ທ່ານ ທີຣາພັດ ອາສາ ວະສັງສິດ ທີ່ປຶກສາກົດໝາຍ, ຄະ ນະກຳມະການກາແດງສາກົນປະ ຈຳພາກພື້ນ, ທີ່ມີສຳນັກງານຕັ້ງຢູ່ ບາງກອກ ປະເທດໄທ. ເຂົ້າຮ່ວມ ຮັບຟັງປາຖະກະຖາຄັ້ງນີ້ມີ ຄະນະ ສະຖາບັນການຕ່າງປະເທດ, ຄະ ນະກົມ, ຄະນະພະແນກ ແລະ ພະ ນັກງານວິຊາການຈາກກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກ ແລະ ພາກສ່ວນອື່ນໆ ຈຳນວນ 70 ທ່ານ.

        ການຈັດປາຖະກະຖາຄັ້ງນີ້ ເພື່ອສ້າງຄວາມເຂົ້າໃຈຢ່າງເລິກ ເຊິ່ງໃຫ້ພະນັກງານຂອງກະຊວງການຕ່າງປະເທດ ແລະ ຄະນະ ພົວພັນຕ່າງປະເທດສູນກາງພັກ ກ່ຽວກັບເນື້ອໃນຂອງກົດໝາຍມະ ນຸດສະທຳສາກົນ ຊຶ່ງເປັນກົດໝາຍທີ່ປົກປ້ອງ ກຽດສັກສີຂອງ ມະນຸດ ແລະ ປົກປ້ອງຄວາມເສຍ ຫາຍຈາກ ສັງຄົມ ແລະ ຄວາມ ຂັດແຍ່ງຕ່າງໆທີ່ເກີດຂຶ້ນລະຫວ່າງລັດຕໍ່

ລັດ. ຄະນະກຳມະ ການກາແດງສາກົນ ແມ່ນອົງ ການທີ່ຮັກສາກົດ ໝາຍມະນຸດສະ ທຳສາກົນ ປະຕິບັດໜ້າທີ່ພາຍໃຕ້ສົນທິ ສັນຍາເຈນີວາ ທັງ 4 ສະບັບ ແລະ ອະນຸສັນຍາເພີ່ມເຕີມ ສອງ ສະບັບ ຊຶ່ງ ສປປ.ລາວ ເຂົ້າຮ່ວມ ເປັນພາຄີໃນສົນທິສັນຍາດັ່ງ ກ່າວ. ກົດໝາຍມະນຸດສະທຳເປັນເຄື່ອງ ມືທີ່ ໃຫ້ສິດແກ່ຄະນະກຳມະການ ການແດງສາກົນ ໃນການປະຕິບັດພາລະໜ້າທີ່ ເຊັ່ນ: ການຊ່ວຍເຫລືອທະຫານທີ່ ບາດເຈັບໃນ ສົງຄາມ, ຜູ້ໄດ້ຮັບ ເຄາະຮ້າຍ ຈາກໄພທຳມະຊາດ,ການໃຫ້ການ ຊ່ວຍເຫືອ ແລະ ຄຸ້ມຄອງສະເລີຍເສິກສົງຄາມ, ການຊອກຫາຜູ້ ຫາຍ ສາບສູນໃນສົງຄາມ ແລະ ການຊ່ວຍເຫລືອພົນລະເຮືອນໃນກໍລະ ນີເກີດເຫດສຸກເສີນ.

      ໃນໂອກາດນີ້ ທ່ານ ທີຣາພັດ ອາສາວະສັງສິດ ໄດ້ຕາງໜ້າໃຫ້ຄະນະກຳມະການກາແດງສາກົນມອບປື້ມກ່ຽວກັບກົດ ໝາຍສາກົນ ຈຳນວນ 70 ຫົວ ໃຫ້ແກ່ສະຖາບັນການຕ່າງປະເທດ ເພື່ອນຳໃຊ້ເປັນຂໍ້ມູນໃນການຝຶກອົບຮົມຢູ່ສະຖາບັນ ການຕ່າງປະເທດ.