ກະຊວງສາທາລະນະສຸກເລັ່ງປະຕິບັດນະໂຍບາຍສົ່ງເສີມສຸຂະພາບແມ່ແລະເດັກ

        ໃນວັນທີ 22 ພຶດສະພານີ້,ທ່ານ ດຣ ໄກສອນ ຈຸນລະ ມະນີ ຮອງຫົວໜ້າກົມອະນາໄມ ແລະ ສົ່ງເສີມສຸຂະພາບ. ກະ ຊວງສາທາລະນະສຸກໄດ້ໃຫ້ສຳພາດຕໍ່ນັກຂ່າວ ໜັງສືພີມ ລາວ ພັດທະນາ ກ່ຽວກັບການຈັດຕັ້ງປະຕິບັດນະ ໂຍບາຍການເກີດລູກ ແລະ  ປິ່ນປົວ ເດັກລຸ່ມ  5 ປີ ບໍ່ໄດ້ເສຍຄ່າຢູ່ສະຖານທີ່ບໍລິການ ສາທາລະນະສຸກຂອງລັດວາ: ປັດຈຸບັນວຽກງານແມ່ ແລະ ເດັກ ເປັນບູລິມະສິດ,ຂອງລັດຖະບານກໍຄືກະຊວງສາທາລະນະສຸກ ໃນການຈັດ ຕັ້ງປະຕິ ບັດວຽກງານການສົ່ງເສີມສຸຂະພາບ ແມ່ ແລະ ເດັກ ທົ່ວປະເທດ, ເນື່ອງຈາກວ່າປະເທດເຮົາຍັງມີອັດ ຕາການຕາຍ ຂອງແມ່ ແລະ ເດັກສູງ.        

           ທ່ານຮອງຫົວໜ້າກົມອະນາໄມ ແລະ ສົ່ງເສີມສຸຂະພາບ ກ່າວວ່າ: ການປິ່ນປົວເດັກລຸ່ມ 5 ປີ ໂດຍບໍ່ເສຍຄ່າ ຢູ່ສະຖານ ທີ່ສາທາລະນະສຸກຂອງລັດແມນນະໂຍ ບາຍໃໝ,ເພອໃຫແມຍິງຖືພາແລະ ເດັກນອຍອາຍຸລຸມ 5 ປີ ໃນຂອບເຂດ ທົ່ວປະເທດ, ມາເກີດລູກ ແລະ ມາປິ່ນປົວ ຢູ່ສຸກສາລາ,ຢູ່ໂຮງໝໍ ເມືອງ,ໂຮງໝໍແຂວງ ແລະ ໂຮງໝໍ ສູນກາງ ໄດ້ ຮັບການຍົກເວັ້ນທຸກການໃຊ້ຈ່າຍທີ່ພົວພັນກັບການເກີດລູກ ແລະ ການປິ່ນປົວ ເດັກລຸ່ມ 5 ປີ,ເພື່ອໃຫ້ ການເຂົ້າ ເຖິງການບໍລິການດ້ານສາທາລະນະສຸກໂດຍສະເພາະແມ່ນແມ່ຍິງຖືພາຕ້ອງມີການກວດທ້ອງໃຫ້ໄດ້ 4 ເທື່ອຢ່າງ ຕຳ່ກ່ອນເກີດລູກ ແລະ ເກີດລູກຢູ່ບ່ອນປອດໄພ ເຊັ່ນ: ສຸກສາລາ,ໂຮງໝໍຕ່າງໆທີ່ມີແພດ ຜູ້ຊຳນານ ,ຫຼັງ ເກີດເດັກ ຕ້ອງໄດ້ຮັບການສັກຢາກັນພະຍາດເພື່ອຄວາມປອດໄພ ຂອງແມ່  ແລະ ເດັກ ບໍ່ໃຫ້ມີຄວາມສ່ຽງຕໍ່ການ ຕາຍ,ນັບ ແຕ່ມີການຈັດຕັ້ງປະຕິບັດນະໂຍບາຍດັ່ງກ່າວໃນ ທ້າຍປີ2012 ມາເຖິງປັດຈຸບັນເຫັນວາ່ແມ່ຍິງຖືພາແລະ ເດັກ ເຂົ້າ ມາຮັບການບໍລິການແລະປິ່ນປົວຈາກສາທາລະນະສຸກຂອງລັດ ເພີ່ມຂຶ້ນ ຫຼາຍຖ້າທຽບໃສ່ເມື່ອກ່ອນ ແລະ ຊ່ວຍໃຫ້ ສຸຂະພາບ ແມ່ ແລະ ເດັກແຂງແຮງດີຂຶ້ນ ເທື່ອລະກ້າວ.       

             ການຈັດຕັ້ງປະຕິບັດນະໂຍບາຍການເກີດລູກແລະປິ່ນປົວ ເດັກລຸ່ມ 5 ປີແມ່ນໄດ້ຮັບການຊ່ວຍເຫຼືອຈາກ ເຂື່ອນໄຟຟ້ານຳ້ ເທີນ ຈຳນວນ 5 ຕື້ກີບ,ໄລຍະທຳອິດແມ່ນເລີ່ມປະຕິບັດຢູ່ເຂດ 3 ສ້າງແລະຈຸດສຸມຂອງລັດຖະ ບານໃນ 18 ເມືອງ 4 ແຂວງຄື: ຜົ້ງສາລີ,ບໍ່ແກ້ວ,ຫຼວງນຳ້ທາແລະອຸດົມໄຊ ເປັນໄລຍະທຳອິດຂອງປີ 2013,ສຳລັບປີ 2014 ກະຊວງສາທາລະນະສຸກມີແຜນຈະຂະຫຍາຍການຈັດຕັ້ງປະຕິບັດອອກສູ່ ແຂວງຕ່າງໆໃຂຂອບເຂດທົ່ວ ປະ ເທດເພື່ອເຮັດໃຫ້ການເຂົ້າເຖິງ ຕາໜ່າງສາທາລະນະສຸກຂອງ ແມ່ ແລະ ເດັກເພີ່ມຂຶ້ນ ແລະ ເພື່ອເປັນການບັນລຸ ສະຫວັດສະຫັດ ໃນປີ 2015.    

      ໃນຕອນທ້າຍຂອງການໃຫ້ ສຳພາດທ່ານ ດຣ ໄກສອນ ຍັງກ່າວຕື່ມວ່າ: ເນື່ອງໃນໂອກາດ ວັນເດັກນ້ອຍສາກົນ ທີ່ຈະມາເຖິງ ຕາງໜ້າໃຫ້ກະຊວງສາທາລະນະສຸກຂໍເຊີນຊວນປະຊາຊົນໃນຂອບເຂດທົ່ວປະເທດພາລູກຫຼານຂອງ ຕົນມາສັກຢາກັນພະຍາດ ແລະ ມາຮັບເອົາຢາປອງກັນພະຍາດ ຕາງໆດັ່ງທີ່ກະຊວງສາທາລະນະສຸກໄດ້ ແຈກຢາຍ ໃນປີຜ່ານໆມາຄື: ເດືອນ 6 ແລະ ເດືອນ 12 ຂອງທຸກໆປີ,ເພື່ອໃຫ້ລູກຫຼານຂອງຕົນໄດ້ກິນ, ໄດ້ສັກຢາ ກັນພະ ຍາດ, ໃຫ້ມີສຸຂະພາບແຂງແຮງ, ເຕີບໃຫຍ່ຢ່າງສົມບູນ ເປັນໝໍ່ແໜງອະນາຄົດຂອງຊາດ.