ຫົວພັນ-ແທັງຮວ່າສືບຕໍ່ການຮ່ວມມືຮອບດ້ານ

         ແຫລ່ງຂ່າວແຂວງຫົວພັນ ລາຍງານວ່າ: ລະຫວ່າງວັນທີ 23-25 ພຶດສະພາ 2013, ທ່ານ ຈິ້ງ ວັນຈ່ຽນ ປະທານຄະ ນະກຳມະ ການປະຊາຊົນ ແຂວງແທັງຮວ່າ ແຫ່ງ ສສ. ຫວຽດນາມ ພ້ອມ ດ້ວຍຄະ ນະໄດ້ຢ້ຽມຢາມ ແລະ ເຮັດວຽກຢູ່ແຂວງ ຫົວພັນ ສປປ. ລາວ ໂດຍໄດ້ຮັບການຕ້ອນຮັບ ຢ່າງອົບ ອຸ່ນຈາກ ທ່ານ ຄຳຮຸ່ງ  ເຮືອງວົງສີ ເຈົ້າ ແຂວງໆຫົວພັນ ແລະ ການນຳແຂວງ.

         ໃນໂອກາດ ການພົບປະໂອ້ ລົມ, ທັງສອງຝ່າຍໄດ້ ຕີລາຄາ ສະພາບ ການ ຈັດ ຕັ້ງປະຕິບັດບົດບັນ ທຶກ ຮ່ວມ ມືຮອບດ້ານປີ 2012 ຜ່ານມາ, ພ້ອມ ທັງແລກປ່ຽນບົດຮຽນ, ຄົ້ນຄວ້າ ເປັນເອ ກະພາບແຜນການ ຮ່ວມມື ຮອບດ້ານປີ 2013 ເປັນຕົ້ນດ້ານການ ເມືອງ, ເສດຖະກິດ, ວັດທະນະທຳ-ສັງຄົມ, ວຽກງານປ້ອງກັນ ຊາດ-ປ້ອງ ກັນຄວາມສະຫງົບ ແລະ ຊ່ວຍເຫລືອ ເຊິ່ງກັນ ແລະ ກັນ.

      ໃນບົດບັນທຶກສັນຍາ ປີ 2013 ນີ້ ໄດ້ລະບຸວ່າ: ແຂວງແທັງຮວ່າ ຈະ ສືບຕໍ່ດຸນດ່ຽງດ້ານງົບປະ ມານ 25 ຕື້ດົງ  ເພີ່ືອສຸມໃສ່ກໍ່ສ້າງ ໂຮງຮຽນການ ເມືອງ-ການປົກຄອງແຂວງຫົວພັນ ໃຫ້ສຳເລັດ ຕາມແຜນການ ແລະຊ່ວຍເຫລືອ ຄ່າໃຊ້ຈ່າຍໃນການຍົກລະດັບໃຫ້ ແກ່ນັກຮຽນ-ນັກສືກສາແຂວງຫົວພັນ ທີ່ພວມຮຽນຢູ່ໂຮງຮຽນ ມະຫາວິທະຍາ ໄລແຂວງແທັງ ຮວ່າ ແລະ ເມືອງກວານເຊີນ ໃນ ປັດຈຸບັນ, ແຂວງ ແທັງຮວ່າ ຍັງ ຈະຊ່ວຍ ເຫລືອ ເມືອງ ວຽງໄຊ ເພື່ອກໍ່ສ້າງສະ ຖານທີ່ພັກຜ່ອນ ມູນຄ່າ 500 ລ້ານດົງ ແລະ ທັງ ສອງແຂວງດ່ັງກ່າວ

ໄດ້ເຫັນດີ ເປັນເອກະພາບ ນຳສະເໜີໃຫ້ລັດ ຖະ ບານທັງສອງປະເທດ ລົງທຶນ ໂຄງການ ກໍ່ສ້າງເສັ້ນທາງ ແຕ່ ດ່ານສະກົນນ້ຳ ໂສຍ-ນາແມວ ໄປຫາທ່າກຳປັ່ນງີເຊີນ, ດ່ານນ້ຳ ໂສຍ-ນາແມວ ໄປຫາເມືອງ ຊຳ ເໜືອ ແຂວງ ຫົວພັນ, ເສັ້ນທາງ ແຕ່ ເມືອງເທື້ອງ ຊັວນ ໄປຫາ ເມືອງ ຊຳໃຕ້ ແລະ ເສັ້ນທາງແຕ່ ດ່ານ ແຕ່ນຕັນ ເມືອງລາດໄປຫາ ເມືອງສົບເບົາ ແຂວງຫົວພັນ, ແນ ໃສ່ສ້າງ ເງື່ອນໄຂໃຫ້ ແກ່ການ ພັດທະນາເສດຖະກິດ ແລະ ການ ແລກປ່ຽນສິນຄ້າລະຫ່ວາງ ຫົວ ພັນ-ແທັງຮ່ວາ ໄປຍັງບັນດາ ແຂວງ ຕ່າງໆ ຂອງສອງປະເທດ ແລະ ການ ສົ່ງອອກສິນຄ້າໄປຍັງ ປະເທດທີສາມ ໃຫ້ມີຄວາມສະ ດວກ.

          ນອກນັ້ນ ທັງສອງແຂວງ ຍັງສືບ ຕໍ່ຮ່ວມມືດ້ານການເມືອງ, ເສດຖະ ກິດ-ສັງຄົມ ເພ່ືອເຮັດໃຫ້ ຊີວິດການ ເປັນຢູ່ຂອງປະຊາຊົນ ບັນດາເຜົ່າຢູ່ສອງ ພາກຊາຍແດນ ນັບມື້ດີຂຶ້ນ ມີຄວາມສະຫງົບສຸກເຂັ້ມແຂງໃນທຸກດ້ານ ມີ ຄວາມສາມັກຄີແບບພິເສດ- ການຮ່ວມມືຮອບດ້ານທີ່ມີມາແຕ່ດົນນານມານັ້ນໃຫ້ນັບມື້ເພີ່ມພູນຄູນສ້າງ ຍິ່ງໆຂຶ້ນ.