ໂຄງການຍົກຍ້າຍເມືອງກະລຶມໃຫມ່ຄືບຫນ້າ 20%

    ໂຄງການກໍ່ສ້າງ, ຍົກຍ້າຍ ແລະ ຈັດສັນເທສະບານເມືອງກະລຶມໃໝ່ ແຂວງເຊກອງ ເລີ່ມລົງມື ມາແຕ່ຕົ້ນປີ 2012 ເຊິ່ງ ມາຮອດ ປັດຈຸບັນໄດ້ພຽງ 24% ໂດຍແມ່ນ ບໍລິສັດພອນສັກກໍ່ສ້າງເປັນຜູ້ຮັບ ເໝົາ ມູນຄ່າເກືອບ 1.000 ກວ່າຕື້ກີບ ໂດຍ ຈະໃຫ້ສຳເລັດ ແລະ ເປີດນຳໃຊ້ໃນປີ 2014 ທີ່ຈະເຖິງ ນີ້.

    ທ່ານ ລ້ຽງຄຳພູນ ຮອງເຈົ້າ ແຂວງເຊກອງ ກ່າວວ່າ: ໂຄງ ການຍົກຍ້າຍເມືອງກະລຶມໃໝ່ທີ່ ພວມດຳເນີນໃນປັດຈຸບັນ ມີມູນ ຄ່າ 1.000 ກວ່າຕື້ກີບ ໃນນີ້ມີເງິນ ຄຸ້ມຄອງ-ເງິນບໍລິຫານໂຄງການ 11 ຕື້ກວ່າກີບ, ເງິນແຮວຽກບັງ ເອີນ ລວມທັງເງິນອື່ນໆອີກ 119 ຕື້ກວ່າກີບ. ໂຄງການນີ້ປະກອບມີ 11 ໜ້າວຽກ. ມາຮອດດຽວນີ້ມີ ພຽງວຽກເກັບກູ້ລະເບີດທີ່ປະຕິ ບັດສຳເລັດແລ້ວ 100% ແລະ ອີກ 10 ໜ້າວຽກທີ່ຍັງເຫລືອ ແມ່ນພວມສືບຕໍ່ຈັດຕັ້ງປະຕິບັດຢ່າງຕໍ່ ເນື່ອງ. ຕາມການຄາດຄະເນຂອງ ເຈົ້າຂອງ ໂຄງການບອກວ່າ: ໃນ ປີ 2013 ຈະສືບຕໍ່ຈັດຕັ້ງປະຕິບັດບັນດາໜ້າວຽກລວມໃຫ້ບັນລຸໄດ້ 70% ໃນນີ້ ສະເພາະວຽກກໍ່ສ້າງ ລະບົບນ້ຳປະປາໃຫ້ສຳເລັດ 100%, ບ່ອນທຳມາຫາກິນຂອງປະຊາຊົນໃຫ້ສຳເລັດຢ່າງໜ້ອຍ 60%, ສ່ວນວຽກກໍ່ສ້າງສຳນັກ ງານ-ຫ້ອງການ-ອົງການຂອງ ລັດ, ບ່ອນຢູ່ອາໄສຂອງປະຊາຊົນລວມເຖິງການຊົດເຊີຍຜົນກະທົ ດ້ານສັງຄົມ-ສິ່ງແວດລ້ອມ ໃຫ້ສຳເລັດ 50% ແລະ ວຽກຂົນສົ່ງຍົກຍ້າຍສຳນັກງານລັດ ແລະ ປະຊາ ຊົນໃຫ້ສຳເລັດ 30%.

    ເຖິງຢ່າງໃດກໍດີ, ຕາມການຄາດຄະເນຂອງເຈົ້າຂອງໂຄງ ການ ເຫັນວ່າ: ການຍົກຍ້າຍຕົວ ເມືອງກະລຶມໃໝ່ຈະໃຫ້ສຳເລັດ ພາຍໃນປີ 2014, ແຕ່ພະນັກງານວິຊາການທີ່ກ່ຽວຂ້ອງໃຫ້ຂໍ້ສັງ ເກດວ່າ: ໃນແຕ່ລະໜ້າວຽກ ມາ ຮອດປັດຈຸບັນເຫັນວ່າຍັງ ມີການ ຊັກຊ້າ. ຂະນະທີ່ຮອງເຈົ້າແຂວງ ຍັງໄດ້ຢືນຢັນວ່າ: ຍ້ອນໂຄງການ ກໍ່ສ້າງເມືອງນີ້ມີທີ່ຕັ້ງຢູ່ເທິງພູນ້ອຍຫລາຍໜ່ວຍຕິດ ຕໍ່ກັນ, ເຂດຫ່າງໄກສອກຫລີກທຸລະກັນດານເຮັດໃຫ້ການຈັດສັນຕົວເມືອງ, ລະບົບພື້ນຖານໂຄງລ່າງ ແລະ ເສັ້ນທາງມີຄວາມ ຫຍຸ້ງຍາກ ໂດຍສະເພາະການຂົນສົ່ງວັດສະ ດຸກໍ່ສ້າງເຊັ່ນ: ຫີນແຮ່, ດິນຊາຍ, ຊີມັງ, ເຫລັກ ແລະ ອື່ນໆ.