ຫລັງປີໃໝ່ລາວລາຄາສີນຄ້າຫລາຍປະເພດຢູ່ນະຄອນຫລວງມີທ່າອ່ຽງຫລຸດລົງ

          ຫລັງການສະເຫລິມສະ ຫລອງປີໃໝ່ລາວຜ່ານໄປບໍ່ເທົ່າ ໃດມື້,ສີນຄ້າປະເພດອຸປະ ໂພກ-ບໍ ລິໂພກຢູ່ຕາມທ້ອງຕະ ຫລາດໃນນະຄອນຫລວງວຽງຈັນ ຍັງສືບຕໍ່ສ້າງບັນຍາກາດ ບໍລິການໃຫ້ຜູ້ບໍ ລິໂພກໃນສັງຄົມໄດ້ດີຄືແຕ່ເກົ່າ, ຂະນະທີ່ລາຄາສີນຄ້າຫລາຍປະເພດ ແມ່ນ ໄດ້ປັບຫລຸດລົງ ປັນຕົ້ນ ແມ່ນປະເພດຊີ້ນ, ປາ ແລະ ພືດຜັກອື່ນໆມີທ່າອ່ຽງຫລຸດລົງ ຫລາຍ.

         ຕາມການສອບຖາມຈາກ ແມ່ຄ້າຊາວຂາຍຕາມທ້ອງຕະຫລາດຫລາຍແຫ່ງຢູ່ນະຄອນຫລວງວຽງຈັນ ເຊັ່ນ:ຕະຫລາດ ຂົວດິນ, ທົ່ງຂັນຄຳ, ຕະຫລາດຄ້ອຍໄຟຟ້າໂພນຕ້ອງ ແລະ ບ່ອນອື່ນໆຕໍ່ນັກຂ່າວໜັງສືພີມ ລາວພັດທະນາຂອງພວກເຮົາເມື່ອບໍ່ ດົນຜ່ານມາເຫັນວ່າ:ຫລັງການສະຫລອງປີໃໝ່ລາວ, ສີນຄ້າຫລາຍປະເພດຍັງຂາຍດີ ແລະ ລາຄາສີນຄ້າກໍໄດ້ຫລຸດລົງເປັນຕົ້ນ ສີນຄ້າປະເພດຊີ້ນງົວ, ຄວາຍທີ່ມີການເໜັງຕີງຂຶ້ນ ຫລາຍ ໃນຜ່ານມານັ້ນກໍມີທ່າອ່ຽງຫລຸດລົງຖ້າທຽບໃສ່ໄລຍະກ່ອນຄືລາຄາ ຊີ້ນງົວ, ຄວາຍ ໄດ້ ປັບຂຶ້ນເຖິງ 75-80 ພັນກີບຕໍ່ ກິໂລ, ແຕ່ປັດຈຸບັນ ຫລຸດລົງຢູ່ໃນລະດັບ 70 ພັນກີບຕໍ່ກິໂລ, ສ່ວນຊີ້ນໝູ ປະເພດດີ ແມ່ນ 35 ພັນກີບຕໍ່ກິໂລ ແລະ ປາກະ ຊັງແມ່ນ 18-20 ພັນ ກີບຕໍ່ກິໂລ ຖືວ່າຢູ່ໃນເກນປົກກະ ຕິ, ສ່ວນປະ ເພດ ພືດຜັກຫລາຍຊະນິດ ກໍຫລຸດລົງມາຢູ່ໃນເກນປົກ

ກະຕິເຊັ່ນດຽວກັນ ເປັນຕົ້ນໝາກເຜັດຢູ່ໃນ ລະດັບ 30 ພັນກີບຕໍ່ກິໂລ, ໃນ ປີໃໝ່ ແມ່ນ 35-40 ພັນກີບຕໍ່ກິໂລ,ໝາກ ນາວ ກໍຫລຸດລົງຈາກ 20-25 ພັນ ກີບຕໍ່ກິໂລມາເປັນ 16 ພັນກີບ ຕໍ່ກິໂລ, ໝາກ ເຫລັ່ນໃຫຍ່, ຜັກກາດຊອມກໍຫລຸດລາຄາລົງ ເຫລືອພຽງ 3-6 ພັນກີບຕໍ່ກິໂລ ຈາກ 5-8 ພັນກີບຕໍ່ກິໂລ, ສຳລັບຜັກຫອມບົ່ວ, ຫອມປ້ອມເປັນໜຶ່ງ ໃນສີນຄ້າທີ່ຈຳເປັນເຊິ່ງປັບຂຶ້ນໃນໄລຍະປີໃໝ່ລາວລາຄາແພງເຖິງ 28 ພັນກີບຕໍ່ກິໂລ,ແຕ່ປັດຈຸບັນຫລຸດ ເຫລືອພຽງ 20 ພັນກິບຕໍ່ກິໂລ.

       ເຖິງວ່າລາຄາສີນຄ້າຫລາຍປະເພດຈະຫລຸດລົງຫລັງປີໃໝ່ລາວກໍຕາມ, ແຕ່ສີນຄ້າບາງ ະເພດຍັງມີຈຳນວນຈຳກັດ ແລະ ພວມຈະຂາດຕະຫລາດກໍອາດ ຈະຂຶ້ນລາຄາເລັກຫນ້ອຍເປັນຕົ້ນແມ່ນຊີ້ນ ແລະ ພືດບາງຊະນິດ ທີ່ປູກໄດ້ຕາມລະດູການເທົ່າ ນັ້ນສ່ວນຫລາຍແມ່ນມີລາຄາເໜັງ ຕິງຕາມແຕ່ລະໄລຍະ.