laophatthananewspaper: ຜົນສຳເລັດການຢ້ຽມຢາມສັນຖະວະໄມຕີ ສປ.ຈີນ ຂອງປະທານສະພາແຫ່ງຊາດ

ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ພ້ອມດ້ວຍຄະນະຜູ້ແທນຂັ້ນສູງຂອງສະພາແຫ່ງຊາດລາວໄດ້ສຳເລັດການຢ້ຽມຢາມສັນຖະວະໄມຕີທີ່ ສປ.ຈີນ ຕາມຄຳເຊີນຂອງທ່ານ ຈາງເຕີຈຽນ ຄະນະປະຈຳກົມການເມືອງສູນກາງພັກກອມມູນິດຈີນ, ປະທານຄະນະປະຈຳສະພາຜູ້ແທນປະຊາຊົນແຫ່ງຊາດຈີນ ໃນລະຫວ່າງວັນທີ 2-7 ມີຖຸນາ 2013 ຜ່ານມານີ້, ເພື່ອປະກອບສ່ວນເສີມສ້າງສາຍພົວພັນ ແລະ ຮ່ວມມືທີ່ເປັນມູນເຊື້ອລະຫວ່າງ ລາວ-ຈີນ ເວົ້າລວມເວົ້າສະເພາະ ລະຫວ່າງສອງພັກສອງລັດ ແລະ ສອງອົງການນິຕິບັນ ຍັດໃຫ້ມີບາດກ້າວ ແລະ ຄຸນນະ ພາບສູງຂຶ້ນເລື້ອຍໆທັງເປັນການຜັນຂະຫຍາຍຜົນການຢ້ຽມຢາມກັນຂອງການນຳຂັ້ນສູງສຸດ, ພັກ-ລັດ ຂອງສອງປະເທດກໍຄືເພື່ອຊຸກຍູ້ການຈັດຕັ້ງປະຕິບັດແຜນແມ່ບົດການຮ່ວມມືລາວ- ຈີນ ໃນໄລຍະໃໝ່ໃຫ້ເກີດດອກອອກຜົນ. ເພີ່ມທະວີເສີມຂະຫຍາຍສາຍພົວພັນຮ່ວມມືລະຫວ່າງສອງອົງ ການນິຕິບັນຍັດໃຫ້ເລິກເຊິ່ງ ແລະ ໜັກແໜ້ນ ໂດຍສະເພາະໃນຂົງເຂດນິຕິບັນຍັດ, ວຽກງານຕິດຕາມກວດກາ ແລະ ວຽກງານພັດ ທະນາຊັບພະຍາກອນມະນຸດ.

ການພົບປະຢ້ຽມຢາມລະຫວ່າງສອງຝ່າຍໃນຄັ້ງນີ້, ທັງສອງຝ່າຍໄດ້ແຈ້ງໃຫ້ກັນຊາບກ່ຽວກັບຜົນສຳເລັດ ແລະ ທິດທາງການພັດທະນາ ເສດຖະ ກິດ-ສັງຄົມ ໃນໄລຍະໃໝ່ ແລະ ຊົມເຊີຍຜົນສຳເລັດທີ່ຍາດມາໄດ້ໂດຍສະເພາະແມ່ນການຈັດຕັ້ງປະ ຕິບັດມະຕິກອງປະຊຸມໃຫຍ່ ຂອງພັກແລະແຜນພັດທະນາ ເສດຖະກິດ-ສັງຄົມ ຂອງທັງສອງປະເທດລາວ-ຈີນ.

ທັງສອງຝ່າຍມີຄວາມເພິ່ງພໍໃຈຕີລາຄາສູງການຮ່ວມມື ລາວ-ຈີນ ທີ່ນັບມື້ນັບມີປະສິດທິຜົນ ແລະ ຢູ່ໃນທ່ວງທ່າດີທີ່ສຸດ, ມີຄວາມໄວ້ເນື້ອເຊື່ອໃຈກັນສູງໃນດ້ານການເມືອງ, ການຄ້າ, ການລົງທຶນ, ບົນພື້ນຖານຕ່າງຝ່າຍຕ່າງມີຜົນປະໂຫຍດ.

ໃນໂອກາດດັ່ງກ່າວ, ທ່ານ ຈາງເຕີຈຽງ ກໍໄດ້ຕີລາຄາສູງຕໍ່ການພົວພັນທີ່ມີປະສິດທິຜົນທັງສາຍພັກ ແລະ ສາຍລັດ ອັນສະເໝີຕົ້ນສະເໝີປາຍ ກັບ ສປປ. ລາວ ຂອບໃຈຕໍ່ການສະໜັບສະ ໜູນຂອງ ສປປ.ລາວ ຕໍ່ທັດສະ ນະຕ່າງຂອງຈີນເຊັ່ນ: ບັນຫາໄຕ້ຫວັນ ແລະ ບັນຫາອື່ນໆບົນພື້ນ ຖານການເປັນເພື່ອນທີ່ດີ, ສະ ຫາຍທີ່ດີ, ບ້ານໃກ້ເຮືອນຄຽງທີ່ດີ ແລະ ຄູ່ຮ່ວມມືທີ່ດີ ແລະ ຝ່າຍຢືນຍັນຄືນການນຳຊຸດໃໝ່ພາຍໃຕ້ການນຳພາຂອງ ສະຫາຍ ສີຈິນ ຜິ້ງ ໃຫ້ຄວາມສຳຄັນຕໍ່ສາຍພົວ ພັນຮ່ວມມືກັບ ສປປ.ລາວ ຄຽງຄູ່ກັບການຮ່ວມມືກັບອາຊຽນ ເພື່ອ ພ້ອມກັນພັດທະນາ ແລະ ສ້າງ ສັນຕິພາບບົນພາກພື້ນ ແລະ ໃນໂລກ ທັງສອງຝ່າຍມີຄວາມເປັນເອກະພາບ ຕໍ່ທິດທາງການຮ່ວມມືລະຫວ່າງອົງການນິຕິບັນຍັດ ລາວ-ຈີນ ໃນຕໍ່ໜ້າໂດຍສະເພາະແມ່ນສືບຕໍ່ຢ້ຽມຢາມ ແລະແລກ ປ່ຽນບົດຮຽນນຳກັນລະຫວ່າງການນຳຂັ້ນສູງ ແລະ ຂັ້ນຕ່າງໆ ຂອງສະພາແຫ່ງຊາດ ລວມທັງ ສະພາຂັ້ນທ້ອງຖິ່ນ ຂອງສອງປະເທດ, ເພີ່ມທະວີການຮວ່ມມືໃນວຽກງານຕິດຕາມກວດກາການຈັດຕັ້ງປະຕິບັດສັນຍາກໍຄືໂຄງການຮວ່ມມືດ້ານຕ່າງໆທີ່ສອງປະເທດມີນຳກັນຮວ່ມມື ແລະ ຊວ່ຍເຫຼຶອການພັດທະນາບຸກຄະລາກອນໃຫ້ແກ່ສະພາແຫ່ງຊາດລາວເຊີ່ງລວມ ທັງ ສສຊ ແລະ ພະນັກງານ- ວິ ຊາການໃນຂົງເຂດທີ່ມີຄວາມຕ້ອງ ການສືບຕໍ່ປະສານສົມທົບ ແລະ ສະໜັບສະໜູນເຊີ່ງກັນແລະກັນໃນເວທີລັດຖະສະພາພາກພື້ນແລະ ສາກົນ.

ຄະນະຜູ້ແທນຂັ້ນສູງສະພາແຫ່ງຊາດລາວຍັງໄດ້ເຂົ້າຢ້ຽມ ຂຳ່ນັບສະຫາຍ ຫຼິວຢຸນຊານ ຄະ ນະປະຈຳກົມການເມືອງສູນກາງພັກກອມມູນິດຈີນ, ຢ້ຽມຢາມແຂວງກວາງຊີ, ຢຽ້ມຢາມພ້ືນຖານເສດຖະກິດ, ການສຶກສາ, ວັດທະນະທຳ ແລະ ແຫລ່ງທ່ອງທ່ຽວຈຳນວນໜຶ່ງ.