ການພົວພັນຮ່ວມມືລາວ-ອີຢູ ໄດ້ຮັບຫມາກຜົນດີ

          ໃນວັນທີ 9 ພຶດສະພາທີ່ຈະເຖິງນີ້, ແມ່ນວັນຄົບຮອບຖະແຫລ່ງການຊູ ມານ ແລະ ເປັນໂອກາດດີ ເພື່ອສະເຫລີມສະ ຫລອງໝາກຜົນຂອງສະຫະພາບ ເອີຣົບ EU (ອີຢູ) ໃນການສົ່ງເສີມສັນຕິພາບອັນຍາວນານ, ເພື່ອຄວາມຮັ່ງມີ ແລະ ຄວາມສາ ມັກຄີຂອງບັນດາປະເທດ ໃນທະວີບເອີຣົບ.ໂດຍແມ່ນກຸ້ມ 27 ປະ ເທດໄດ້ຮ່ວມຕົວກັນຂຶ້ນໃນສະ ໄໝສົງຄາມໂລກຄັ້ງທີ II ພາຍໃຕ້ແນວຄວາມຄິດ ການເຊື່ອມໂຍງ ໂດຍປັດສະຈາກຂໍ້ຂັດແຍ່ງ ແລະ ການທຳລາຍລ້າງເກີດຂຶ້ນອີກ.

      ການສະເຫລີມສະຫລອງວັນດັ່ງກ່າວໃນປີນີ້,ນອກຈາກເປັນການ ຄົບຮອບ 63 ປີ ການສ້າງຕັ້ງສະຫະພາບເອີຣົບແລ້ວ, ຍັງເປັນການສະຫລອງຄົບຮອບ 10 ປີແຫ່ງ ການສ້າງຕັ້ງສຳນັກງານຜູ້ຕາງໜ້າສະຫະພາບເອີຣົບປະຈຳລາວນຳດ້ວຍເຊິ່ງນັບ ວ່າເປັນໂອກາດອັນດີທີ່ຈະໄດ້ ຫວນຄືນສາຍພົວ ພັນ ແລະ ການຮ່ວມມືລະຫວ່າງສປປ ລາວ ແລະ ອີຢູ ພາຍຫລັງ ທີ່ການຢ້ຽມ ຢາມທາງການຂອງ ປະທານສະຫະພາບເອີຣົບ ທ່ານ ເຮີມານ ວານ ລົມປຸຍ ແລະ ປະ ທານຄະນະກຳມາທິການ ເອີຣົບ ທ່ານ ໂຈເຊ ມານູເອວ ບາໂລໂຊ ທີ່ໄດ້ມາຮ່ວມກອງ ປະຊຸມສຸດ ຍອດອາເຊັມຄັ້ງທີ 9 ເຊິ່ງ ສປປ ລາວ ເປັນເຈົ້າພາບຈັດຂຶ້ນຢ່າງ ມີຜົນສຳເລັດ. ການບັນລຸເປົ້າໝາຍສະຫັດສະວັດແຫ່ງການພັດທະນາ,ໂດຍສະເພາະແມ່ນການຫລຸດຜ່ອນຄວາມທຸກຍາກຍັງ ເປັນບູລິມະສິດ ຕົ້ນຕໍຂອງອີຢູ ຢູ່ໃນລາວ ແລະ ບັນດາກິດຈະກຳຂອງໂຄງການຕ່າງໆໃນຫລາຍ ແຂວງແມ່ນມີເປົ້າໝາຍທີ່ຈະສະໜອງທັກສະ ແລະ ວິຊາການໃຫ້ປະຊາຊົນທ້ອງຖິ່ນເພື່ອປັບປຸງຊີວິດການເປັນຢູ່ໃຫ້ດີຂຶ້ນ.

     ສຳລັບ ອີຢູ ແລະ ປະເທດສະ ມາຊິກຂອງຕົນ ແມ່ນໜຶ່ງໃນບັນ ດາ ຄູ່ຮ່ວມພັດທະນາລາຍໃຫຍ່ທີ່ ສຸດໃນລາວ ອິງຕາມຕົວ ເລກຊ່ວຍເຫລືອທາງການ(ODA) ແລະ ການຊ່ວຍເຫລືອດ້ານມະ ນຸດສະທຳທີ່ພວມຈັດຕັ້ງປະຕິບັດ ໃນ ປັດຈຸບັນມີປະມານ 80 ລ້ານ ເອີໂຣຕໍ່ປີ.ໃນກອບສອງຝ່າຍ ແຜນງານການຊ່ວຍເຫລືອຂອງ ອີຢູ ໃນລາວ ສຳລັບປີ2007-2013 ມີປະມານ 69 ລ້ານເອີໂຣ ແລະ ຄາດວ່າອາດມີການເພີ່ມຂຶ້ນສຳ ລັບແຜນປີ 2014-2020 ເນື່ອງ ຈາກ ອີຢູ ພວມພິຈາລະນາທີ່ຈະໃຫ້ການ ສະໜັບສະໜູນຢ່າງຫ້າວຫັນຕາມ ແຜນຂອງລັດຖະບານ ລາວ ເພື່ອນຳພາປະເທດໃຫ້ຫລຸດພົ້ນອອກຈາກສະຖານະພາບ ດ້ອຍ ພັດທະນາ(LDC) ໃນປີ 2020.

     ການຊ່ວຍເຫລືອຂອງ ອີຢູ ໃນ ລາວຜ່ານມາແມ່ນກວມເອົາການ ສະໜັບສະໜູນແຜນພັດທະນາ ເສດຖະກິດ-ສັງຄົມ ແຫ່ງຊາດ, ການພັດທະນາຊົນນະບົດ, ກະສິກຳ, ການສຶກສາ, ຄ້ຳປະກັນສະບຽງອາຫານ,ດ້ານມະນຸດສະທຳ, ເກັບກູ້ລະເບີດ, ການຄ້າ, ການປົກຄອງ ແລະ ສິດທິມະນຸດ.