ສື່ມວນຊົນລາວເຮັດຫລ້ອນຫນ້າທີ່ໃນການເປັນກະບອກສຽງຮັບໃຊ້ສັງຄົມ

          ທ່າມກາງສະພາບເສດຖະກິດ-ສັງຄົມ ຂອງຊາດ ໄດ້ມີການ ຂະຫຍາຍຕົວຢ່າງຕໍ່ເນື່ອງໄປ ຕາມຈັງຫວະ ແລະ ກະແສ ການພັດທະນາທີ່ເຊື່ອມໂຍງເຂົ້າກັບໂລກ, ວຽກງານສື່ມວນຊົນກໍແມ່ນຂະແໜງການໜຶ່ງທີ່ມີຄວາມສຳຄັນປະກອບສ່ວນກະ ຕຸກຊຸກຍູ້ເຂົ້າໃນການພັດທະນາດັ່ງກ່າວໄດ້ຢ່າງວ່ອງໄວ

       ທ່ານ ສາດສະດາຈານ ດຣ ບໍ່ ແສງຄຳ ວົງດາລາ ລັດຖະມົນຕີ ວ່າການກະຊວງຖະແຫລ່ງຂ່າວ, ວັດທະນາທຳ ແລະ ທ່ອງ ທ່ຽວ ໄດ້ກ່າວໃນກອງປະຊຸມພົບປະສື່ ມວນຊົນລາວ ເມື່ອບໍ່ດົນມານີ້ວ່າ: ດັ່ງພວກເຮົາຮັບຮູ້ນຳກັນແລ້ວ ວ່າ ນັບແຕ່ໃດໆມາ ພັກ ແລະ ລັດຖະບານ ໄດ້ໃຫ້ຄວາມສຳຄັນຕໍ່ ວຽກງານສື່ມວນຊົນ ດ້ວຍການ ສຸມ ທຶນຮອນຢ່າງມະຫາສານໃສ່ການຍົກລະ ດັບວິຊາສະ ເພາະ ແລະ ສະໜອງອຸປະກອນຮັບໃຊ້ ໃຫ້ແກ່ວຽກງານດັ່ງ ກ່າວໃຫ້ມີ ຄວາມກ້າວໜ້າທັນສະໄໝ ເພື່ອຮັບປະ ກັນໃຫ້ປະຊາຊົນລາວບັນ ດາເຜົ່າທຸກຊັ້ນຄົນໃນສັງຄົມ ໄດ້ຮັບຮູ້ຂໍ້ມູນຂ່າວສານ, ສາລະໜ້າ ຮູ້ ແລະ ຄວາມບັນເທິງຕ່າງໆ ຢ່າງ ວ່ອງໄວ ແລະ ຊັດເຈນ, ນອກ ຈາກນີ້ ເນື້ອໃນ ແລະ ຮູບແບບ ຂອງຂໍ້ມູນຂ່າວສານ ທີ່ໄດ້ນຳສະ ເໜີສູ່ສັງຄົມນັ້ນ ກໍໄດ້ຮັບ ການພັດທະນາດ້ວຍຄຸນ ນະພາບ ແລະ ມາດຕະຖານໃໝ່ ທີ່ຕິດພັນກັບການສົ່ງເສີມ ແລະ ພັດທະນາຄ່າ ນິຍົມຂອງຊາດລາວ ໃນດ້ານປະຫວັດສາດ, ມູນເຊື້ອ, ວັດທະນະທຳ ແລະ ການດຳລົງຊີວິດຂອງສັງຄົມໃນແຕ່ລະໄລຍະ.

        ບັນດາອົງການສື່ມວນຊົນ ພ້ອມດ້ວຍຖັນແຖວພະນັກງານນັກຂ່າວ ທັງພາກລັດ ແລະ ເອກະຊົນ ໄດ້ປະຕິບັດໜ້າ ທີ່ ຕາມພາລະບົດບາດ ແລະ ສິດຂອງຕົນພາຍ ໃຕ້ການຄຸ້ມຄອງຂອງລັດຖະບານ ກໍຄືກະຊວງຖະແຫລ່ງຂ່າວ, ວັດທະນະທຳ ແລະ ທ່ອງທ່ຽວ ແລະ ກົດໝາຍສື່ມວນຊົນ ແລະ ຕິນິກຳທີ່ກ່ຽວຂ້ອງອື່ນໆ ຊຶ່ງໄດ້ ເຮັດໃຫ້ສື່ມວນຊົນລາວໄດ້ ຮັບ ການສົ່ງ ເສີມ ແລະ ປົກປ້ອງຕາມນະໂຍາບຍ ແລະ ລະບຽບກົດໝາຍຂອງລັດຖະບານຢ່າງ ເຕັມ ສ່ວນ ແລະ ປະກອບສ່ວນເຂົ້າໃນ ການຄຸ້ມຄອງລັດ, ຄຸ້ມຄອງສັງຄົມ ໃຫ້ມີຄວາມສັກສິດ,ມີປະສິດ ທິ ພາບ ແລະ ມີປະສິດທິຜົນຕາມ ນະໂຍບາຍ ແລະ ລະ ບຽບກົດໝາຍຂອງລັດ, ສ່ອງແສງໄດ້ ຂະ ບວນການ ເຄື່ອນໄຫວ ກໍຄືຄວາມ ມຸ່ງມາດປາດຖະໜາ ຂອງປະຊາຊົນໃນການພັດ ທະນາເສດຖະ ກິດ- ສັງຄົມ, ການ ປ້ອງກັນຊາດ- ປ້ອງກັນຄວາມສະຫງົບ ກໍຄື ການຮັກສາຄວາມເປັນລະບຽບ ຮຽບຮ້ອຍໃນ ສັງຄົມເພື່ອຄວາມປອງດອງ ແລະ ຄວາມຜາສຸກຂອງປະຊາຊົນບັນດາເຜົ່າ, ປະກອບສ່ວນໃນການຈຳກັດ ແລະ ແກ້ໄຂປາກົດ ການຫບໍ້ທໍ້ທີ່ເກີດຂຶ້ນໃນສັງຄົມ ແລະ ຕອບຕ້ານການບິດເບືອນໃສ່ຮ້າຍປ້າຍສີຂອງພວກບໍ່ຫວັງດີຕໍ່ປະເທດຊາດ.

        ທ່ານລັດຖະມົນຕີວ່າການ ກະຊວງຖະແຫລ່ງຂ່າວ,ວັດທະ ນາທຳ ແລະ ທ່ອງທ່ຽວ ກ່າວວ່າ: ເວົ້າລວມແລ້ວ ສື່ມວນ ຊົນລາວ ໄດ້ເຮັດຫລ້ອນນ້າທີ່ໃນການສ່ອງ ແສງເຫດການສຳຄັນຕ່າງໆທາງ ດ້ານປະຫວັດສາດ,ເສດຖະກິດ- ສັງຄົມ ແລະ ວັດທະນາທຳ ຂອງ ຊາດດ້ວຍຄວາມຮັບພິຊອບສູງ ເຮັດໃຫ້ສັງຄົມໄດ້ຮັບຂໍ້ມູນຂ່າວ ສານ ທີ່ມີສາລະປະໂຫຍດຕ່າງໆ ໄດ້ຢ່າງ ວ່ອງໄວ ແລະ ກວ້າງ ຂວາງ.