ສະຫະພັນນັກຮົບເກົ່າແຂວງຈຳປາສັກໄຂກອງປະຊຸມໃຫຍ່ 4 ຂັ້ນ

        ກອງປະຊຸມໃຫຍ່ 4 ຂັ້ນຂອງ ສະຫະພັນນັກຮົບເກົ່າແຂວງຈຳປາສັກໄດ້ ຈັດຂຶ້ນ​ໃນ​ວັນ​ທີ 13 ພຶດ ສະພາ​ນີ້ຢູ່ຫ້ອງວ່າ ການປົກຄອງ ແຂວງເພື່ອເຜີຍ ແຜ່ແລະ ເຊື່ອມ ຊຶມແຈ້ງການສະບັບເລກທີ 16/ ຄຈ ສພລົງວັນທີ 26/1/2013 ແລະ ຄຳສັ່ງ ແນະນຳສະບັບເລກ ທີ175 /ສນຫລ,ລົງວັນທີ9/4/2013 ໂດຍ ການເຂົ້າຮ່ວມເປັນ ປະທານ ຂອງ ທ່ານສຸບິນ ຈັນທະພິມ ຄະນະປະ ຈຳພັກແຂວງ,ປະທານແນວລາວ ສ້າງຊາດແຂວງຈຳປາສັກ, ມີທ່ານ ພັນໂທ ພົງສະຫວັດ ສາຍສຸ ວັນປະທານສະຫະ ພັນນັກຮົບເກົ່າ ແຂວງຈຳປາສັກພ້ອມດ້ວຍຄະ ນະປະຈຳພັກເມືອງ,ປະທານສະ ຫະພັນນັກຮົບເກົ່າຈາກ 10  ເມືອງເຂົ້າຮ່ວມ 25 ສະຫາຍ.

    ປະທານສະຫະພັນນັກ ຮົບເກົ່າແຂວງຈຳປາສັກກ່າວຕ່ໍ ກອງປະຊຸມວ່າ:ການກະກຽມດຳ ເນີນກອງປະຊຸມໃຫ່ຍຄັ້ງທີ III ຂອງສະຫະພັນນັກຮົບເກົ່າ4ຂັ້ນ ໃນທົ່ວປະເທດຕາມມະຕິກົມກນ ເມືອງສູນກາງພັກວ່າດ້ວຍການ ຈັດຕັ້ງແລະເຄື່ອນໄຫວ ຂອງສະຫະພັນນັກຮົບເກົ່າແຫ່ງຊາດລາວ ເຊິ່ງອີງໃສ່ກົດລະບຽບສະໄໝທີII ກ່ຽວກັບການດຳເນີນກອງປະຊຸມ ແຕ່ລະຂັ້ນໃນ ບັ້ນດຳເນີນຊີວິດການເມືອງເພື່ອທົບທວນຄືນວຽກ ງານການຊີ້ນຳ​ນຳພາຂອງອົງ ການຈັດຕັ້ງສະຫະພັນນັກລົບເກົ່າແຕ່ລະຂັ້ນ

ເພື່ອສ້າງໃຫ້ອົງກອນໃນຂັ້ນຕ່າງໆມີຄວາມເຂັ້ມ ແຂງແລະມີຄວາມສາມາດພຽງ ພໍໃນການເປັນເສນາທິການໃຫ້ຄະນະພັກຂັ້ນ ເທິງຂອງຕົນດັ່ງນັ້ນ, ການກະກຽມດຳເນີນກອງປະຊຸມ ໃຫຍ່ 4 ຂັ້ນຂອງສະຫະພັນນັກຮົບເກົ່າຕ້ອງໄດ້ກະກຽມດັ່ງນີ້ຄືກະ ກຽມສານກ່ຽວກັບກອງປະຊຸມ, ກະກຽມໂຄງປະກອບຂອງບຸກຄະລາກອນ, ງົບປະມານ ແລະ ສະຖານທີ່ປະຊຸມ, ດຳເນີນໄລ ຍະກອງ ປະຊຸມແຕ່ລະຂັ້ນໃຫ້ໄດ້ຕາມເປົ້າ ໝາຍແລະແຜນການທີ່ສະຫະພັນນັກຮົບເກົ່າແຫ່ງຊາດລະບຸໄວ​ໂດຍ​ສະ​ເພາະ​ແມ່ນ​ບັນຫາບຸກຄະລາກອນທີ່ຈະເປັນຜູ້ສະໝັກເລືອກ ຕັ້ງຕ້ອງ​ເປັນ​ຜູ້ມີຄຸນທາດການເມືອງ, ຄວາມຮູ້ຄວາມສາມາດ, ມີແບບແຜນ ວິທີເຮັດວຽກ ​ແລະ ມີສຸຂະພາບໜ້າທີ່ວຽກງານຂອງ ຄະນະບໍລິຫານງານສະຫະພັນນັກຮົບເກົ່າແຕ່ລະຂັ້ນທັງນີ້ກໍເພື່ອຮັບປະ ກັນໃຫ້ອົງການສະຫະພັນນັກຮົບເກົ່າແຕ່ລະຂັ້ນມີຄວາມເຂັ້ມແຂງເປັນເສນາທິການໃຫ້ແກ່ຄະນະພັກຢ່າງປອດໃສ ແລະ ມີປະ ສິດທິພາບສູງ.