ກະຊວງຖະແຫລງຂ່າວ, ວັດທະນະທຳ ແລະ
ທ່ອງທ່ຽວ,ໄດ້ໄຂຊຸດອົບຮົມທິດສະດີການເມືອງ- ການປົກຄອງ ໄລຍະສັ້ນ (45 ວັນ)
ຊຸດທີ VI ໃຫ້ແກ່ພະນັກງານຫລັກແຫລ່ງ,ພະນັກງານສືບທອດ ອ້ອມຂ້າງກະຊວງ
(ຖວທ) ໃນວັນທີ 7 ມີຖຸນານີ້,ທີ່ສະຖາບັນສື່ມວນຊົນກະ
ຊວງຖະແຫລງຂ່າວ,ວັດທະນະ ທຳ ແລະ ທ່ອງທ່ຽວໂດຍເປັນກຽດເຂົ້າຮ່ວມຂອງທ່ານ ສຈ.ດຣ.ບໍ່ແສງຄຳ
ວົງດາລາ ເລຂາຄະນະພັກ, ລັດ ຖະມົນຕີວ່າການກະຊວງຖະແຫລງ, ຂ່າວວັດທະນະທຳ
ແລະ ທ່ອງທ່ຽວ,ມີທ່ານ ຮອງ ສຈ ສະໜຸດ ສົມ ພະໜິດ ຮອງອຳນວຍການສະຖາບັນການເມືອງ-ການປົກຄອງແຫ່ງຊາດ,
ຫົວໜ້າສະຖາບັນສື່ມວນຊົນ, ມີບັນດາຫົວ ໜ້າກົມ,ຮອງກົມອ້ອມຂ້າງກະ
ຊວງດັ່ງກ່າວແລະມີບັນດາພະນັກ ງານຫລັກແຫລ່ງເຂົ້າຮ່ວມ 46 ຄົນ.
ຈຸດປະສົງຂອງການຝືກອົບ ຮົມທິດສະດີການເມືອງ-ການປົກຄອງຄັ້ງນີ້ແມ່ນເພື່ອຍົກລະດັບຄວາມຮູ້ທາງດ້ານທິດສະດີການເມືອງ
ເປັນຕົ້ນແມ່ນ ຫລັກມູນພື້ນ ຖານຂອງທິດສະດີມາກ-ເລນິນ, ແນວທາງ ນະໂຍບາຍຂອງພັກ,
ວຽກງານບໍລິຫານ ການປົກຄອງ ແລະ ກົດໝາຍພື້ນຖານຈຳນວນໜື່ງ
ເພື່ອເຮັດໃຫ້ຜູ້ເຂົ້າຮ່ວມກຳແໜ້ນສະພາບຄວາມເປັນຈິງທາງດ້ານເສດຖະ ກິດ-ສັງຄົມ
ຂອງປະເທດເຮົາ ແລະ ເຊື່ອມຊື່ມແນວ ທາງປ່ຽນແປງໃໝ່ຂອງພັກຢ່າງເປັນລະບົບ
ເພື່ອເຮັດໃຫ້ພະນັກ ງານຫລັກແຫລ່ງ ໄດ້ມີຄວາມຮູ້ໃໝ່ ແລະ ສາມາດນຳໃຊ້ເຂົ້າໃນການໂຄສະນາເຜີຍແຜ່ແນວທາງ
ນະໂຍບາຍຂອງພັກ ໃນການສຶກສາອົບ ຮົມແນວຄິດການເມືອງ, ການໂຄສະນາ,ການປຸກລະດົມຊຸກຍູ້ການພັດທະນາເສດຖະກິດ-
ສັງຄົມ ແກ້ໄຂຄວາມທຸກຍາກໃນທົ່ວປວງຊົນເຮັດໃຫ້ປະເທດເຮົາຫລຸດພົ້ນອອກຈາກຄວາມດ້ອຍ
ພັດທະນາເທື່ອລະກ້າວ.
ໃນພິທີດັ່ງກ່າວທ່ານ ສຈ.ດຣ. ບໍ່ແສງຄຳ ວົງດາລາ ເລຂາຄະນະພັກ
ລັດຖະມົນຕີວ່າ ການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວໃຫ້ກຽດໂອ້ລົມຊຸດອົບຮົມຄັ້ງນີ້ວ່າ:
ການບຳລຸງທິດສະດີໃຫ້ແກ່ພະນັກງານຫລັກແຫລ່ງພາຍໃນກະ ຊວງຄັ້ງນີ້ມີຄວາມສຳຄັນຫລາຍທີ່ສຸດ,ການບຳລຸງທິດສະດີນີ້ເປັນການປະຕິບັດຕາມແນວທາງນະໂຍບາຍຂອງພັກ-ລັດ
ຕາມທິດຊີ້ ນຳມະຕິກອງປະຊຸມໃຫຍ່ຄັ້ງທີ່IX ຂອງພັກໃນການບຸກທະລຸທັງ 4
ດ້ານໄປພ້ອມໆກັນໃນນັ້ນດ້ານບຸກທະລຸຈິນຕະນາການ ແລະ ບຸກ ທະລຸບຸກຄະລາກອນແມ່ນຕິດພັນກັນ.ການບຳລຸງທິດສະນີ້ກໍເປັນການສ້າງບຸກຄະລາກອນຂອງ
ກະຊວງພວກເຮົາ. ສປປ ລາວ ຂອງພວກເຮົາແມ່ນຢຶດຖືລັດທິມາກ-ເລນິນແລະເປັນເຂັມທິດທຸກ
ການກະທຳຂອງພວກເຮົາ,ພຶດຕິກຳຂອງພັກເຮົາເອົາລັດທິມາກ-ເລນິນເປັນພື້ນຖານການຈັດຕັ້ງ
ປະຕິບັດວຽກງານ.ການບຳລຸງທິດສະດີການເມືອງແມ່ນຊ່ວຍການສ້າງພະນັກງານທີ່ມີຫລັກ ໜັ້ນ,ຊື່ສັດໃນການປະຕິບັດໜ້າທີ່ສຳຄັນຂອງຊາດມອບໝາຍໃຫ້ສຳເລັດ.
ທ່ານ
ສຈ.ດຣ.ບໍ່ແສງຄຳ ວົງດາລາ ຍັງໄດ້ກ່າວຕື່ມວ່າ: ການບຳລຸງທິດສະດີ 45ວັນນີ້
ຈະຊ່ວຍໃຫ້ຜູ້ເຂົ້າຮ່ວມອົບຮົມມີໂອ ກາດໄດ້ຮຽນຮູ້ເລີກເຊິ່ງ ແລະ
ກຳໄດ້ທິດສະດີມາກ-ເລນິນຢ່າງຖືກຕ້ອງອັນສຳຄັນອີກດ້ານໜື່ງແມ່ນ
ການບຳລຸງທິດສະດີນີ້ໃຫ້ເຂົ້າໃຈແນວທາງນະໂຍບາຍຂອງພັກ- ລັດເຮົາ ແລະ
ປັບປຸງຕົນເອງໃຫ້ເຂົ້າກັບວຽກງານ. ໃຫ້ບັນດາພະນັກງານຫລັກແຫລ່ງ,ພະນັກງານ
ສືບທອດຕ້ອງກຳແໜ້ນແນວ ທາງນະໂຍບາຍຂອງພັກ-ລັດ,ເປັນພະນັກງານນຳພາ,ໄດ້ນຳເອົາບົດຮຽນ,ຄວາມຮູ້ທີ່ໄດ້ຈາກການບຳລຸງທິດສະດີຄັ້ງນີ້
ນຳໃຊ້ເຂົ້າໃນການປະຕິບັດໜ້າທີ່ຕົນ ດ້ວຍຄວາມຮັບຜິດຊອບສູງ,ມີຄວາມຕັດສິນໃຈສູງໃນການນຳ
ພາ ເພື່ອພ້ອມກັນກ້າວຂື້ນ ເຮັດລ້ອນໜ້າທີ່ທີ່ຂັ້ນເທິງມອບໝາຍໃຫ້ນັ້ນໃຫ້ສຳເລັດເປັນກ້າວໆ.
ຊຸດອົບຮົມທິດສະດີການເມືອງ-ການປົກຄອງຄັ້ງນີ້ຮຽນ 5 ພາກວິຊາຄື:
ພາກວິຊາປັດຊະຍາ,ພາກວິຊາເສດຖະສາດການເມືອງ, ພາກວິຊາລັດທິສັງຄົມນິຍົມວິທະຍາສາດ,
ພາກວິຊາບໍລິຫານສາດ ແລະ ພາກວິຊາກໍ່ສ້າງພັກ.
No comments:
Post a Comment