ອຸທາຫອນຈາກເຫດການເສົ້າຍ້ອນປະປ່ອຍເດັກນ້ອຍຫລິ້ນຕາມທາງ

      ທ້າວ ເຕີນ ອາຍຸ 4 ປີ ໄດ້ຈາກ ຜູ້ປົກຄອງໄປຢ່າງບໍ່ມີມື້ຫວນຄືນມາຫລັງເກີດອຸປະຕິເຫດຖືກລົດກະບະຮຸນໃດຢຽບ ເສຍຊີວິດຄາທີ່ຢູ່ບວກນ້ຳ, ໃນຂະນະຫລິ້ນກັບໝູ່ເດັກນ້ອຍດ້ວຍກັນຢູ່ກາງທາງຢ່າງມ່ວນຊື່ນ.

       ເຫດການສູນເສຍດັ່ງກ່າວ ເກີດຂຶ້ນເວລາ 17:00 ໂມງ ຂອງ ວັນທີ 21 ເມສາຜ່ານມາ ຢູ່ເຂດບ້ານນາໄຫເມືອງຫາດຊາຍ ຟອງ ນະຄອນຫລວງວຽງຈັນໂດຍ ເຈົ້າໜ້າທີ່ພະແນກຈະລາຈອນນະ ຄອນຫລວງວຽງຈັນ ໃຫ້ຮູ້ວ່າ: ກ່ອນເກີດເຫດມີເດັກ ນ້ອຍ 3 ຄົນ ຫລີ້ນຢູ່ບວກນ້ຳກາງທາງໃນເຂດ ບ້ານດັ່ງກ່າວ ແລະ ໃນຂະນະທີ່ ພວກເຂົາພາກັນຫລິ້ນຢ່າງເພີດ ເພີນຕາມ ຄວາມໄຮ້ດຽງສາຂອງ ເດັກນ້ອຍເຫລົ່ານັ້ນ,ໄດ້ມີລົດກະ ບະຮຸນໄດຄັນໜຶ່ງແລ່ນມຸ່ງໜ້າໄປ ທາງບ້ານນາໄຫ ພໍມາຮອດຈຸດ ເກີດເຫດຜູ້ຂັບຂີ່ລົດກະບະດັ່ງ ກ່າວ ຈຶ່ງເຫັນເດັກນ້ອຍ 2 ຄົນ ແລ່ນອອກຈາກບວກນ້ຳຈຶ່ງຂັບ ລົດຜ່າບວກນ້ຳ ໄປຢຽບເອົາ ເດັກນ້ອຍອີກຄົນຢູ່ກາງບວກ ຈົນເສຍຊີວິດຄາທີ່.

      ເຖິງວ່າເຫດການເສົ້າ ຄືດັ່ງກ່າວຈະຜ່ານໄປຫລາຍວັນ ແລະ ຜູ້ຂັບຂີ່ກໍຖືກດຳເນີນຄະດີ ຕາມລະບຽບກໍຕາມ,ແຕ່ຜົນແຫ່ງ ຄວາມໂສກເສົ້າເສຍໃຈຂອງຜູ້ເປັນພໍ່ແມ່ຍັງບໍ່ສາມາດຫລົບຫາຍໄດ້ ຊຶ່ງຈະເປັນອຸທາຫອນທີ່ສະທ້ອນໃຫ້ຜູ້ປົກຄອງທັງ ຫລາຍ ມີສະຕິໃນການເອົາໃຈໃສ່ເບິ່ງແຍງລູກຫລານຂອງຕົນດ້ວຍ ຄວາມຮັບຜິດຊອບ ເພື່ອບໍ່ໃຫ້ມີການສູນເສຍຄືດັ່ງກ່າວເກີດຂຶ້ນ ອີກ.