ຊຸດຝຶກອົບຮົມນັກຂ່າວທົ່ວປະເທດ ກ່ຽວກັບຫົວຂໍ້
“ ທັກສະ ການຂຽນບົດວຽກດີຄົນເດັ່ນ” ໂດຍການຮ່ວມມືລະ ຫວ່າງກະຊວງຖະແຫລງຂ່າວ
ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ແລະ ກະຊວງຖະແຫລງ ຂ່າວ ແລະ ສື່ສານ ສສ.
ຫວຽດ ນາມ ໄດ້ສຳເລັດລົງໃນວັນທີ 10 ພຶດສະພາ 2013 ນີ້ທີ່ ສະຖາບັນສື່ມວນຊົນ
ແລະ ວັດທະນະທຳ ໂດຍການໃຫ້ກຽດເຂົ້າຮ່ວມ ຂອງ ທ່ານ ສະຫວັນຄອນ ຣາຊະມຸນຕີ ລັດຖະມົນຕີຊ່ວຍວ່າການ
ກະ ຊວງຖະແຫລງຂ່າວ ວັດທະນະ ທຳ ແລະ ທ່ອງທ່ຽວ, ທ່ານ ໂດ ກຸຍ ສວນ ລັດຖະ ມົນຕີຊ່ວຍວ່າ
ການ ກະຊວງຖະແຫລງຂ່າວ ແລະ ສື່ສານ ສສ.ຫວຽດນາມ, ມີຫົວໜ້າກົມ, ຮອງກົມ, ຫົວໜ້າພະແນກການຈາກພາກສ່ວນກ່ຽວ
ຂ້ອງເຂົ້າຮ່ວມ.
ໃນຊຸດຝຶກອົບຮົມມີນັກສຳມະນາກອນມາຈາກຂະແໜງການຕ່າງໆອ້ອມຂ້າງສູນກາງ
ແລະ ທ້ອງຖິ່ນໃນຂອບເຂດທົ່ວປະເທດ ຈຳນວນ 45 ທ່ານ, ຍິງ 11 ທ່ານ ໃນັ້ນມາຈາກທ້ອງຖິ່ນ
19 ທ່ານ ຊຶ່ງຕະຫລອດໄລ ຍະການຝຶກອົບຮົມ 5 ວັນ ຜູ້ເຂ້ົາ ຮ່ວມໄດ້ຖອດຖອນບົດຮຽນ,
ແລກປ່ຽນຄຳເຫັນເຊິ່ງກັນ ແລະ ກັນ ພ້ອມທັງຝຶກຫັດຕົວຈິງໃນຫ້ອງຮຽນ ແລະ ໄປທັດ
ສະນະສຶກສາ ເພື່ອເກັບກຳຂໍ້ມູນມາຂຽນບົດ. ໄລຍະຜ່ານມາກະຊວງຖະແຫລງຂ່າວ
ແລະ ສື່ສານ ສສ. ຫວຽດນາມ ໄດ້ຈັດຝຶກອົບຮົມໃຫ້ສື່ມວນຊົນລາວຈຳນວນຫລາຍຄັ້ງ
ຊຶ່ງໄດ້ປະກອບສ່ວນສຳຄັນເຮັດໃຫ້ນັກຂ່າວຂອງລາວ ມີການພັດທະນາດ້ານວິຊາສະເພາະໃຫ້ດີຂຶ້ນ,
ສາມາດຂີດຂຽນອອກຂ່າວໃນໜັງສືພິມ, ວິທະຍຸ ແລະ ໂທລະພາບໄດ້ຢ່າງຄ່ອງແຄ້ວ.
ໂອກາດນີ້ ທ່ານ ສະຫວັດຄອນ ຣາຊະມຸນຕີ ໄດ້ໃຫ້ທິດຊີ້ນຳຕໍ່ນັກສຳມະນາກອນ
ໂດຍຍົກໃຫ້ເຫັນວ່າ: ການຈັດຊຸດອົບ ຮົມ ໃນຫົວຂໍ້ “ ທັກສະການຂຽນບົດວຽກດີຄົນເດັ່ນ”
ເປັນຫົວຂໍ້ສຳຄັນສຳລັບສື່ມວນຊົນໃນການປະຕິບັດໜ້າທີ່, ເປັນໂອ ກາດໃຫ້ຜູ້ເຂົ້າຮ່ວມໄດ້ຄົ້ນຄ້ວາຮ່ຳຮຽນເອົາບົດຮຽນທີ່ນຳ
ສະເໜີຂອງຄູອາຈານ ແລະ ນັກສຳມະນາກອນດ້ວຍກັນ ແນໃສ່ໃຫ້ມີຄວາມຮູ້ເພີ່ມເຕີມໃນການໃນການຂຽນບົດ
ໃຫ້ມີປະສິດທິ ພາບ ສູງຂຶ້ນເທື່ອລະກ້າວ ພ້ອມດຽວກັນນີ້ ທ່ານຍັງໄດ້ສະແດງຄວາມຂອບອົກຂອບໃຈ
ຕໍ່ການສະໜັບສະໜູນ ຂອງ ກະຊວງຖະແຫລງຂ່າວ ແລະ ສື່ສານ ສສ. ຫວຽດນາມ ທີ່ໃຫ້ຄວາມສຳຄັນຕໍ່ການຍົກລະດັບຄວາມຮູ້,
ຄວາມສາມາດຂອງສື່ມວນຊົນລາວມາໂດຍຕະຫລອດ.
No comments:
Post a Comment