ທະນາຄານແຫ່ງ ສປປ ລາວ ກວດພົບປະກົດການຫຍໍ້ທໍ້ຫລາຍກໍລະນີ

        ໃນປີ 2012 ຜ່ານມາ ຄະນະ ກວດກາທະນາຄານແຫ່ງ ສປປ ລາວ (ທຫລ) ໄດ້ດຳເນີນການ ກວດກາ ແລະ ໄດ້ພົບປາ ກົດການ ຫຍໍ້ທໍ້ທີ່ເກີດຂຶ້ນໃນຂົງເຂດທະນາ ຄານທັງໝົດ 17 ກໍລະນີ,ສ້າງຜົນ ເສຍຫາຍເປັນເງິນ 6,6 ຕື້ກວ່າກີບ, ເງິນບາດ ເກືອບ 3 ລ້ານບາດ ແລະ 14.400 ໂດລາສະຫະລັດ, ສາມາດເກັບກູ້ຄືນໄດ້ 1,4 ຕື້ກວ່າ ກີບ, ເງິນບາດ 2.400.000 ກວ່າ ບາດ ແລະ 14.400 ໂດລາ. ຂໍ້ມູນ ດັ່ງກ່າວແມ່ນໄດ້ຮັບ ການລາຍ ງານຈາກ ທ່ານ ສົມພາວ ໄຟສິດ ຜູ້ວ່າການທະນາຄານ ແຫ່ງ ສປປ. ລາວ ຕໍ່ກອງປະຊຸມວຽກ ງານກວດກາທະນາຄານ ແຫ່ງ ສປປລາວ ປະຈຳປີ 2012 ທີ່ຈັດ ຂຶ້ນໃນວັນທີ 16-17 ພຶດສະພາ 2013 ນີ້.

     ທ່ານ ສົມພາວ ໄຟສິດ ຍັງໄດ້ ຍົກໃຫ້ເຫັນເຖິງ ຄວາມເອົາໃຈໃສ່ ໃນການຕິດ ຕາມກວດກາການ ເຄື່ອນໄຫວຈັດຕັ້ງປະ ຕິບັດໜ້າທີ່ ຂອງການຈັດຕັ້ງພັກ, ກົມກອງ, ສະມາຊິກພັກ-ພະນັກງານ ດ້ວຍ ຫລາຍຮູບການຫລາຍວິທີການ ອັນເປັນການ ປະກອບສ່ວນເຂົ້າ ໃນການປັບປຸງການຈັດຕັ້ງພັກ- ລັດ ແລະ ຖັນແຖວສະມາ ຊິກພັກ- ພະນັກງານມີຄວາມປ່ອງໃສ, ໜັກ ແໜ້ນ ແລະ ເຂັ້ມແຂງ ເຊິ່ງ ສາມາດສະແດງອອກຄື: ໃນ 1 ປີ ຜ່ານມາສາ ມາດຕ້ານ ແລະ ສະກັດກັ້ນການສໍ້ລາດບັງຫລວງ ໂດຍໄດ້ດຳເນີນການກວດກາ ຫລາຍເປົ້າໝາຍເປັນຕົ້ນການສ້າງ ເອກະສານປອມເພື່ອຖອນເງິນ, ການລັກຖອນເງິນຝາກຂອງ ລູກຄ້າ,ການໂອນບັນຊີ, ການອະນຸມັດສິນເຊື່ອບໍ່ຖືກເປົ້າໝາຍ

ແລະ ອື່ນໆ ທີ່ກໍໃຫ້ເກີດຜົນເສຍຫາຍເປັນມູນຄ່າເງິນຫລາຍ ຕື້ກີບ; ໄດ້ຮັບຄຳຮ້ອງ-ຄຳສະເໜີຂອງສະ ມາຊິກພັກ-ພະນັກງານ ແລະ ປະຊາຊົນຈຳນວນ 42 ສະບັບເຊິ່ງຄຳ ຮ້ອງ-ຄຳສະ ເໜີດັ່ງກ່າວສ່ວນຫລາຍແມ່ນກ່ຽວພັນກັບການຂໍກູ້ ຢືມເງິນຈາກທະ ນາຄານ, ສະຖາບັນການເງິນຈຸລະພາກ, ການລັກຖອນ ເງິນຂອງລູກຄ້າ ແລະ ການໃຫ້ບໍລິການຕໍ່ລູກຄ້າ, ມາຮອດປັດຈຸບັນສ າມາດແກ້ໄຂໄດ້ທັງໝົດແລ້ວ. ນອກຈາກນີ້, ຄະນະພັກ, ຄະນະກວດກາທະນາຄານຍັງໄດ້ຕິດ ຕາມກວດກາການປັບປຸງ ກົງຈັກການຈັດຕັ້ງ ແລະ ພາລະບົດບາດຂອງຄະນະ ກວດກາ ແຕ່ລະຂັ້ນ ໃຫ້ມີຄວາມແທດເໝາະກັບການ ຂະຫຍາຍຕົວຂອງ ວຽກງານ ໂດຍການຊັບຊ້ອນ-ຈັດວາງພະນັກງານຂັ້ນນຳພາ-ຄຸ້ມຄອງເຂົ້າ ໃນຕຳແໜ່ງງານທີ່ເໝາະສົມ;ເອົາ ໃຈໃສ່ຍົກລະດັບ ວຽກງານກວດກາໃຫ້ພະນັກງານຜູ້ຮັບຜິດຊອບວຽກງານ ກວດກາຢ່າງເປັນປົກ ກະຕິ;ພະນັກງານກວດກາຈຳ ນວນໜຶ່ງໄດ້ຮັບການຍົກລະດັບທາງດ້ານທິດສະດີການເມືອງ, ພາ ສາຕ່າງປະເທດ,ວິຊາສະ ເພາະ ດ້ານຕ່າງໆ ແລະ ອື່ນໆ.