ສສ ຫວຽດນາມ ຊ່ວຍ ເຝິກອົບຮົມທັກສະການຂຽນບົດວຽກດີຄົນ ເດ່ັນໃຫ້ນັກຂ່າວລາວ

       ວັນທີ 6 ພຶດສະພາ ນີ້, ກະຊວງຖະແຫລງ ຂ່າວ, ວັດທະນະທຳ ແລະ ທ່ອງ ທ່ຽວລາວ ຮ່ວມກັນກະຊວງຖະ ແຫລງ ຂ່າວ ແລະ ສື່ສານ ສສ ຫວຽດນາມ ໄດ້ຈັດຊຸດເຝິກອົບຮົມ “ທັກສະການຂຽນບົດ ແບບຢ່າງວຽກດີຄົນ ເດັ່ນ” ໄດ້ຈັດຂຶ້ນ ໃນ ວັນ ທີ 6-10 ພຶດ ສະພານີ້  ຢູ່ສະຖາບັນສື່ມວນຊົນ, ວັດທະນະທຳ ໂດຍ ການ ຊ່ວຍເຫລືອ ແລະ ຮ່ວມມືລະຫວ່າງກະ ຊວງ ຖະແຫລງຂ່າວ,  ວັດທະນະທຳ ແລະ ທ່ອງທ່ຽວ ແລະ ກະ ຊວງຖະແຫລງຂ່າວ-ສື່່່ ສານສສ ຫວຽດນາມ ໂດຍເຂົ້າ ຮ່ວມ ຂອງ ທ່ານ ປິ່ນປາດຖະໜາ ພັນ ທະມາລີ ຫົວ ໜ້າກົມສື່ມວນຊົນ, ທ່ານ ວິໄລທອງ ສີຊານົນ ຫົວ ໜ້າສະຖາບັນສື່ ມວນຊົນ-ວັດ ທະນະທຳ, ທ່ານ ຫງວຽນ ຫິວເລືອງ ຫົວໜ້າກົມສື່ມວນຊົນກະຊວງຖະ ແຫລງຂ່າວ ແລະ ສື່ສານ ສສ ຫວຽດນາມ ພ້ອມ ດ້ວຍຄູອາຈານ ສອນຈາກຫວຽດນາມ ເພື່ອຊ່ວຍ ໃຫ້ນັກຂ່າວລາວໄດ້ຮຽນຮູ້ຫລັກການການຂຽນຂ່າວ, ຂຽນບົດທີ່ສ່ອງແສງເຖິງການສ້າງສາພັດທະນາເສດຖະກິດ-ສັງຄົມໂດຍສະເພາະທັກສະການຂຽນກ່ຽວກັບແບບຢ່າງວຽກດີຄົນເດັ່ນເພື່ອສາ ມາດ ກຳໄດ້ຫລັການການສຳພາດຂ່າວ ໃຫ້ໄດ້ຂໍ້ມູນເລິກເຊິ່ງ ຢູ່ທ້ອງຖິ່ນຂອງຕົນເປັນຕົ້ນວິທີການສຳພາດບຸກຄົນທີ່ດີເດັ່ນ ໃນການ ດຳເນີນທຸລະກິດດ້ານໃດໜຶ່ງ, ການປູກ, ການລ້ຽງເພື່ອເຮັດໃຫ້ສັງຄົມຮັບຮູ້ ແລະ ຮຳ່ ຮຽນເອົາເປັນແບບຢ່າງໃນການພັດທະ ນາຄຸນນະພາບຊີວິດຂອງ ຕົນ.