ກອງປະຊຸມລະດັບເຈົ້າໜ້າທີ່ອາວຸໂສ ແລະ ລະດັບລັດຖະມົນຕີກະຊວງແຮງງານ
ແລະ ສະຫວັດ ດີການສັງຄົມ ເພື່ອ ຫາລືການຮ່ວມມື ດ້ານການຈ້າງແຮງງານ
ລະຫວ່າງ ລາວ-ໄທ ຄັ້ງທີ 9 ຈັດຂຶ້ນໃນລະ ຫວ່າງວັນທີ 6-7 ມິຖຸນານີ້, ທີ່ແຂວງຫລວງພະບາງ, ໂດຍ
ພາຍໃຕ້ການເປັນປະທານຮ່ວມ ຂອງທ່ານນາງ ອ່ອນຈັນ ທຳມະວົງ ລັດຖະມົນຕີວ່າການກະຊວງແຮງງານ
ແລະ ສະຫວັດດີການສັງຄົມ ແຫ່ງ ສປປ ລາວ ພ້ອມຄະນະ ແລະ ທ່ານ ຜະເດີມໄຊ
ສະສົມຊັບ ລັດຖະມົນຕີວ່າການກະ ຊວງແຮງງານ ແຫ່ງຣາຊະອານາຈັກໄທ ພ້ອມຄະນະ.
ໃນວາລະ ກອງປະຊຸມ ທັງສອງຝ່າຍຕ່າງ ກໍໄດ້ຕີລາຄາສູງ ແລະ ສະແດງຄວາມ ຊົມເຊີຍຕໍ່ລັດຖະບານທັງສອງປະເທດ
ທີ່ໄດ້ມີການເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ລັດຖະບານຂອງທັງສອງປະເທດ
ສປປ ລາວ ແລະ ຣາຊະອານາຈັກໄທ, ເພື່ອຜົນປະໂຫຍດແລະຄວາມ ສະເໝີ ພາບຮ່ວມກັນຂອງແຕ່ລະປະເທດ.
ພ້ອມນັ້ນ ທັງສອງຝ່າຍໄດ້ປຶກສາຫາລືແລກປ່ຽນຄວາມຄິດເຫັນ ແລະ ທົບທວນຄືນການຈັດຕັ້ງປະຕິບັດບົດບັນທຶກກອງ
ປະຊຸມ ຄັ້ງທີ 8 ໃນລະຫວ່າງວັນທີ 26-27 ທັນວາ 2011 ທີ່ບາງກອກ ແລະ ການຈັດຕັ້ງປະຕິບັດບົດບັນທຶກຄວາມເຂົ້າໃຈ
ວ່າດ້ວຍການຮ່ວມມືດ້ານການຈ້າງແຮງງານ ລະຫວ່າງລັດຖະບານ ແຫ່ງ ສປປ.ລາວ
ແລະ ລັດຖະບານແຫ່ງຣາຊະອານາຈັກໄທ ທີ່ໄດ້ລົງນາມຮ່ວມກັນໃນວັນທີ 18 ຕຸ ລາ
2002 ຊຶ່ງຜົນຂອງກອງປະ ຊຸມໄດ້ ຮ່ວມມືກັນຜັນຂະຫຍາຍ ເນື້ອໃນຈິດໃຈຂອງບົດບັນທຶກ ຄວາມເຂົ້າໃຈ
(MOU) ເຂົ້າສູ່ພາກປະຕິບັດ ຕົວຈິງທີ່ຈະເຮັດ
ໃຫ້ການຈ້າງແຮງງານລະຫວ່າງ
ສອງປະເທດ ເຂົ້າສູ່ລະບົບທີ່ຖືກກົດໝາຍ ຊິ່ຶງນັບແຕ່ເ ດືອນຕຸລາ 2011 ມາເຖິງເດືອນກັນຍາ
2012 ໄດ້ມີການຈັດສົ່ງຜູ້ອອກແຮງງານລາວ ໄປເຮັດວຽກຢູ່ປະ ເທດໄທ ແບບຖືກຕ້ອງຕາມກົດໝາຍ
ຈຳນວນ 8.100 ກວ່າຄົນ, ຍິງ 3.500 ກວ່າຄົນ
ໂດຍແມ່ບໍລິສັດ ບໍລິການຈັດຫາງານຂອງລາວ ເປັນຜູ້ ດຳເນີນການຈັດສົ່ງ ແລະ ໃນສົກ
ປີ 2012-2013 ມີແຮງງານລາວ ຜ່ານການປັບສະຖານະພາບເປັນແຮງງານທີ່ຖືກຕ້ອງ
ມີທັງໝົດ 9.700 ກວ່າຄົນ, ຍິງ 4,716 ຄົນ.
ຝ່າຍລາວ ຈະສືບຕໍ່ອອກໜັງ ສື ຜ່ານແດນຊົ່ວຄາວໃຫ້ແກ່ແຮງ ງານລາວ ທີ່ໄດ້ຜ່ານການສຳ
ພາດເພື່ອປັບ ສະຖານະພາບ ແລ້ວ ຈຳນວນ 2.045 ຄົນ ຝ່າຍລາວ ໄດ້ສະແດງຄວາມຂອບໃຈທີ່ຝ່າຍ
ໄທໄດ້ຫລຸດຄ່າ ທຳນຽມ ວີຊາເຮັດ ວຽກໃຫ້ແກ່ແຮງງານລາວ ຈາກ 2.000 ບາດ (ເງິນສະ ກຸນໄທ)
ຕໍ່ຄົນເຫລືອພຽງນ 500 ບາດຕໍ່ຄົນ. ນອກຈາກນີ້
ຝ່າຍໄທສະເໜີໃຫ້ມີ ການແກ້ໄຂໄລຍະເວລາການຈ້າງ ງານກໍລະນີແຮງງານທີ່ເຮັດ
ວຽກຄົບຕາມສັນຍາຈ້າງງານ 2 ປີ ສາມາດຕໍ່ສັນຍາ ໄດ້ອີກ 2 ປີ (ໄລຍະການຈ້າງງານບໍ່ເກີນ
4ປີ).
No comments:
Post a Comment