ການຄຸ້ມຄອງແຮງງານໃຫ້ເຂົ້າສູ່ລະບົບກົດຫມາຍຍັງເປັນສິ່ງທ້າທາຍຕໍ່ພາກສ່ວນກ່ຽວຂ້ອງ

      ການຄຸ້ມຄອງແຮງງານຕ່າງປະເທດຢູ່ ສ ປປ ລາວ,ແມ່ນເປົ້າໝາຍ ສຳຄັນຂອງກະຊວງແຮງງານ ແລະ ສະຫວັດດີການສັງ ຄົມ ຈະຕ້ອງໄດ້ ເອົາໃຈໃສ່ຈັດຕັ້ງປະຕິບັດຢ່າງເຂັ້ມ ງວດໂດຍບໍ່ໃຫ້ສົ່ງຜົນກະທົບຕໍ່ການ ມີວຽກເຮັດງານທຳຂອງແຮງງານ ລາວ ແນ່ໃສ່ການເຂົ້າສູ່ປະຊາຄົມອາ ຊຽນໃນປີ 2015 ໃຫ້ບັນລຸຜົນຕາມທີ່ຄາດໄວ້, ແຕ່ເຖິງຢ່າງໃດກໍດີການຄຸ້ມຄອງແຮງງານ ດັ່ງກ່າວຖ້າຫາກຍັງມີການຊັກຊ້າໃນການສືບຕໍ່ຈັດຕັ້ງປະຕິບັດໃຫ້ວຽກນີ້ເຂົ້າສູ່ລະບຽບກົດ ໝາຍທີ່ກຳນົດໄວ້ໃນກົດໝາຍວ່າ ດ້ວຍແຮງງານແລ້ວນັບວ່າຈະກາຍເປັນສິ່ງທ້າທາຍຕໍ່ຂະແໜງການທີ່ກ່ຽວຂ້ອງ.

       ອິງຕາມຂໍ້ມູນການສະຫລຸບ ຕີລາຄາສະພາບການຈັດ ຕັ້ງປະຕິ ບັດກາງສະໄໝຂອງແຜນພັດທະນາແຮງງານ ແລະ ສະ ຫວັດດີການສັງຄົມ 5 ປີ (2011- 2015 ) ສະເພາະວຽກງານຄຸ້ມຄອງແຮງ ງານ ລະບຸວ່າ: ການນຳເຂົ້າແຮງງານຈາກຕ່າງປະ ເທດແມ່ນປະຕິ ບັດຕາມກົດໝາຍແຮງງານກຳ ນົດໄວ້ ເຊິ່ງໃນ 2 ປີເຄິ່ງທີ່ຜ່ານ ມາແຮງງານຈາກຕ່າງປະເທດທີ່ ເຂົ້າມາອອກ ແຮງງານຕາມການອະນຸຍາດຂອງອົງການຄຸ້ມຄອງແຮງງານມີຈຳນວນ 19 ພັນກວ່າ ຄົນ,ໃນນັ້ນ ຍິງ2ພັນກວ່າຄົນ, ພ້ອມ ນີ້ຍັງ ໄດ້ປະສານສົມທົບກັບຄະນະຮັບພິຊອບແກ້ໄຂຄົນຕ່າງປະເທດທີ່ທຳມາຫາກິນຢູ່ ສ ປປ ລາວດ້ວຍການເກັບກຳສະຖິຕິຈຳ ນວນແຮງງານດັ່ງກ່າວໃນຂອບເຂດທົ່ວປະເທດມີປະມານ 54 ພັນກວ່າຄົນ.ໃນນີ້ຂຶ້ນທະບຽນຖືກຕ້ອງປະມານ 39 ພັນກວ່າ ຄົນ, ບໍ່ໄດ້ຂຶ້ນທະບຽນ 14 ພັນກວ່າຄົນ ຊຶ່ງກະຊວງແຮງງານຈະຕ້ອງໄດ້ສືບຕໍ່ແກ້ໄຂ.

    ຈາກບັນຫາດັ່ງກ່າວມັນໄດ້ສະ ແດງໃຫ້ເຫັນວ່າການບັງຄັບໃຊ້ ລະບຽບກົດໝາຍ ເພື່ອປົກປ້ອງສິດຜົນປະໂຫຍດຂອງຜູ້ໃຊ້ ແຮງງານ ແລະ ຜູ້ອອກແຮງງານຍັງ ບໍ່ທັນເຂັ້ມງວດ,ຂໍ້ມູນສະຖິຕິແຮງ ງານໃນການປະກອບອາຊີບຢູ່ແຕ່ລະຂົງເຂດເສດຖະກິດ ຍັງບໍ່ ທັນເປັນລະບົບ,ນິຕິກຳ ເພື່ອປົກ ປ້ອງຜົນປະໂຫຍດຂອງແຮງງານ ທີ່ຖືກສົ່ງໄປອອກແຮງງານຢູ່ຕ່າງ ປະເທດຍັງບໍ່ທັນຮັດ ກຸ່ມ, ແຮງງານຕ່າງປະເທດ ແລະ ຊາວຕ່າງປະເທດທີ່ເຂົ້າມາອອກແຮງ ງານ ແລະ ທຳມາຫາກິນ ເພື່ອ ການຄ້າຂາຍຢູ່ ສປປ ລາວ ມີລັກ ສະນະເພີ່ມຂຶ້ນຕາມລຳດັບ,ດັ່ງ ນັ້ນຈຶ່ງເຮັດໃຫ້ການບັງຄັບໃຊ້ກົດ ໝາຍທີ່ຄຸ້ມຄອງການນຳເຂົ້າແຮງງານຕ່າງປະ ເທດຍັງບໍ່ທັນເຂັ້ມ ງວດເທົ່າທີ່ຄວນ,ເຖິງຢ່າງໃດກໍດີ ເພື່ອເຮັດໃຫ້ບັນຫານີ້ ເຂົ້າສູ່ລະ ບຽບການຕາມກົດໝາຍ, ການຄຸ້ມຄອງ ແຮງງານຕ່າງປະເທດ ແຕ່ປັດຈຸບັນຈົນເຖິງປີ 2015 ຕ້ອງ ໄດ້ເປັນລະບົບໂດຍໃຫ້ດຳເນີນ ການຂຶ້ນທະບຽນ ແລະ ຄວບຄຸມ ການເຮັດວຽກຂອງແຮງງານ ຕ່າງປະເທດໃຫ້ຖືກຕ້ອງຕາມລະບຽບກົດໝາຍ, ດຳເນີນການວິໄຈດ້ານປະລິມານແຮງງານຕ່າງ ປະເທດຢ່າງຖືກຕ້ອງຊັດເຈນ ເພື່ອຕອບສະໜອງຄວາມຕ້ອງການຂອງຜູ້ຊົມໃຊ້ແຮງງານເພື່ອບໍ່ໃຫ້ສົ່ງຜົນກະທົບຕໍ່ການມີ ວຽກເຮັດງານທຳຂອງແຮງງານລາວໃນປັດຈຸບັນ ແລະ ອານາຄົດຂ້າງໜ້າ.