ສະຖານເອກອັກຄະຣາຊະທູດ ຍີ່ປຸ່ນ ປະຈຳລາວ
ຮ່ວມກັບກະຊວງຖະແຫລງຂ່າວ,ວັດທະ ນະທຳ ແລະ ທ່ອງທ່ຽວ ແລະ ມູນນິທິຍີ່ປຸ່ນ ໄດ້ຈັດພິທີເຜີຍແຜ່ການປະດິດແມ່ພິມໄມ້
ພື້ນເມືອງຍີ່ປຸ່ນ ຂຶ້ນໃນວັນທີ 5 ມິຖຸນາ 2013 ນີ້ ຢູ່ທີ່ສະຖາບັນພັດທະນາຊັບພະຍາ
ກອນມະນຸດ ລາວ-ຍີ່ປຸ່ນ, ມະຫາ ວິທະຍາໄລແຫ່ງຊາດ
(ວິທະຍາ ເຂດດົງໂດກ)ເຂົ້າຮ່ວມມີທ່ານ ອາ ຈານ ນາງ ສົມໃຈ ເພັດລຳພັນ ຮອງຫົວໜ້າສະຖາບັນພັດທະນາຊັບພະຍາກອນມະນຸດ
ລາວ-ຍີ່ ປຸ່ນ, ມີຜູ້ຕາງໜ້າຈາກສະຖານ ທູດຍຍີ່ປຸ່ນ ປະຈຳລາວ ແລະ ນັກວິທະຍາ ກອນ
ຈາກມູນນິທິຍີ່ປຸ່ນ ພ້ອມດ້ວຍນັກສຶກສາຈາກມະຫາ ວິທະຍາໄລແຫ່ງຊາດ ຈຳນວນໜຶ່ງ.
ການເຜີຍແຜ່ການປະດິດ ແມ່ພິມໄມ້ພື້ນເມືອງຍີ່ປຸ່ນໃນຄັ້ງນີ້
ບັນດາຜູ້ຮ່ວມຈະໄດ້ຮຽນຮູ້ກ່ຽວກັບການປະດິດແມ່ ພິມໄມ້ພື້ນເມືອງ ຈາກຊ່ຽວຊານຍີ່ປຸ່ນ
ເຊັ່ນ: ເຕັກນິກການພິມດ້ວຍສີມື, ພາບພິມທີ່ຜະລິດດ້ວຍສີມື,
ປະຫວັດຂອງແມ່ພິມໄມ້ Ukiyo-e ແລະ ການສາທິດໃນການພິມ
ເຊິ່ງໄດ້ນຳໃຊ້ໜຶ່ງໃນບັນດາແຜ່ນເອກຂອງ Sharaku ສິລະປິນທີ່ມີຊື່ສຽງທາງດ້ານ
Ukiyo-e ໃນສະໄໝກາງ, ແມ່ພິມທີ່ນຳສະເໜີໃນປະເທດຍີ່ປຸ່ນ ແມ່ນເຂົ້າມາພ້ອມກັບສາດສະໜາພຸດ
ໃນສັດຕະວັດທີ 6 ມີວັດທະນາການໃນວິທີທາງ ອັນໂດດເດັ່ນ ໂດຍຜ່ານປະ ຫວັດອັນຍາວນານຂອງຍີ່ປຸ່ນ,
ງານສິລະປະແມ່ພິມຂອງຍີ່ປຸ່ນ ໄດ້ເປັນທີ່ຮູ້ກັນດີແລ້ວວ່າແມ່ນແມ່ ພິມ
Ukiyo-e ໄດ້ມີການຈະເລິນຮຸ່ງເຮືອງໃນໄລຍະປີ 1603-1863 ຕາມນັກຄົ້ນຄ້ວາວິໄຈວ່າ
ແມ່ພິມໄມ້ Ukiyo-e ສົ່ງຜົນສະ ທ້ອນໃຫ້ແກ່ບັນດາຊ່າງແຕ້ມຮູບຊາວ
ເອີ ຣົບ van Gogh ທັງນີ້ກໍເພື່ອແນໃສ່ເຮັດໃຫ້ຜູ້ເຂົ້າຮ່ວມໄດ້ຮຽນຮູ້ກ່ຽວກັບການປະດິດແມ່ພິມໄມ້ພື້ນເມືອງຍີ່ປຸ່ນໄດ້ຢ່າງເລິກເຊິ່ງ
ໃນການສົ່ງເສີມຄວາມເຂົ້າໃຈເຊິ່ງກັນ ແລະກັນລະຫວ່າງ ລາວ- ຍີ່ປຸ່ນ ໃນບັນດາຖັນແຖວຂອງຄົນຮຸ່ນຕ່າງໆ
ໃຫ້ພັດທະນາຍິ່ງຂຶ້ນໄປ, ການເຜີຍແຜ່ດັ່ງກ່າວແມ່ນໄດ້ດຳເນີນໄປຮອດວັນທີ
8 ມິຖຸ ນາ 2013 ນີ້ ໂດຍໄດ້ເຜີຍແຜ່ຢູ່ທີ່ສະຖາບັນວິຈິດສິນແຫ່ງຊາດ, ສູນເຝິກອົບຮົມ
ແລະ ບໍລິການດ້ານກະສິກຳ, ເມືອງວັງວຽງ, ແຂວງວຽງຈັນ ຕື່ມອີກ.
No comments:
Post a Comment