ມີການພັດທະນາແຄມຖະໜົນຄູ ວຽງໃຫ້ເປັນສະຖານທີ່ບໍລິການ ຈອດລົດສາທາລະນະ

        

               ອຳນາດການປົກຄອງບ້ານ ເກົ້າຍອດ ເມືອງ ສີສັດຕະນາກ ນະຄອນຫຼວງວຽງຈັນ ຮ່ວມມືກັບ ບໍລິສັດ ບຶງຂະ ຍອງ ກໍ່ສ້າງ ພວມພັດທະນາຂ້າງຖະໜົນຄູວຽງ ໃຫ້ກາຍເປັນເດີ່ນ ບໍລິການຈອດລົດ ສາທາລະນະ ເພື່ອ ແນໃສ່ ຫຼູດ ຜ່ອນຄວາມແອອັດ ແລະ ຄວາມ ບໍ່ເປັນລະ ບຽບຮຽບຮ້ອຍໃນຕົວເມືອງ ຕາມແຜນທົດລອງ 3 ສ້າງ ທີ່ພັກ ແລະລັດ ຖະບານວາງອອກ.       

         ທານ ສີສົມພູ ວັງວີລາຈິດ ນາຍບ້ານໆເກົ້າຍອດ ໃຫ້ສຳພາດຕໍ່ນັກຂາວໜັງສືພີມລາວພັດທະນາ ໃນວັນ ທີ 22 ພຶດສະພານີ້ວ່າ: ໂຄງການພັດທະນາຂ້າງຖະໜົນຄູວຽງໃຫ້ເປັນ ສະຖານທີ່ຈອດລົດ ເປັນໂຄງການທີ່ໄດ້ຮັບການ ສະ ໜັບສະໜູນ ຈາກພາກສ່ວນທີ່ກ່ຽວຂ້ອງພາຍໃຕ້ ແຜນງານເຮັດທົດລອງ 3 ສ້າງ ທີ່ພັກ ແລະ ລັດຖະບານວາງ ອອກ, ການກໍ່ສ້າງ ແລະ ພັດທະນາເນື້ອທີ່ດັ່ງກ່າວແມ່ນແນໃສ່ ເພື່ອແກ້ໄຂບັນຫາຄວາມ ແອອັດ ແລະ ປາກົດການຫຍໍ້ທໍ້ ຕ່າງໆທີ່ເກີດຂຶ້ນໃນສະຖານ ທີ່ດັ່ງກ່າວ ເຊິ່ງໄລຍະຜ່ານມາເຂດດັ່ງກ່າວ ໄດ້ກາຍເປັນສະຖານທີ່ພັກເຊົາ ຂອງຄົນຂໍ ທານ ແລະ ເປັນບ່ອນ ຖີ້ມຂີ້ເຫື້ຍອຊະຊາຍຂອງຊຸມຊົນ ອັນໄດ້ເຮັດໃຫ້ເນື້ອທີ່ດັ່ງກ່າວບໍ່ມີຄວາມ ເປັນລະບຽບຮຽບ ຮ້ອຍຈົບງາມ ຂະນະດຽວກັນ ຖະໜົນດັ່ງກ່າວ ເປັນເຂດຊຸມຊົນທີ່ມີຄົນທຽວໄປມາຢ່າງຫຼວງຫຼາຍ ແລະ ການບໍລິ ການເນື້ອທີ່ຈອດລົດພັດບໍ່ມີ ຈຶ່ງເກີດມີບັນຫາການຈອດລົດຊະຊາຍ ສ້າງຄວາມແອອັດ ໃນເຂດດັ່ງກ່າວ .

           ດັ່ງນັ້ນ ທາງ ອຳນາດການປົກຄອງບ້ານ ເກົ້າຍອດ ເຊິ່ງເປັນບ້ານທົດລອງວຽກງານ 3 ສ້າງ ຈຶ່ງໄດ້ກຳນົດເອົາ ເຂດດັ່ງກ່າວໃຫ້ເປັນເຂດຈອດລົດ ຮັບໃຊ້ສາທາລະນະໃນອະນາຄົດ ໂດຍການອະນຸລັກ ແລະ ປົກປັກຮັກສາຕົ້ນ ໄມ້ໃຫຍ່ແຄມຖະໜົນ ໄວ້ຄືເກົ່າເປັນໂຄງການທີ່ບ້ານ ເກົ້າຍອດ ເປັນຜູ້ຮັບຜິດຊອບ ແລະ ບໍລິສັດ ບຶງຂະຍອງ ກໍ່ສາງ ເປັນຜູຮັບເໝົາກໍ່ສ້າງ ແລະ ສຳປະທານ, ມູນຄ້າການກໍ່ສ້າງ 250 ລ້ານກ່ວາກີບ ພາຍໃນໄລຍະເວລາ 2 ເດືອນໂດຍ ເລີ່ມແຕ່ຖະໜົນຄູວຽງ ເຂດຕະຫຼາດເຊົ້າຮອດວົງວຽນ ວິທະຍາໄລຄອມເຊັນເຕີ.ພາຍຫຼັງສຳເລັດກໍ່ສ້າງແລ້ວຈະນຳ ເອົາລາຍຮັບຈາກການບໍລິການເຂົ້າກອງທຶນພັດທະນາບ້ານ.