ເຈົ້າໜ້າທີ່ຫ້ອງຕຳຫຼວດນະຄອນຫຼວງວຽງຈັນ ໃຫ້ຮູ້ວ່າ:
ໃນອາທິດຜ່ານມາ ນັບແຕ່ວັນທີ 5 ຫາ 11 ມິຖຸນານີ້ ໄດ້ມີສະ ພາບລົດຈັກເສຍຫາຍຫຼາຍເຖິງ
11 ຄັນ, ອັນເປັນປາກົດການຫຍໍ້ທໍ້ບໍ່ເຄີຍມີມາກ່ອນ. ເຊິ່ງສ່ວນຫຼາຍ ລົດທີ່ມັກເສຍຈະເປັນປະເພດລົດທີ່ມີຄຸນນະພາບດີ
ເຊັ່ນ : ຍີ່ຫໍ້ຮອນດາ ແລະ ຊູຊຸກິ ເຊິ່ງເປັນປະເພດລົດທີ່ໄດ້ຮັບຄວາມນິຍົມຈາກສັງຄົມ
ແລະ ເປັນ ເປົ້າໝາຍຂອງໂຈນດັ່ງກ່າວຄື: ໃນວັນທີ 6 ມິຖຸນານີ້ ໄດ້ເກີດເຫດຄົນຮ້າຍລັກລົດ
ຈັກ ຢູ່ບ້ານໜອງໜ່ຽງ ເມືອງຈັນທະບູລີ ນະຄອນຫຼວງວຽງຈັນ ຊຶ່ງເປັນລົດຮອນດາເວບໝາຍເລກທະບຽນ
ຍດ 1514 ແລະ ໃນວັນທີ 7 ມິຖຸນານີ້, ເຈົ້າໜ້າທີ່ ປກສ ເມືອງໄຊທານີ ກໍໄດ້ຮັບແຈ້ງ
ຄວາມຈາກປະຊາຊົນຢູ່ບ້ານ ໂພນໄຮ່ຄຳ ເມືອງຂອງຕົນ ພາຍ ຫຼັງຄົນຮ້າຍເຂົ້າໄປລັກເອົາລົດ
ຈັກຂອງຜູ້ກ່ຽວທີ່ຈອດປະໄວ້ຢູ່ ໃນເຮືອນຂອງຕົນ ແລະ ອີກ ຫຼາຍໆເຫດການລັກລົດຈັກທີ່
ເກີດຂຶ້ນຢ່າງລຽນຕິດ ໃນໜຶ່ງ ອາທິດຜ່ານມາ ແລະ ກຳລັງເຈົ້າ ໜ້າທີ່ກໍໄດ້ເອົາໃຈໃສ່ຕິດຕາມເພື່ອນຳຈັບຄົນຮ້າຍມາດຳເນີນຄະດີ.
ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ອີກວ່າ:
ນັບແຕ່ຕົ້ນປີມານີ້ ສະເພາະຢູ່ນະ ຄອນຫຼວງວຽງຈັນ ມີລົດຈັກເສຍຫຼາຍກວ່າ 200 ຄັນແລ້ວ.
ຈາກສະພາບດັ່ງກ່າວຈຶ່ງເຕືອນມາຍັງ ປະຊາຊົນໃຫ້ມີສະຕິໃນການປົກປັກຮັກສາສາຊັບສິນ
ຂອງຕົນ ໂດຍສະເພາະ ແມ່ນພາຫະນະລົດ ຈັກຂອງຕົນເອງບໍ່ຄວນຈອດໄວ້ຢ່າງຊະຊາຍໃນສະຖານທີ່ບໍ່ຮັບ
ປະກັນຄວາມປອດໄພ ແລະ ພ້ອມມີວິທີການປ້ອງກັນຊັບສິນຂອງຕົນເອງເຮັດແນວໃດບໍ່ໃຫ້ຕົກເປັນເຫຍື່ອຂອງຄົນບໍ່ດີ.
No comments:
Post a Comment