ໂອກາດນີ້,
ຮອງເຈົ້າແຂວງໄດ້ສະແດງຄວາມຊົມເຊີຍ ແລະ ຍິນດີຕ້ອນຄະນະຜູ້ແທນທີ່ໄດ້ມາຢ້ຽມຢາມແຂວງຫລວງພະບາງໃນເທື່ອນີ້,
ພ້ອມທັງຊີ້ໃຫ້ເຫັນວ່າ: ແຂວງຫລວງພະບາງໄດ້ສ້າງຕັ້ງ ຂຶ້ນ 200 ກວ່າປີຜ່ານມາ,
ເຄີຍເປັນນະຄອນຫລວງແຫ່ງທຳອິດຂອງປະເທດລາວ, ປັດຈຸບັນມີ 12 ເມືອງ, ມີປະຊາກອນ
4 ແສນ ກວ່າຄົນ, ມີ 12 ຊົນເຜົ່າ, ຕັ້ງຢູ່ໃຈ ກາງຂອງແຂວງພາກເໜືອ, ມີເສັ້ນທາງຜ່ານໄປປະເທດໄທ,
ສປ ຈີນ ແລະ ສສ ຫວຽດນາມ ແລະ ທ່າແຮງອັນສຳຄັນຂອງແຂວງ ແມ່ນ ວຽກງານທ່ອງທ່ຽວ. ປັດຈຸ ບັນມີແຫລ່ງທ່ອງທ່ຽວທຳມະ
ຊາດ, ປະຫັວດສາດ ແລະ ວັດທະ ນະທຳ 200 ກວ່າແຫ່ງ. ພິເສດ ເມືອງຫລວງພະບາງໄດ້ເປັນ ເມືອງມໍລະດົກໂລກໃນປີ
1996 ເຊິ່ງເປັນເງື່ອນໄຂສຳຄັນໃນການດຶງດູດນັກທ່ອງທ່ຽວ ໂດຍໃ ປີ ຜ່ານມາມີນັກທ່ອງທ່ຽວເຂົ້າມາ
ທ່ຽວ 1,5 ລ້ານກວ່າຄົນ ທີ່ມາ ຈາກປະເທດໄທ, ຝຣັ່ງ, ອັງກິດ, ເຢຍລະມັນ ແລະ ປະເທດ ອື່ນໆ.
ຜູ້ປະກອບການ ແລະ ຜູ້ບໍລິການການທ່ອງທ່ຽວ ຕະຫລອດຮອດ ປະຊາຊົນຊາວເມືອງຫລວງພະບາງມີຈິດໃຈຮັກ
ຫອມນັກທ່ອງ ທ່ຽວ ທັງຮູ້ພັດທະນາການທ່ອງ ທ່ຽວໃນທິດທາງທີ່ດີ ຕະຫລອດ ເຖິງການຮັກສາວັດທະນະທຳ
ທາງວັດຖຸ,
ຈິດໃຈ ແລະ ຮັກສາສິ່ງແວດລ້ອມໄດ້ດີ. ໄປພ້ອມໆກັນນີ້, ແຂວງຫລວງພະບາງ ຍັງ
ເອົາໃຈໃສ່ປັບປຸງເສັ້ນທາງຄົມ ມະນາທາງ ບົກ, ທາງນ້ຳ ແລະ ທາງອາກາດ ໂດຍສະເພາະການຂະຫຍາຍສະໜາມບິນເປັນລະດັບສາກົນມີຫລາຍກວ່າ
10 ຖ້ຽວຕໍ່ມື້ ເພື່ອ ເຊື່ອມຕໍ່ໃນອະນຸພາກພື້ນ ເພື່ອໃຫ້ໂລກຮັບຮູ້ເມືອງຫລວງ ພະບາງຫລາຍຂຶ້ນ.
ນອກນີ້ ຍັງມີ ການຜະລິດກະສິກຳພູດອຍ, ປູກ ຕົ້ນນ້ຳມັນ, ຢາງພາລາ, ສາລີ ແລະ ພືດຕະກູນຖົ່ວ
ລວມທັງ ການລ້ຽງສັດໃຫຍ່ ບວກໃສ່ການນຳໃຊ້ຊັບພະຍາກອນທຳມະ ຊາດແບບຍືນຍົງເຮັດໃຫ້ GDP ຂະ ຫຍາຍຕົວລະດັບ
9,4%, ລາຍຮັບ ສະເລ່ຍ 1.200 ໂດລາສະຫະລັດ/ ຄົນ/ປີ ຊີວິດ ການເປັນຢູ່ດີຂຶ້ນ ເລື້ອຍໆ.
ຮອງເຈົ້າແຂວງ ຍັງສະແດງ ຄວາມດີໃຈທີ່ ສປປ ລາວ ໄດ້ຮັບການຄັດເລືອກໃຫ້ເປັນປະເທດທີ່ໜ້າທ່ອງທ່ຽວທີ່ສຸດໃນ
ໂລກສຳລັບປີ 2013 ເຊິ່ງເມືອງຫລວງພະ ບາງກໍແມ່ນໜຶ່ງໃນນັ້ນ.
ປະທານສະຫະພັນການທ່ອງ ທ່ຽວ ແລະ ການຄ້າເອີຣົບ ກໍໄດ້
ສະແດງຄວາມຂອບໃຈທີ່ໄດ້ຮັບການຕ້ອນຮັບຢ່າງອົບອຸ່ນ ຈາກຮອງເຈົ້າແຂວງ ກໍຄືຊາວຫລວງພະບາງ, ພ້ອມທັງສະແດງຄວາມ
ດີໃຈທີ່ໄດ້ມາເຫັນເມືອງຫລວງພະບາງທີ່ສວຍງາມ ແຫ່ງນີ້ ເຊິ່ງທັງໝົດກໍແມ່ນຜົນງານຂອງການນຳທີ່ເອົາໃຈໃສ່ພັດທະນາໃຫ້ມີ
ຄວາມຈະເລີນຮຸ່ງເຮືອງແບບນີ້. ເມືອງຫລວງ ພະບາງມີວັດວາອາຮາມຈຳນວນຫລາຍລວມທັງພະລາຊະວັງ ແລະ
ສະຖານທີ່ທ່ອງທ່ຽວຫລາຍແຫ່ງ ສົມກັບຫລາຍ ປະເທດ ໄດ້ເລືອກໃຫ້ເປັນເມືອງ ໜ້າທ່ຽວທີ່ສຸດໃນປີນີ້
ຂໍໃຫ້ອຳ ນາດການປົກຄອງແຂວງທຸກຂັ້ນຕະຫລອດຮອດປະຊາຊົນຊາວ ຫລວງພະບາງທຸກຄົນຈົ່ງສືບຕໍ່ບູລະນະຮັກສາ
ເຮັດໃຫ້ຊື່ສຽງຂອງ ເມືອງຫລວງພະບາງກ້ອງໄກໄປທົ່ວໂລກເພື່ອໃຫ້ສາມາດ ດຶງດູດນັກທ່ອງທ່ຽວໃຫ້ໄດ້ຫລາຍກວ່າ
ເກົ່າ.
ໃນໂອກາດນີ້, ຄະນະຜູ້ແທນ ສະຫະພັນການທ່ອງທ່ຽວ ແລະ
ການຄ້າເອີຣົບ ໄດ້ໄປຢ້ຽມຊົມ ວັດຊຽງທອງ ວັດເກົ່າແກ່ ແລະ ມີສິ່ງກໍ່ສ້າງທີ່ມີຄວາມປານີດ
ທາງສິລະປະທີ່ແຕກຕ່າງກັນໃນ ຍຸກສະໄໝ ແລະ ຮັກສາໄວ້ດັ້ງ ເດີມແຕ່ສະຕະວັດທີ 16 ເປັນຕົ້ນມາ.
ວັດຊຽງທອງສ້າງຕັ້ງຂຶ້ນ ໃນປີ ຄສ 1559-1560 ຄືກ່ອນພະ ເຈົ້າໄຊເສດຖາທິລາດຍ້າຍນະຄອນຫລວງພະບາງ
ລົງໄປສ້າງ ເມືອງວຽງຈັນເປັນອານາຈັກລ້ານຊ້າງ ແລະ ຢ້ຽມຊົມວັດວິ ຊຸນ, ວັດພະບາດໃຕ້, ທ່ຽວຊົມຕົວ
ເມືອງຕາມສາຍນ້ຳ ຄານ ແລະ ນ້ຳຂອງນຳອີກ.
No comments:
Post a Comment