ອົງການແຮງງານສາກົນ, ໄດ້ກຳນົດເອົາວັນທີ 12 ມິຖຸນາ
ຂອງທຸກປີເປັນວັນ ຕ້ານການນຳໃຊ້ແຮງງານເດັກສາກົນເພື່ອ ເຕືອນໃຫ້ໝົດທຸກຄົນລວມທັງອົງການຈັດ ຕັ້ງລັດຖະບານ,
ຜູ້ໃຊ້ແຮງງານ, ຜູ້ອອກແຮງງານ, ອົງ ການຈັດຕັ້ງສາກົນ, ສັງຄົມ, ພົນ ລະເມືອງລວມທັງປະຊາຊົນຫຼາຍລ້ານຄົນໃນທົ່ວທຸກມຸມໂລກ
ໄດ້ ຮັບຮູ້ເຖິງບັນ ຫາຂອງການໃຊ້ ແຮງງານເດັກ ແລະ ເພື່ອ ຄິດຮ່ວມກັນວ່າຄວນເຮັດແນວໃດ ເພື່ອ ຊ່ວຍແກ້ໄຂບັນຫາ,
ສະກັດກັ້ນ ແລະ ລຶບລ້າງການນຳໃຊ້ ແຮງງານເດັກໃຫ້ໝົດໄປ ແລະ ໃນວັນທີ 12 ມິຖຸນາ 2013 ຢູ່ມະ
ຫາວິທະຍາໄລແຫ່ງຊາດກະຊວງແຮງງານ ແລະ ສະຫວັດດີການ- ສັງຄົມໄດ້ມີພິທີ ໂຮມຊຸມນຸມເພື່ອສະເຫລີມສະຫລອງວັນຕ້ານ
ການນຳໃຊ້ແຮງງານເດັກສາກົນພາຍໃຕ້ຄຳຂວັນທີ່ວ່າ: “ບໍ່ນຳໃຊ້ແຮງງານເດັກ ໃນຄອບຄົວ” ໂດຍການເຂົ້າຮ່ວມຂອງທ່ານ ນາງ ໃບຄຳ ຂັດທິຍະ ລັດຖະມົນ
ຕີຊ່ວຍວ່າການກະຊວງແຮງງານ ແລະ ສະ ຫວັດດີການ-ສັງຄົມ, ມີຜູ້ຕາງໜ້າຈາກອົງການ ແຮງງານສາກົນ,
ສະພາແຫ່ງ ຊາດ, ບັນດາກະຊວງ, ອົງການ ຈດຕັ້ງສາກົນຕະ ຫລອດຮອດ ນັກຮຽນໃນນະຄອນຫລວງວຽງຈັນເຂົ້າຮ່ວມເປັນຈຳນວນຫລວງຫລາຍ.
ລັດຖະມົນຕີຊ່ວຍກະ
ຊວງແຮງງານ ແລະ ສະຫວັດ ດີການສັງຄົມກ່າວວ່າ:ແຮງງານເດັກແມ່ນເດັກທີ່ມີອາຍຸແຕ່ 5-17 ປີ ທີ່ເຮັດວຽກອັນຕະລາຍ
ຫລື ເຮັດວຽກເກີນເວລາປົກກະຕິ ຕາມທີ່ໄດ້ກຳນົດໄວ້ໃນກົດໝາຍ.
ອີງຕາມຂໍ້ມູນຂອງອົງການແຮງງານສາກົນໃຫ້ຮູ້ວ່າ:ໃນປັດຈຸບັນທົ່ວໂລກມີແຮງງານເດັກເຖິງ
115 ລ້ານຄົນ, ຍິງ 41 ລ້ານຄົນ ແມ່ນເຮັດວຽກໜັກ ແລະ ເປັນອັນ ຕະລາຍຕໍ່ສຸຂະພາບ, ໃນນັ້ນ
59% ແມ່ນເຮັດວຽກໃນຂະແໜງກະສິກຳ, 30% ຂະແໜງການບໍລິການ ແລະ 11% ຂະແໜງອຸດສາຫະກຳອັນໄດ້ສົ່ງຜົນກະທົບຕໍ່ການ
ພັດທະນາດ້ານສຸຂະພາບຮ່າງ ກາຍ ແລະ ຈິດໃຈ, ດ້ານການຮຽນຮູ້ ຫລື ດ້ານການສຶກສາຂອງເດັກໄວຮຽນ.
ຕໍ່ກັບບັນຫາດັ່ງກ່າວ, ອົງການແຮງງານສາກົນ ແລະ ບັນດາ ລັດພາຄີຕ້ອງໄດ້ສູ້ຊົນເພື່ອບັນລຸເປົ້າໝາຍໃນການລຶບລ້າງໃຫ້ສຳເລັດໃນປີ
2016.
ສຳລັບ ສປປ.ລາວ, ພັກ ແລະ ລັດຖະບານຍາມໃດກໍເຫັນໄດ້
ຄວາມສຳຄັນ ແລະ ເປັນຫ່ວງ ເປັນໃຍ ແລະ ເອົາໃຈໃສ່ຢ່າງ ຈິງຈັງໃນການພັດທະນາ ແລະ ປົກປ້ອງເດັກນ້ອຍເຊິ່ງໃນໄລຍະຜ່ານມາ,
ລັດຖະບານໄດ້ໃຫ້ສັດຕະຍາບັນຕໍ່ສົນທິສັນຍາສາ ກົນຫຼາຍສະບັບພ້ອມທັງສ້າງນິຕິກຳເພື່ອປົກປ້ອງສິດ
ແລະ ຜົນປະ ໂຫຍດອັນຊອບທຳຂອງເດັກນ້ອຍ ແລະ ແມ່ຍິງ.
No comments:
Post a Comment