ຊຽງຂວາງແຜ່ນດິນຄຳ

      ນັບຕັ້ງແຕ່ໄດ້ເປີດໂອກາດ ໃຫ້ບໍລິສັດຕ່າງປະເທດສຳ ຫລວດແຮ່ຄຳຢູ່ແຂວງຊຽງ ຂວາງມານີ້,ກໍເປັນເວລາຫລາຍ ປີແລ້ວ ແລະ ບໍລິສັດເຫລົ່ານັ້ນ ໄດ້ກຳນົດຈຸດພິກັດໄວ້ຫລາຍ ແຫ່ງທີ່ເຫັນວ່າມີແຮ່ຄຳສະ ເພາະຈຸດຫລັກໆຂອງການສຳ ຫລວດນັ້ນ ແມ່ນຢູ່ພູແຮ່ ໃນເຂດ ເທດສະບານແຂວງເບື້ອງຕາ ເວັນອອກ ແລະ ກໍຍັງມີຫລາຍ ບ່ອນຢູ່ເມືອງແປກ ແລະ ເມືອງ ອື່ນໆ ຕໍ່ກັບການໝາຍຈຸດພິກັດ ໄວ້ນັ້ນ ພັດໄດ້ມີພວກ ໂຈນສະ ລັກ ມາຂຸດເຈາະເອົາແຮ່ໄປ ໂດຍບໍ່ຖືກຕ້ອງອັນເປັນສະນວນໃຫ້ ແກ່ຜູ້ອື່ນເຂົ້າໄປລັກ ຂຸດເອົາແຮ່ຄຳໃນບໍລິເວນດັ່ງ ກ່າວເປັນຈຳນວນຫລາຍ ທັງ ຄົນລາວ ແລະ ຄົນຕ່າງປະເທດ, ມີຮອດ

ພະນັກງານຕຳຫລວດ ເຂົ້າມາມີສ່ວນຮ່ວມນຳດ້ວຍ ພວກເຂົາໄດ້ ນຳເອົາ ເຄື່ອງທີ່ບົດເອົາຄຳທັງ ເວັນ ທັງຄືນ ແລະ ຮ້າຍແຮງ ໄປ ກວ່ານັ້ນ ພວກຕ່າງປະເທດມາ ລົງ ທຶນຕິດຕັ້ງອ່າງບົ່ມແຊ່ແຮ່ ຄຳດ້ວຍສານເຄມີທີ່ເປັນອັນຕະລາຍຕໍ່ຄົນ ແລະ ສະພາບ ແວດລ້ອມນຳອີກ ນັບແຕ່ປີ  2010 ເປັນ ຕົ້ນມາ.ໄລຍະທຳອິດແມ່ນຄົນ ພາຍໃນແຂວງ ແລະ ຕ່າງແຂວງ ຂຸດທັງເວັນທັງຄືນ ເຮັດດັ່ງປານ ບຸນທາດຫລວງມື້ໜຶ່ງປະມານ 3-5 ພັນຄົນ ເຮັດໃຫ້ເກີດອຸປະຕິ ເຫດ ດິນຍຸບທັບມີຜູ້ເສຍຊີວິດ 24 ຄົນ ແລະ ມີຜູ້ບາດເຈັບນັບເປັນຫລາຍສີບຄົນ, ມີສັດລ້ຽງຕາຍ ຍ້ອນສານແຊ່ແຮ່ຄຳອີກເປັນຈຳ ນວນຫລາຍ ຕໍ່ກັບບັນຫາດັ່ງກ່າວ ເຈົ້າ ແຂວງຊຽງຂວາງໄດ້ຈັດຕັ້ງ ຄະນະກຳມະການແກ້ໄຂ ແລະ ໄດ້ນຳກຳລັງເຈົ້າໜ້າທີ່ ປກສ- ປກຊ ພ້ອມພະແນກການກ່ຽວ

ຂ້ອງລົງກວດຍືດເຄື່ອງບົດແຮ່ ແລະ ລະງັບເຫດການດັ່ງກ່າວ ແຕ່ກໍບໍ່ສີ້ນສຸດ ພວກໂຈນຍັງສືບ ຕໍ່ລັກຂຸດຄົ້ນ ແລະ ລະບາດ ອອກ ຫລາຍແຫ່ງ ເມື່ອເປັນເຊັ່ນນັ້ນ ເຈົ້າແຂວງຊຽງຂວາງໄດ້ອອກ ແຈ້ງການເພີ່ມເຕີມກ່ຽວກັບການສະກັດກັ້ນລັກລອບ ຂຸດແຮ່ຄຳ ບໍ່ຖືກຕ້ອງຢູ່ແຂວງຊຽງຂວາງ ສະບັບເລກທີ 10 ລົງວັນທີ 18 ເມ ສາ 2013 ເຖິງບັນດາເມືອງ, ພະແນກການ,

ກົມກອງ, ກຸ່ມບ້ານ ແລະ ບັນດາບ້ານໃຫ້ສຶກສາອົບ ຮົມການເມືອງແນວຄິດໃນຂອບ ເຂດຕົນຮັບພິຊອບ,ໃຫ້ຢຸດເຊົາ ການໄປ ລັກຂຸດແຮ່ຄຳ ຖ້າຍັງຝືນ ດື້ ຈະໄດ້ດຳເນີນຄະດີທາງກົດ ໝາຍ,ຖ້າແມ່ນການຈັດຕັ້ງຂັ້ນ ຕ່າງໆ,ພະນັກງານ, ທະຫານ, ຕຳ ຫລວດ ແລະ ສະມາຊິກພັກຈະຖືກ ຮັບໂທດໜັກ.ສຳລັບຜູ້ເກັບຊື້ແຮ່ ຄຳແມ່ນໃຫ້ຢຶດຂອງກາງ ພ້ອມ ທັງດຳເນີນຄະດີ ຕາມກົດໝາຍ, ມອບໃຫ້ພະແນກອຸດສະຫະກຳ ແລະ ການຄ້າແຂວງ ສົມທົບກັບ ຂະແໜງການກ່ຽວຂ້ອງລົງກວດກາສີນ ຄ້າປະເພດທີ່ນຳໃຊ້ສານ ເຄມີເຂົ້າໃນການກັກເກັບຄຳພ້ອມທັງຢຶດ, ກ່າວເຕືອນ ຫລື ດຳ ເນີນ ຄະດີໃນກໍລະນີຮ້າຍແຮງ, ມອບໃຫ້ຄະນະຮັບພິຊອບຄຸ້ມ ຄອງຕິດຕາມຂັ້ນແຂວງ ລົງສຳ ຫລວດໂຄງການທີ່ໄດ້ຮັບການສຳປະທານແລ້ວ, ຄະນະສະ ເພາະກິດຂັ້ນແຂວງໃຫ້ເຄື່ອນໄຫວຕາມ ພາລະບົດບາດ ເພື່ອເຮັດໃຫ້ຂະ ບວນທີ່ເຄື່ອນໄຫວບໍ່ຖືກຕ້ອງນັ້ນ ໄດ້ຮັບການແກ້ໄຂ ຢ່າງທັນການ. ບັນຫາການຂຸດຄົ້ນແຮ່ຄຳຂອງ ປະຊາຊົນໃນໄລຍະແລ້ງຜ່ານມານີ້ ມີຂ່າວວ່າຢູ່ຈຸດບ້ານມີໄຊ ເມືອງພູກູດ ໄດ້ຂຸດ ກັນເປັນຂະບວນໃຫຍ່ແຕ່ຍັງບໍ່ທັນໄດ້ຮັບການແກ້ໄຂ.