ເຈົ້າໜ້າທີ່ພະແນກຕຳຫລວດຕ້ານການຄ້າມະນຸດນະຄອນຫລວງວຽງຈັນ
ໄດ້ຈັດກຳລັງໜ່ວຍສະເພາະກິດລົງຕິດຕາມ ກວດກາ ແລະ ແກ້ໄຂຂະບວນການຄ້າໂສເພນີ
ໃນຂອບເຂດຄວາມຮັບຜິດຊອບຂອງຕົນ ແລະ ເມື່ອບໍ່ດົນມານີ້, ກໍສາມາດມ້າງຂະບວນຄ້າໂສເພນີລາຍໃຫຍ່ຢູ່ຮ້ານກິນດື່ມສອງແຫ່ງ
ໃນເຂດບ້ານຕານມີໄຊ ເມືອງໄຊທານີ ນະຄອນຫລວງວຽງຈັນ ເຊິ່ງໄດ້ກັກຜູ້ຄ້າໂສເພນີຈຳນວນ
2 ຄົນ ແລະ ສາວໂສເພນີ 3 ຄົນ ໂດຍທັງໝົດເປັນຄົນມາຈາກຕ່າງແຂວງຈາກນັ້ນໄດ້ນຳຕົວມາສຶກສາອົບຮົມເພື່ອໃຫ້ຢຸດຕິພຶດຕິກຳທີ່ບໍ່ດີດັ່ງກ່າວກ່ອນໃຫ້ປະກັນຕົວ.
ເຈົ້າໜ້າທີ່ຕ້ານການຄ້າມະນຸດ ໃຫ້ຮູ້ວ່າ:ການເຄື່ອນ
ໄຫວຂອງຂະບວນ ການຄ້າມະນຸດ ແມ່ນມີລັກສະນະແບບຕ່ອງໂສ້ ເຊິ່ງຜ່ານການມ້າງຂະບວນການດັ່ງກ່າວໃນປີ
2012 ມີຄະດີການຄ້າມະນຸດ 11 ຄັ້ງ, ຄ້າໂສເພນີ 4 ເລື່ອງ ແລະ ກະທຳຊຳເລົາເດັກ
2 ເລື່ອງ, ນອກຈາກນີ້ ໄດ້ລົງແກ້ໄຂຮ້ານກິນດື່ມທີ່ມີການລັກລອບຄ້າຂາຍໂສເພນີຈຳນວນ
9 ຄັ້ງ, ລວມມີ 25 ຮ້ານ ແລະ ກັກສາວບໍລິການໄດ້ 40 ກວ່າຄົນ. ແລະ ເພື່ອຢາກ ເຮັດໃຫ້ບັນຫາດັ່ງກ່າວຫລຸດຜ່ອນລົງທຸກພາກສ່ວນໃນສັງຄົມຕ້ອງເປັນເຈົ້າການຮ່ວມກັນແກ້ໄຂຢ່າງຈິງຈັງ
ເພາະບັນຫາດັ່ງ ກ່າວເປັນສາເຫດໜຶ່ງທີ່ພາໃຫ້ເກີດມີປາກົດການຫຍໍ້ທໍ້ໃນສັງຄົມ
ແລະ ສົ່ງຜົນເຮັດໃຫ້ບົດບາດ ແລະ ກຽດສັກສີຂອງແມ່ ຍິງເສື່ອມເສຍ.
No comments:
Post a Comment