ການຈອດລົດຊະຊາຍເປັນບັນຫາຫລັກພາໃຫ້ການສັນຈອນແອອັດ

           ໃນປັດຈຸບັນເຫັນວ່າສະພາບການສັນ ຈອນຢູ່ນະຄອນຫລວງວຽງຈັນນັບມື້ຍິ່ງມີຄວາມແອອັດ ໂດຍ ສະເພາະໃນຊົ່ວໂມງຮີບ ດ່ວນ ອັນເປັນສ່ວນໜຶ່ງພາໃຫ້ເກີດອຸປະຕິເຫດ ແລະ ສິ່ງນີ້ກໍເນື່ອງມາຈາກຫລາຍສາ ເຫດ ຄື ພາຫະນະມີຈຳນວນເພີ່ມຂຶ້ນໄວ, ການພັດທະ ນາຖະໜົນຫົນທາງບໍ່ສາມາດຮອງຮັບໄດ້ ທ່ວງທັນ, ສິ່ງອຳນວຍຄວາມສະດວກຕ່າງໆ ຍັງບໍ່ພຽບພ້ອມ ແລະ ອີກບັນຫາໜຶ່ງກໍແມ່ນ ສະຕິ ແລະ ຄວາມຕື່ນຕົວປະ ຕິບັດລະບຽບຈະ ລາຈອນຂອງຜູ້ໃຊ້ລົດໃຊ້ຖະໜົນກໍຍັງຢູ່ໃນ ຂີດຈຳກັດ ໂດຍສະເພາະບັນຫາການຈອດ ລົດຊະ ຊາຍ ຍັງມີແຜ່ຫລາຍ ແລະ ກາຍເປັນ ສາເຫດຕົ້ນຕໍທີ່ພາໃຫ້ການສັນຈອນໃນຕົວ ເມືອງພົບຄວາມແອອັດ. ດັ່ງຢູ່ເຂດທີ່ມີການບໍລິການ ໃຫຍ່ຄືເສັ້ນທາງເຂດຕະຫລາດ, ທະນາຄານການເງິນ ແລະ ອື່ນໆ.

    ເຈົ້າໜ້າທີ່ຈະລາຈອນນະຄອນຫລວງວຽງ ຈັນ ໃຫ້ຮູ້ວ່າ:ປັດຈຸບັນ ສະພາບສັນຈອນຂອງ ເສັ້ນທາງຈາກ ສວນນ້ຳພຸຕັດອອກໄປໜ້າທະນາຄານການຄ້າຕ່າງປະເທດ ແລະ ສຳນັກງານການບິນລາວ ມີຄວາມສັບສົນ ແລະ ແອອັດຫລາຍ ໂດຍສະເພາະຍ້ອນຜູ້ໃຊ້ ລົດ ໃຊ້ຖະໜົນບໍ່ປະຕິບັດຕາມລະ ບຽບຈະລາຈອນເຊັ່ນ: ຈອດລົດ ຊະ ຊາຍ ຫລື ບາງເທື່ອລະເມີດຂີ່ລົດລ່ວງປ້າຍຫ້າມ ເພາະເສັ້ນ ທາງດັ່ງກ່າວເປັນເສັ້ນ ທາງທຽວ ໄດ້ແຕ່ເບື້ອງ ແຄມຂອງຂຶ້ນມາສູ່ເສັ້ນທາງເສດຖາທິຣາດໄດ້ພຽງເບື້ອງດຽວເທົ່ານັ້ນ ແລະ ຜ່ານມາ ເຈົ້າໜ້າທີ່ຈະລາຈອນ ກໍໄດ້ເອົາໃຈໃສ່ແກ້ໄຂແຕ່ສະພາບເກົ່າກໍຍັງເກີດຂຶ້ນ ແລະ ເປັນລັກສະນະ ເຊັ່ນນີ້ມາຫລາຍປີແລ້ວ. ດັ່ງນັ້ນ ຖ້າ ທຸກຄົນຫາກບໍ່ມີຈິດສຳນຶກທີ່ ດີຕໍ່ການໃຊ້ລົດໃຊ້ຖະໜົນແລ້ວບັນຫາດັ່ງກ່າວກໍອາດຈະແກ້ໄຂໄດ້ຍາກ ແລະ ສະພາບແບບດຽວກັນນີ້ກໍຍັງປາກົດມີໃຫ້ເຫັນຫລາຍໃນປັດຈຸບັນ. ດັ່ງນັ້ນຫາກພວກເຮົາບໍ່ຮ່ວມກັນແກ້ໄຂບັນຫາ ຍິ່ງຈະບານປາຍ.