ການກໍ່ສ້າງເສັ້ນທາງບາງສາຍໃນຕົວເມືອງມີຄວາມຊັກຊ້າສົ່ງຜົນໃຫ້ການສັນຈອນໃນລະດູຝົນຍິ່ງລຳບາກ

       ປັດຈຸບັນ, ຢູ່ນະຄອນຫລວງວຽງຈັນ ພວມສຸມໃສ່ການປັບປຸງພື້ນຖານໂຄງ ລ່າງໂດຍສະເພາະແມ່ນການກໍ່ສ້າງຖະໜົນ ຫົນທາງສາຍຕ່າງໆເຊິ່ງມີຫລາຍ ໂຄງ ການກໍປະຕິບັດສຳເລັດຕາມ ກຳນົດເວລາເພື່ອສ້າງຄວາມສະດວກສະບາຍໃນການສັນ ຈອນໄປມາແຕ່ກົງກັນຂ້າມມີບາງໂຄງ ການແມ່ນດຳເນີນໄປດ້ວຍຄວາມ ລ້າຊ້າ ສົ່ງຜົນກະທົບຕໍ່ການສັນຈອນ ໂດຍສະເພາະໃນ ຊ່ວງໄລຍະລະດູຝົນນີ້ຍິ່ງ ຫຍຸ້ງຍາກ ລຳບາກຫລາຍຄື:ເສັ້ນທາງແຕ່ສາມ ແຍກຫົວຂົວຫາບ້ານນາຄວາຍເມືອງໄຊເສດຖາ ນະ ຄອນຫລວງວຽງຈັນ ມີຄວາມຍາວພຽງປະ ມານ 7 ກິໂລແມັດ ແລະ ກໍໄດ້ດຳ ເນີນການກໍ່ສ້າງມາເປັນເວລາດົນນານແລ້ວ ແຕ່ ກໍຍັງບໍ່ທັນສຳເລັດ ແລະ ບໍ່ຮູ້ວ່າແມ່ນດ້ວຍເຫດຜົນ ໃດ ແລະ ຖືກສັງຄົມວິພາກວິຈານ ແລະ ສະແດງຄວາມເປັນ ຫວ່ງຕໍ່ ການກໍ່ສ້າງທີ່ມີລັກສະນະແກ່ຍາວດັ່ງກ່າວ ເຖິງແມ່ນວ່າເຈົ້າຂອງບໍລິສັດຜູ້ຮັບເໝົາກໍ່ສ້າງກໍເຄີຍອອກມາຢືນ ຢັນຜ່ານສື່ມວນຊົນ ວ່າ ການກໍ່ສ້າງເສັ້ນທາງດັ່ງກ່າວ ຈະໃຫ້ສຳເລັດໃນປີ 2014 ແນ່ນອນ, ແຕ່ເຖິງປານນັ້ນສັງຄົມກໍບໍ່ມີຄວາມໝັ້ນໃຈວ່າຈະເຮັດ ສຳ ເລັດແທ້ຫລືບໍ່? ເນື່ອງຈາກ ເຫັນວ່ານັບແຕ່ມື້ລົງມືກໍ່ສ້າງມາຮອດປັດຈຸບັນກໍໃຊ້ເວລາໄປຫລາຍປີແລ້ວ, ແຕ່ຄວາມຄືບໜ້າ

ຂອງການກໍ່ສ້າງແມ່ນມີໜ້ອຍ ຫລາຍເມື່ອທຽບກັບບັນດາໂຄງ ການກໍ່ ສ້າງເສັ້ນທາງອື່ນໆ,ຈາກ ບັນຫາດັ່ງກ່າວໄດ້ສ້າງຄວາມ ຫຍຸ້ງຍາກລຳບາກຕໍ່ການສັນ ຈອນໄປມາຫລາຍສົມຄວນໂດຍ ສະເພາະໃນລະດູຝົນຍິ່ງເຮັດ ໃຫ້ມີຄວາມເປີະເປື້ອນເປັນຂຸມ ເປັນບວກ ແລະ ເກີດສະພາບລົດ ຕິດແອອັດໜັກໜ່ວງໃນແຕ່ລະມື້. ຕໍ່ບັນຫາດັ່ງກ່າວຫລາຍຄົນເຫັນວ່າພາກລັດກ່ຽວຂ້ອງ ຄວນເພີ່ມທະວີການຕິດຕາມກວດກາ ແລະ ຊຸກຍູ້ບໍລິສັດຜູ້ຮັບເໝົາມີຄວາມຫ້າວຫັນຂຶ້ນກວ່າເກົ່າໃນການປະຕິບັດໂຄງ ການ ທີ່ເປັນຄວາມຮັບຜິດຊອບຂອງຕົນເພື່ອຫລຸດຜ່ອນຄວາມລຳບາກຂອງຜູ້ສັນ ອນໄປມາ ແລະ ເຮັດໃຫ້ການປະຕິບັດ ສ ສະອາດ ຂອງນະຄອນຫລວງໄດ້ຮັບຜົນ.