ທ່ານ ດຣ
ບຸນຫລາຍ ພົມມະສັກ ຫົວໜ້າກົມຄວບຄຸມພະ ຍາດຕິດຕໍ່ກະຊວງສາທາລະນະ ສຸກໄດ້ຮຽກຮ້ອງຜ່ານສື່ມວນ
ຊົນ ເພື່ອໃຫ້ສັງຄົມເພີ່ມທະວີຄວາມເປັນເຈົ້າການປ້ອງກັນ, ທຳລາຍ ແຫລ່ງເພາະພັນ ແລະ ບ່ອນອາໄສຂອງຍຸງລາຍທີ່ເປັນພາ
ຫະນະນຳເຊື້ອພະຍາດໄຂ້ເລືອດອອກ, ຫຼັງຈາກໃນປີນີ້ມີຜູ້ເສຍຊີວິດ ຍ້ອນເຊື້ອພະຍາດດັ່ງກ່າວແລ້ວ
26 ຄົນ ແລະ ມີສະພາບ ຮ້າຍ ແຮງກວ່າທຸກປີຜ່ານມາ.
ຫົວໜ້າກົມຄວບຄຸມ ພະຍາດຕິດຕໍ່ ກ່າວວ່າ: ປັດຈຸບັນ,
ການລະບາດຂອງພະຍາດໄຂ້ເລືອດ ອອກຢູ່ລາວເຫັນວ່າຮ້າຍ ແຮງກວ່າທຸກປີຜ່ານມາເຊິ່ງສາ ມາດກວດພົບແລ້ວຈຳນວນ
6.377 ກໍລະນີ ແລະ ມີຜູ້ເສຍຊີ ວິດແລ້ວ
26 ຄົນ. ໄຂ້ເລືອດອອກ ແມ່ນໜຶ່ງໃນບັນດາພະຍາດຕິດຕໍ່ ທີ່ກະຊວງສາທາລະນະສຸກຖື
ເປັນບູລິມະສິດ ແລະ ເອົາໃຈໃສ່ພິເສດ, ໄຂ້ເລືອດອອກເກີດຍ້ອນ ຍຸງລາຍເປັນພາຫະນະນຳເຊື້ອ,
ຈາກອາກາດຮ້ອນ ແລະ ອົບເອົ້າ, ພະຍາດໄຂ້ເລືອດອອກຕິດຕໍ່ໄດ້ ໂດຍການຖືກຍຸງລາຍທີ່ມີເຊື້ອ
ໄຂ້ເລືອອອກໂດຍສະເພາະໃນເວ ລາກາງເວັນ ແລະ ຍຸງລາຍ ແມ່ນ ອອກໄຂ່ໃນພາຊະນະທີ່ບັນຈຸນ້ຳຂັງມີຢູ່ໃນເຮືອນ,
ເດີ່ນເຮືອນ ແລະ ສະຖານທີ່ສາທາລະນະອື່ນໆໃນທົ່ວຊຸມຊົນ, ເຊື້ອຈຸລະໂລກໄຂ້ເລືອດອອກມີ
4 ຊະນິດຄື ຊະນິດDen1, Den2, Den3 ແລະ Den4.
ຍຸງລາຍທີ່ນຳເຊື້ອມີສອງຊະນິດຄື Aedes aegypti ແລະ albopictus ເຊິ່ງກໍລະນີສ່ວນໃຫຍ່ແມ່ນມັກພົບເຫັນຢູ່ຊົນນະບົດ,
ຕົວເມືອງ ແລະ ບ່ອນທີ່ເສັ້ນທາງຄົມມະນາຄົມມີຄວາມຫຍຸ້ງຍາກ. ຕໍ່ກັບ
ການລະບາດຂອງພະຍາດດັ່ງ
ກ່າວ ໃນຜ່ານມາ, ກະຊວງສາ ທາລະນະສຸກໄດ້ເອົາໃຈໃສ່ປ້ອງ ກັນ ແລະ ຄວບຄຸມ ໂດຍໄດ້ລະ
ດົມທຸກພາກສ່ວນໃຫ້ມີສ່ວນຮ່ວມເປັນຕົ້ນແມ່ນໄດ້ຈັດກອງປະຊຸມໄຂ້ເລືອດອອກທົ່ວປະເທດ,ໃນນັ້ນ
ໄດ້ເນັ້ນເຖິງຄວາມກຽມ ພ້ອມໃນການໂຕ້ຕອບຕໍ່ການລະບາດ, ຈັດກອງປະຊຸມວິຊາການຮ່ວມກັບອົງການອະນາໄມໂລກ
ເພື່ອຕີລາຄາການລະ ບາດໃນປີ 2013 ພ້ອມດຽວກັນ ກໍໄດ້ວາງມາດຕະການ ເພື່ອແນະນຳບັນ
ດາແຂວງທີ່ມີການລະບາດ, ລົງຕິດຕາມ ແລະ ຊຸກຍູ້ຢູ່ສະຖານ ຕ່າງໆ, ປະສານງານກັບພາກ
ສ່ວນໂຮງຮຽນຂອງລັດ, ເອກະຊົນ ແລະ ພາກສ່ວນຕ່າງໆເປັນ ຕົ້ນສຳນັກງານ, ອົງ ການ ແລະ
ໂຮງຈັກໂຮງງານ ເພື່ອພ້ອມກັນສ້າງຂະບວນການໂຄສະນາຕ້ານໄຂ້ເລືອດອອກຢ່າງຈິງຈັງ,
ສ້າງຂະບວນການອະນາໄມປະຈຳອາ ທິດ, ສ້າງຂະບວນການອະນາ ໄມທຳລາຍໜອນນ້ຳຍຸງລາຍພາຍໃນເຮືອນເປັນປະຈຳ
ໂດຍສະເພາະຢູ່ເຮືອນທີ່ມີຄົນເປັນໄຂ້ ຫລື ເສຍຊີວິດຍ້ອນຍຸງລາຍ ພ້ອມດຽວກັນນີ້,
ທ່ານຫົວໜ້າກົມ ຄວບຄຸມພະຍາດຕິດຕໍ່ໄດ້ຮຽກ ຮ້ອງໃຫ້ສັງຄົມ ຈົ່ງພ້ອມກັນທຳ
ລາຍແຫລ່ງເພາະພັນຂອງຍຸງລາຍເຊັ່ນ: ປ່ຽນນ້ຳໃນພາຊະນະຕ່າງໆເປັນປະຈຳ,
ປິດພາຊະນະທີ່ເກັບນ້ຳໃຫ້ດີ ແລະ ທຳລາຍພາຊະນະທີ່ມີນ້ຳຫົ້ງເຊັ່ນ: ກະ ໂປະ,
ກະປ໋ອງ ແລະ ຢາງຕີນລົດເກົ່າ, ຖາງຫຍ້າທີ່ຮົກເຮື້ອ, ລະ ບາຍນ້ຳຫົ້ງຕາມບໍລິເວນເຮືອນ,
ນອນໃນມຸ້ງບໍ່ວ່າກາງເວນ ຫລື ກາງຄືນ,ທາຢາ ຫລື ສະບູກັນຍຸງ, ໃຊ້ຢາອູດຍຸງ,
ຢາສິດຍຸງ ແລະ ອື່ນໆ ແລະ ຕ້ອງໄປພົບແພດໃນເວລາເປັນໄຂ້ ເພື່ອໃຫ້ໄດ້ຮັບການປິ່ນປົວທັນເວລາ.
ທ່ານ ດຣ. ບຸນຫລາຍ ໃຫ້ຮູ້ ອີກວ່າ: ສະເພາະຢູ່ປະເທດເຮົາ
ພະຍາດໄຂ້ເລືອດອອກໄດ້ເລີ່ມມີ ການລະບາດມາແຕ່ປີ 2007 ມີຜູ້ ຕິດເຊື້ອ 722 ກໍລະນີ,
ມີຜູ້ເສຍຊີວິດ 10 ຄົນ, ປີ 2008 ມີຜູ້ຕິດ ເຊືອ 890 ກໍລະນີ, ມີຜູ້ເສຍຊີວິດ 21 ຄົນ,ປີ
2009 ມີຜູ້ຕິດເຊື້ອ 1.049 ກໍລະນີ, ມີຜູ້ເສຍຊີວິດ 14 ຄົນ, ປີ 2010 ມີຜູ້ຕິດເຊືອ
2.044 ຄົນ,ມີຜູ້ເສຍຊີວິດ 46 ຄົນ, ປີ 2011 ມີຜູ້ຕິດເຊືອ 526 ກໍລະນີ, ມີຜູ້ເສຍຊີວິດ
7 ຄົນ ປີ 2012 ມີຜູ້ ຕິດເຊື້ອ 776 ກໍລະນີ, ມີຜູ້ເສຍຊີ ວິດ 22 ກໍລະນີ ແລະ ປີ 2013
ມີຜູ້ຕິດເຊື້ອແລ້ວ 6.377 ກໍລະນີ ແລະ ມີຜູ້ເສຍຊີວິດ 26 ຄົນ. ເຖິງຢ່າງໃດກໍຕາມ,
ການປ້ອງກັນ ແລະ ຕ້ານພະຍາດໄຂ້ເລືອດອອກ ຍັງພົບກັບສິ່ງທ້າທາຍຫລາຍຢ່າງ, ເນື່ອງຈາກການເພີ່ມຂຶ້ນ
ຂອງການເຄື່ອນຍ້າຍປະຊາກອນ ແລະ ການປ່ຽນແປງຂອງສະພາບອາກາດເຊິ່ງຕ້ອງມີວິທີປ້ອງກັນທີ່ມີປະສິດທິພາບກວ່າເກົ່າ.
No comments:
Post a Comment