laophatthananewspaper: ລາວພວມເລັ່ງສ້າງມາດຕະຖານສີມືແຮງງານຂະແຫນງອຸດສາຫະກຳການທ່ອງທ່ຽວ

ກົມພັດທະນາສີມືແຮງງານ ແລະ ຈັດຫາງານ ກະຊວງແຮງ ງານ ແລະ ສະຫວັດດີການສັງຄົມ ພວມເລັ່ງ ສ້າງບຸກຄະລາກອນ ແລະ ພັດທະນາສີມືແຮງງານ ໃນ ພາກອຸດສາຫະກຳການທ່ອງທ່ຽວ ແນ່ ໃສ່ສ້າງຄວາມ ເຂັ້ມ ແຂງໃຫ້ແກ່ແຮງງານໃນຂະແໜງການດັ່ງກ່າວ ເພື່ອກຽມຮັບມືກັບສິ່ງ ທ້າທາຍ ໃນລະ ຫວ່າງທີ່ ສປປ ລາວຈະກ້າວ ເຂົ້າສູ່ປະຊາຄົມເສດຖະກິດອາຊຽນປີ 2015 ທີ່ຈະມາເຖິງນີ້. ກອງປະຊຸມຄະນະກຳມະການສ້າງມາດຕະ ຖານສີມື ແຮງງານແຫ່ງຊາດຂະແໜງອຸດສາຫະກຳການທ່ອງທ່ຽວ ໄດ້ໄຂຂຶ້ນໃນ ຕອນເຊົ້າຂອງວັນທີ 24 ພຶດສະພາ 2013 ນີ້ ທີ່ນະຄອນຫຼວງວຽງຈັນ ໂດຍໄດ້ຮັບການສະໜັບ ສະໜູນ ຈາກໂຄງການຮ່ວມມືລະຫວ່າງ ກະຊວງອຸດສາຫະກຳ ແລະ ການ ຄ້າກັບອົງການສະຫະປະຊາຊາດ ຜ່ານອົງການແຮງງານສາກົນ ເພື່ອແນໃສ່ຜັ່ນຂະຫຍາຍແນວ ທາງນະໂຍບາຍຂອງພັກ - ລັດ ໃນການເພີ່ມທະວີຄວາມສາອາດ ມາດພັດທະນາຊັບພະຍາກອນມະນຸດໃຫ້ມີຄຸນນະພາບ ແລະ ດຳ ລັດວ່າດ້ວຍການສ້າງ ແລະ ພັດ ທະນາສີມືແຮງງານ ເພື່ອກຳນົດລະບຽບຫຼັກການ, ມາດຕະການ ແລະ ວິທີການຈັດຕັ້ງປະຕິບັດ ວຽກງານສ້າງ ແລະ ພັດທະນາສີມືແຮງງານ, ສ້າງມາດຕະຖານສີມືແຮງງານແຕ່ລະອາຊີບໃຫ້ກາຍເປັນແຮງງານແຫ່ງ

ຊາດ, ເປັນບ່ອນອີງໃຫ້ແກ່ການພັດທະ ນາຫຼັກສູດການຮຽນ, ການສອນ ໃນຕໍ່ໜ້າ ອອກໃບຢັ້ງຢືນລະດັບມາດຕະຖານສີມືກຳລັງແຮງງານລາວ ສາມາດຮັບປະກັນທັງໃນດ້ານຄຸນນະພາບ ແລະ ປະລິມານ ໃນໂອກາດທີ່ ສປປ ລາວ ຈະກ້າວເຂົ້ສູ່ປະຊາຄົມເສດຖະກິດອາຊຽນປີ 2015 ທີ່ຈະມາເຖິງນີ້.

ຫົວໜ້າພະແນກພັດທະນາສີມືແຮງງານ ກະຊວງແຮງງານ ແລະ ສະ ຫວັດດີການສັງຄົມກ່າວວ່າ: ການຍົກລະດັບມາດຖານສີມືແຮງງານໃນຂະແໜງການຕ່າງໆ ແມ່ນຄວາມຈຳເປັນຂອງການພັດທະນາປະເທດຊາດ ເນື່ອງຈາກບັນດາປະເທດສະມາຊິກອາຊຽນມີມາດຖານສີມືແຮງງານເປັນຂອງຕົນເອງ ແລະ ຍ້ອນຄວາມຕ້ອງການຂອງຜູ້ໃຊ້ແຮງງານຕໍ່ແຮງງານທີ່ມີລະດັບສີມືດີ ໃນຂະນະທີ່ ສປປ ລາວ ຈະເຂົ້າຮ່ວມປະຊາຄົມເສດຖະກິດອາຊຽນໃນປີ 2015 ພ້ອມດຽວກັນນີ້ ອາຊຽນ ແລະ ອີຢູ ພວມຮຽກ ຮ້ອງໃຫ້ແຕ່ລະປະເທດພັດທະນາ ສີມືແຮງງານຕິດພັນກັບການມີວຽກເຮັດງານທຳຕາມຂອບມາດ ຕະຖານສີມືແຮງງານ ແນ່ໃສ່ປົກປ້ອງສິດ ແລະ ຜົນປະໂຫຍດຂອງແຮງງານໃນການຮັບຮູ້ເຖິງສີມືແຮງງານເຊິ່ງກັນ ແລະ ກັນ ລະ ຫວ່າງປະເທດ ແລະ ພາກພື້ນ ເພື່ອໃຫ້ໄດ້ຄ່າແຮງງານທີ່ເທົ່າທຽມກັນ.

ຫົວໜ້າພະແນກພັດທະນາສີມືແຮງງານ ກ່າວອີກວ່າ: ການຍົກລະດັບ ແລະ ພັດທະນາສີມືແຮງງານ ຈະນຳຜົນປະໂຫຍດ ອັນໃຫຍ່ຫຼວງມາສູ່ການພັດທະ ນາຂະແໜງການກໍຄືປະເທດຊາດ ເນື່ອງ ຈາກມີແຮງງານທີ່ໄດ້ມາດ ຕະຖານ ບໍ່ຈຳເປັນຕ້ອງອາໄສແຮງງານຕ່າງຊາດເຂົ້າດ້ວຍຄ່າຈ້າງທີ່ສູງ ແລະ ເຮັດໃຫ້ລາຍຈ່າຍຕ່າງໆບໍ່ຖືກຮົ່ວໄຫຼໄປກັບແຮງງານຂອງຕ່າງຊາດ ໃນຂະນະທີ່ຜູ້ບໍລິໂພກມີຄວາມໝັ້ນໃຈຕໍ່ການນຳໃຊ້ສິນຄ້າ ແລະ ການບໍລິການທີ່ມີຄຸນນະພາບ, ມາດຕະຖານ ແລະ ປອດໄພ. ສຳລັບຜູ້ຖືກໃຊ້ແຮງງານນັ້ນ ກໍຈະໄດ້ລາຍຮັບຕາມຄວາມເໝາະສົມກັບຄວາມອາດສາມາດຂອງຕົນ.