ເຊົ້າມື້ນັ້ນ ວັນທີ 6 ມິຖຸນາ 2013 ພາຍຫລັງຄະນະພວກເຮົາໃຊ້ເວລາເດີນທາງປະມານ
45 ນາທີ ຈາກນະຄອນຫລວງວຽງຈັນໄປຍັງຫລວງພະບາງ ໂດຍເຮືອບິນ ATR ພວກເຮົາກໍເຖິງສະໜາມບິນເມືອງມໍລະດົກໂລກ
ເຊິ່ງຫາກໍໄດ້ຮັບການປັບປຸງໃໝ່ ເພື່ອຍົກລະດັບໃຫ້ສາມາດຮອງຮັບຍົກຂະໜາດໃຫຍ່ດັ່ງໂບອິ້ງ
ແລະ ແອບັດໄດ້ສະດວກສະບາຍ ແລ້ວກໍໄດ້ຮັບການຕ້ອນຮັບຈາກເຈົ້າພາບ ເພື່ອອອກເດີນທາງຕໍ່ໄປຍັງເຂດກໍ່ສ້າງໂຄງການໄຟຟ້າພະລັງງານນ້ຳໄຊຍະບູລີ
ໂດຍຜ່ານເສັ້ນທາງເລກ 10 ຈາກເມືອງຊຽງເງິນ ແຂວງຫລວງພະບາງ ໄປສູ່ແຂວງໄຊຍະບູລີ
ເຊິ່ງ ພວມຢູ່ໄລຍະການກໍ່ສ້າງໃໝ່ ທີ່ມີໄລຍະຍາວປະມານ 130 ກວ່າກິໂລແມັດ, ບາງຈຸດກໍປູຢາງສຳເລັດແລ້ວ
ແລະ ອີກຫລາຍຈຸດກໍພວມປັບປຸງໜ້າທາງ, ເຖິງຈະມີຄວາມຫຍຸ້ງຍາກແດ່, ແຕ່ການ
ເດີນທາງຂອງພວກເຮົາກໍຜ່ານພົ້ນໄປໂດຍດີ ກ່ອນຈະໄດ້ກິນເຂົ້າ ທ່ຽງຢູ່ຮ້ານອາຫານຂອງບໍລິສັດຜູ້ລົງທຶນກໍ່ສ້າງໂຄງການໄຟຟ້າດັ່ງກ່າວກໍເກືອບບ່າຍ
2 ໂມງແລງ, ເຖິງຈະຫິວແດ່ ແຕ່ທຸກຄົນກໍມີຄວາມຍິ້ມແຍ້ມແຈ່ມໃສ ເພື່ອຈະໄດ້ສຳຜັດ
ກັບບັນຍາກາດໃໝ່ອັນສົດຊື່ນ
ແລະ ງົດງາມຂອງທຳມະຊາດ ແລະ ສິ່ງແວດລ້ອມຢູ່ບໍລິເວນດັ່ງກ່າວ ເຊິ່ງຢູ່ຫ່າງຈາກເທສະບານເມືອງໄຊຍະບູລີເຂົ້າມາທາງທິດຕາເວັນອອກປະ
ມານ 40 ກິໂລແມັດ ກໍຈະເຖິງເຂດໂຄງການທີ່ຕັ້ງຢູ່ລຸ່ມແກ້ງຫລວງອັນລືຊື່ຂອງສາຍແມ່ນ້ຳຂອງ
ເມື່ອກ່ອນເປັນບ່ອນພູຜາສູງຊັນ ທີ່ທຸລະກັນດານ ບໍ່ມີເສັ້ນທາງໄປຮອດ, ປະຊາຊົນຜູ້ຢູ່ເຂດນັ້ນແມ່ນອາໄສເຮືອແພເປັນພາຫະນະໃນການເດີນທາງໄປມາຕາມລຳແມ່
ນ້ຳຂອງແຫ່ງນີ້ ແລະ ຂາດເງື່ອນໄຂຕ່າງໆທີ່ຈະພັດທະນາຕົນເອງເຊັ່ນ: ລະບົບໄຟຟ້າ,
ນ້ຳປະປາບໍ່ມີ, ສຸກສາລາ ແລະ ການສຶກສາກໍບໍ່ສາມາດໄປເຖິງ ປະຊາຊົນສ່ວນ ໃຫຍ່
ແມ່ນອາໄສທຳມະຊາດ
ໂດຍການຖາງປ່າເຮັດໄຮ່, ຫາຜັກເກັບໜໍ່ເພື່ອລ້ຽງຊີບໄປແຕ່ລະມື້ ດ້ວຍຄວາມທຸກຍາກລຳບາກແບບເອົາຫລັງສູ້ຟ້າເອົາໜ້າສູ້ດິນ,
ປີໃດດິນຟ້າອາກາດເອື້ອອຳນວຍກໍມີເຂົ້າກຸ້ມກິນ ແລະ ປີໃດຟ້າບໍ່ເປັນໃຈກໍຕ້ອງພາລູກພາເມຍກິນເຜືອກກິນມັນ
ແລະ ຫາຂາຍແຮງໄປຕາມຕົວເມືອງໃຫຍ່ ເພື່ອໄດ້ມາຄາບແລງ-ຄາບງາຍຢູ່ຢ່າງບໍ່ເປັນສຸກ,
ແຕ່ມາຮອດປັດຈຸບັນ ຊີວິດຂອງເຂົາເຈົ້າໄດ້ມີການພັດ ທະນາ ແລະ ປ່ຽນແປງດີຂຶ້ນຈາກ
ຫລັງມືເປັນໜ້າມືນັ້ນ ຍ້ອນການເອົາໃຈໃສ່ຊ່ວຍເຫລືອພັດທະນາພື້ນຖານໂຄງລ່າງຂອງໂຄງການໄຟຟ້າພະລັງງານນ້ຳແຫ່ງນີ້
ໃນການບຸກເບີກສ້າງຖະໜົນຫົນ ທາງປູຢາງ ເພື່ອການໄປມາໄດ້ ສະດວກສະບາຍໃຫ້ແກ່ປະຊາຊົນ
ຈຳນວນ 450 ກວ່າຄອບຄົວ ໃນ 19 ບ້ານ ທີ່ອາໄສຢູ່ສອງແຄມຝັ່ງ ແມ່ນ້ຳຂອງບໍລິເວນດັ່ງກ່າວ
ເຊິ່ງເບື້ອງໜຶ່ງແມ່ນຂຶ້ນກັບເມືອງນານ ແຂວງຫລວງພະບາງ ແລະ ອີກ ເບື້ອງຕາເວັນຕົກແມ່ນຂຶ້ນກັບເມືອງ
ແລະ ແຂວງໄຊຍະບູລີ, ໃນນັ້ນ ມີຈຳນວນ 15 ບ້ານ ເຊິ່ງ
ອາດຈະໄດ້ຮັບຜົນກະທົບຈາກລະ ດັບນ້ຳທີ່ສູງຂຶ້ນ
ແລະ ອີກ 4 ບ້ານ ຢູ່ບໍລິເວນເນື້ອທີ່ກໍ່ສ້າງຕ້ອງໄດ້ຍ້າຍບ້ານເຮືອນໄປຢູ່ເຂດຈັດສັນໃໝ່ຂອງໂຄງການ
ໂດຍໄດ້ຊ່ວຍປຸກສ້າງບ້ານເຮືອນໃໝ່, ສ້າງຖະ ໜົນຫົນທາງ, ນຳເຂົ້າກະແສໄຟ ຟ້າ
ແລະ ການຈັດຫານ້ຳສະອາດທີ່ຖາວອນ, ຊ່ວຍສ້າງວັດວາອາຮາມ, ໂຮງຮຽນ, ໂຮງໝໍ ແລະ
ສິ່ງອຳນວຍຄວາມສະດວກຕ່າງໆ ເພື່ອເຂົາເຈົ້າສາມາດດຳ
ລົງຊີວິດໃນສະພາບແວດລ້ອມທີ່ອຸດົມສົມບູນກວ່ານັ້ນດີຂຶ້ນເປັນລຳດັບ. ສິ່ງນີ້ມັນຈະປາກົດເຫັນຕົວຈິງໃນເມື່ອພວກເຮົາຂີ່ລົດຜ່ານເສັ້ນທາງຢາງເບື້ອງເມືອງໄຊຍະບູລີ
ພວກເຮົາຈະແນມເຫັນບ້ານເຮືອນຈັດສັນໄດ້ຮັບການປຸກຂຶ້ນລຽນລະດາດກັນໄປຕາມເປີ້ນ
ພູເບື້ອງເມືອງນານ ສ່ວນຫລາຍເປັນເຮືອນສອງຊັ້ນ ເບື້ອງລຸ່ມກໍ່ ເບື້ອງເທິງແອ້ມດ້ວຍແປ້ນ
ແລະ ມຸງກະເບື້ອງ ຫລື ສັງກະສີຕາມ ຄວາມເໝາະສົມ ພ້ອມສວນຄົວ, ລະບົບນ້ຳປະປາ, ໄຟຟ້າ
ດັ່ງຄຳຂວັນຂອງຜູ້ເປັນເຈົ້າຂອງໂຄງ ການວາງໄວ້ວ່າ: “ນ້ຳໃສ, ໄຟສະ ຫວ່າງ,
ຫົນທາງດີ” ເພື່ອໃຫ້ຊີວິດ ການເປັນຢູ່ຂອງປະຊາຊົນເຂດນີ້ໄດ້ຮັບການພັດທະນາດີຂຶ້ນ.
ນັ້ນແມ່ນເຂດຈັດສັນຂອງບ້ານປາກ ເນີນ, ໂຄກໃຫຍ່ ແລະ ຫ້ວຍເດື່ອ ແລະ ນອກຈາກສິ່ງດັ່ງກ່າວແລ້ວ
ທາງໂຄງການຍັງໄດ້ໃຫ້ການ ຊ່ວຍເຫລືອ ແລະ ສະໜັບສະໜູນ ດ້ານສາທາລະນຸປະໂພກຕ່າງໆ,
ການຈັດສັນເນື້ອທີ່ການຜະລິດກະ ສິກຳໃຫ້ແຕ່ລະຄອບຄົວ, ຈ່າຍຄ່າ ທົດແທນຈາກການສູນເສຍທີ່ດິນທຳມາຫາກິນ
ແລະ ລາຍຮັບຈາກ ບ່ອນຢູ່ເກົ່າ, ສະໜອງເຂົ້າກິນ ແລະ ເງິນຈຳນວນໜຶ່ງໃຫ້ປະຊາ ຊົນໃນໄລຍະຕົ້ນທີ່ຍັງບໍ່ມີລາຍຮັບ
ເພື່ອຊ່ວຍເຂົາເຈົ້າສາມາດຟື້ນຟູຄຸນນະພາບຊີວິດທີ່ດີກວ່າເກົ່າ. ໃນຄວາມຈິງມັນກໍແມ່ນແນວນັ້ນແທ້,
ໃນເມື່ອຄະນະພວກເຮົາໄດ້ຂຶ້ນເຮືອບັກທີ່ໂຄງການສ້າງຂຶ້ນ ເພື່ອຂ້າມນ້ຳຂອງບໍລິເວນນັ້ນໄປຍັງເຂດບ້ານຈັດສັນດັ່ງກ່າວ
ໂດຍມີເສັ້ນທາງບຸກເບີກໃໝ່ຜ່ານເປີ້ນພູນັ້ນໄປດ້ວຍຄວາມສະດວກສະບາຍ ແລະ ຄະນະພວກເຮົາກໍໄດ້ຮັບການຕ້ອນຮັບຢ່າງອົບອຸ່ນ
ແລະ ເປັນກັນເອງຈາກຄະນະປົກ
ຄອງບ້ານ
ແລະ ຜູ້ຊີ້ນຳວຽກງານ ຈັດສັນ ແລະ ຍົກຍ້າຍຊາວບ້ານທີ່ຖືກຜົນກະທົບຈາກໂຄງການໄຟ
ຟ້າດັ່ງກ່າວ ແລະ ກໍໄດ້ຮັບການລາຍງານຢ່າງລະອຽດຖີ່ຖ້ວນໃນວຽກຟື້ນຟູຊີວິດໃໝ່ຂອງຜູ້ຖືກຍົກ
ຍ້າຍວ່າ: ໂດຍເບື້ອງຕົ້ນ ປະຊາ ຊົນຈະໄດ້ຮຽນຮູ້ທັກສະຂອງການດຳລົງຊີວິດໃນເງື່ອນໄຂໃໝ່ເຊັ່ນ:
ການນຳໃຊ້ເຄື່ອງໄຟຟ້າ, ນ້ຳປະປາ ແລະ ບັນດາສຸຂະອະ ນາໄມອື່ນໆ. ຈາກນັ້ນ ເຂົາເຈົ້າກໍ
ຈະໄດ້ຮຽນຮູ້ວິທີການເຮັດສວນຄົວ, ການປູກຝັງ,
ລ້ຽງສັດຕ່າງໆ ດັ່ງການລ້ຽງປາ, ລ້ຽງກົບ, ຕົ້ມເຫລົ້າ, ຊ່າງສ້ອມແປງເຄື່ອງໄຟ ຟ້າ
ແລະ ປູກພືດເປັນສິນຄ້າອື່ນໆ ເພື່ອຊ່ວຍໃຫ້ເຂົາເຈົ້າມີລາຍຮັບ
ແລ້ວນຳມາພັດທະນາຊີວິດການ ເປັນຢູ່ຂອງຕົນດີຂຶ້ນ
ຄືຢູ່ບ້ານປາກເນີນໃນປັດຈຸບັນ ແມ່ນທາງ ໂຄງການໄຟຟ້າແຫ່ງນີ້ຍັງໃຫ້ ການສະໜັບສະໜູນຢູ່
ເຊິ່ງແຕ່ລະເດືອນປະຊາຊົນຜູ້ໜຶ່ງຈະໄດ້ຮັບເຂົ້າກິນ 20 ກິໂລ, ເງິນ 36.000 ກີບ.
ພ້ອມນັ້ນ ຍັງໄດ້ຮັບເງິນສົ່ງເສີມອາຊີບ 5 ລ້ານກີບ ແລະ ໄດ້ຮັບນະໂຍບາຍດ້ານການສຶກສາ,
ສາທາລະນະສຸກໃນຂັ້ນພື້ນຖານຢ່າງບໍ່ເສຍຄ່າໃຊ້ຈ່າຍໃດໆ ໂດຍຄາດວ່າອີກ 5 ປີຕໍ່ໜ້າ
ຊາວບ້ານຈະສາມາດກຸ້ມຕົນເອງໄດ້. ປະ ຊາຊົນຫລາຍຄົນໃຫ້ທັດສະນະວ່າ: ການໄດ້ຮັບນະໂຍບາຍຈາກໂຄງການແມ່ນດີຫລາຍ
ເມື່ອທຽບໃສ່ສະພາບການດຳລົງຊີວິດເກົ່າ ເພາະບ້ານເຮືອນກໍແມ່ນປຸກຂຶ້ນໂດຍປະຖົມປະຖານ,
ບໍ່ມີໄຟ ຟ້າ, ນ້ຳສະອາດໃຊ້, ການທຳມາຫາກິນແມ່ນອີງໃສ່ທຳມະຊາດເປັນສ່ວນໃຫຍ່
ແລະ ຈາກໂຄງ ການໄຟຟ້າດັ່ງກ່າວ ໄດ້ຊ່ວຍໃຫ້ຊາວບ້ານຜູ້ໄດ້ຮັບຍົກຍ້າຍມີຊີວິດໃໝ່ທີ່ສົດໃສກວ່າ,
ເຖິງວ່າໃນໄລ ຍະຕົ້ນສ່ວນໜຶ່ງກໍຍັງມີຄວາມກັງ ວົນກັບເງື່ອນໄຂດຳລົງຊີວິດໃໝ່ຂອງຕົນ,
ແຕ່ຫວັງວ່າສິ່ງນັ້ນຈະໄດ້ຮັບການປ່ຽນແປງໄປໃນທາງບວກຫລາຍຂຶ້ນກວ່າແຕ່ກ່ອນ.
No comments:
Post a Comment