ໃນວັນທີ 7 ມິຖຸນາ 2013 ນີ້ ທີ່ຫ້ອງປະ ຊຸມກົມໃຫຍ່ຕຳຫລວດ,
ກະຊວງປ້ອງກັນຄວາມສະ ຫງົບ ທ່ານ ພັນເອກ ດຣ. ເພັງສະ ຫວັນ ທິບພະວົງໄຊ ຮອງຫົວໜ້າກົມໃຫຍ່ຕຳຫລວດ,
ກະຊວງປ້ອງກັນຄວາມສະຫງົບ, ຄະນະຮັບຜິດຊອບດຳເນີນຄະດີການສືບ ສວນ-ສອບສວນ
ຊອກຕົວທ້າວ ສົມບັດ ສົມພອນ ໄດ້ຖະແຫລງຂ່າວ
ກ່ຽວກັບຜົນການສືບສວນ-ສອບສອບຄັ້ງທີ III ຂອງເຈົ້າໜ້າທີ່ຕຳຫລວດ
ໃນການຊອກຫາຕົວທ້າວ ສົມບັດ ສົມພອນ
ໂດຍມີບັນດາສື່ມວນຊົນຂະແໜງການຕ່າງໆ ແລະ ພະນັກ ງານທີ່ກ່ຽວຂ້ອງເຂົ້າຮ່ວມ.
ທ່ານ ພັນເອກ ດຣ. ເພັງສະຫວັນ ທິບພະວົງໄຊ ໄດ້ກ່າວວ່າ:
ເພື່ອເປັນການຮັບຮູ້ ເພີ່ມຕື່ມຕໍ່ ຄວາມຄືບໜ້າກ່ຽວກັບການສືບສວນ-ສອບສວນ
ຊອກຫາຕົວທ້າວ ສົມບັດ ສົມພອນ ຂອງເຈົ້າໜ້າທີ່ຕຳ ຫລວດຜ່ານມາ,
ຂ້າພະເຈົ້າຕາງໜ້າໃຫ້ຄະນະຮັບຜິດຊອບດຳເນີນຄະດີ ຂໍແຈ້ງຜົນການສືບສວນ-ສອບສວນ
ຊອກຕົວທ້າວ ສົມບັດ ສົມພອນ ຕື່ມດັ່ງນີ້: ຫລັງຈາກທີ່ຂ້າພະເຈົ້າ
ໄດ້ແຈ້ງຜົນການສືບສວນ-ສອບສວນ ຊອກຫາຕົວທ້າວ ສົມບັດ ສົມພອນ 02 ຄັ້ງຜ່ານມາ,
ຄະນະຮັບ ຜິດຊອບດຳເນີນຄະດີ ກໍໄດ້ເອົາໃຈໃສ່ສືບຕໍ່ດຳເນີນການ ສືບສວນ-
ສອບສວນ ເກັບກຳແຫລ່ງ ຂ່າວ, ຂໍ້ມູນຕ່າງໆນຳບຸກຄົນ,
ພາກສ່ວນທີ່ກ່ຽວຂ້ອງຢູ່ພາຍໃນ ແລະ ຕ່າງປະເທດຄື:
ໄດ້ລົງໄປສົມທົບກັບອຳນາດການປົກຄອງບ້ານຊຳເກດ, ເມືອງສີໂຄດຕະ ບອງ,
ແລະ ບ້ານຊ້າງຫົວບໍ່, ເມືອງໄຊທານີ, ນະຄອນຫລວງວຽງຈັນ
ເພື່ອລົງເກັບກຳຂໍ້ມູນ ສາຍພົວພັນຕ່າງໆຂອງຜູ້ກ່ຽວ ຢູ່ສູນປັນຍານິເວດ
ແລະ ສູນຮຽນຮູ້ສວນໄມ້ລາວ. ນອກນັ້ນ ຍັງສືບ
ຕໍ່ລົງເກັບຂໍ້ມູນຢູ່ບ້ານນາຄຳ, ເມືອງສີໂຄດຕະບອງ ແລະ ບ້ານໂຄກນິນ, ເມືອງສີສັດຕະນາກ
ແລະ ຈຸດອື່ນໆຈຳນວນໜຶ່ງຕື່ມ ເພື່ອເປັນບ່ອນອີງໃນການຊອກຫາຕົວຜູ້ກ່ຽວ,
ສືບຕໍ່ປະສານສົມ ທົບ, ກວດກາ ແລະ ມອບໝາຍໃຫ້ທຸກເລົ່າຮົບວິຊາສະເພາະ
ຂອງເຈົ້າໜ້າທີ່ຕຳ ຫລວດທົ່ວປະເທດ ໃນການສືບຕໍ່ຕິດຕາມຊອກຫາແຫລ່ງຂ່າວ
ແລະ ຂໍ້ມູນຕ່າງໆ ທີ່ກ່ຽວພັນເຖິງການຊອກຫາຕົວຜູ້ ກ່ຽວ,
ເຈົ້າໜ້າທີ່ຕຳຫລວດສາກົນ
ລາວ
ໄດ້ສືບຕໍ່ເຮັດໜັງສືສະເໜີເຖິງອົງການຕຳຫລວດສາກົນ ອອກໃບແຈ້ງບຸກຄົນ
(ທ້າວສົມ ບັດ ສົມພອນ) ສູນ ຫາຍ ສີເຫລືອງ ແລະ ອົງການຕຳຫລວດສາກົນ
ກໍໄດ້ອອກເອກະສານເປັນໃບແຈ້ງບຸກຄົນ (ທ້າວ ສົມບັດ ສົມພອນ) ສູນຫາຍ ສີເຫລືອງ
ໃນວັນທີ 23 ເມສາ 2013 ອອກສື່ມວນຊົນ ລວມທັງລົງອິນເຕີເນັດ, ຕິດ ຕາມຜົນ
ທີ່ເຈົ້າໜ້າທີ່ຕຳຫລວດສາກົນລາວ ໄດ້ເຮັດໜັງສືແຈ້ງເຖິງບັນ
ດາປະເທດສະມາຊິກຕຳຫລວດສາກົນ ແລະ ຕຳຫລວດອາຊຽນ ຊ່ວຍຊອກຫາຂໍ້ມູນ ແລະ ຕົວ
ທ້າວ ສົມບັດ ສົມພອນ ຊຶ່ງກໍໄດ້ຮັບແຈ້ງຕອບຈາກຕຳຫລວດສາ ກົນ 06 ປະເທດຄື:
ປະເທດຍີ່ປຸ່ນ, ອິນເດຍ ແລະ ຝຣັ່ງ ສະເໜີໃຫ້ຕຳ ຫລວດລາວ
ສະໜອງຂໍ້ມູນທີ່ຈຳເປັນ ເພື່ອເປັນບ່ອນອີງໃນການຊອກຫາເຊັ່ນ:
ເລກໜັງສື່ຜ່ານແດນ ແລະ ບັດປະຈຳຕົວ ຂອງທ້າວ ສົມບັດ ສົມພອນ
ຊຶ່ງເຈົ້າໜ້າທີ່ຕຳຫລວດສາກົນລາວ ໄດ້ສົ່ງຂໍ້ມູນດັ່ງກ່າວໃຫ້ປະເທດ ສະເໜີມານັ້ນແລ້ວ,
ປະເທດ ສ. ເກົາ ຫລີ ໄດ້ແຈ້ງວ່າ: ຜ່ານການກວດ ກາພົບວ່າ ໃນວັນທີ 9 ພະຈິກ
2012 ທ້າວ ສົມບັດ ສົມພອນ ໄດ້ເດີນທາງອອກຈາກປະເທດ ສ. ເກົາຫລີ ແລະ ມາປະເທດໄທ, ສະ ຫະລັດ ອາເມລິກາແຈ້ງວ່າ:
ນັບແຕ່ໄດ້ຮັບໜັງສືສະເໜີ ກໍໄດ້ບັນ ທຶກເຂົ້າໃນບັນຊີຕິດຕາມ
ການເຂົ້າ-ອອກເມືອງ ຂອງເຈົ້າໜ້າທີ່ອາເມລິກາ, ປະເທດສະເປນແຈ້ງ ວ່າ:
ຜ່ານການກວດກາບໍ່ພົບເຫັນ, ໃນວັນທີ 24/4/2013 ໄດ້ເຊີນນາງ ອຶງ ຊຸຍມິງ
ຜູ້ມາແຈ້ງຄວາມການ ຫາຍຕົວຂອງທ້າວ ສົມບັດ ສົມພອນ
ມາຮັບຊາບຜົນຂອງການສືບສວນ-ສອບສວນຜ່ານມາ ແລະ
ໄດ້ສືບຕໍ່ພ້ອມກັນເກັບກຳຂໍ້ມູນຂ່າວສານຕື່ມອີກ. ນອກນັ້ນ
ຄະນະຮັບຜິດຊອບຄະດີຍັງໄດ້ພົບ ແລະ ໃຫ້ຄຳອະທິບາຍ ຊີ້ແຈ້ງ ກ່ຽວກັບບັນຫານີ້
ຕໍ່ທ່ານທີ່ສົນໃຈ ບັນດາຜູ້ຕາງໜ້າສະຖານທູດຕ່າງ ປະເທດ ປະຈຳ ສປປ. ລາວ.
ທັງໝົດນັ້ນ ໄດ້ສະແດງເຖິງຄວາມເອົາໃຈໃສ່ ຢ່າງມີຄວາມຮັບຜິດ ຊອບສູງ
ຂອງການນຳກະຊວງປ້ອງກັນຄວາມສະຫງົບ ກໍຄື ກົມໃຫຍ່ຕຳ ຫລວດ
ໃນການຊີ້ນຳຕໍ່ການສືບສວນ-ສອບສວນ ຊອກຫາຕົວທ້າວ ສົມບັດ ສົມພອນ
ຂອງຄະນະຮັບຜິດ ຊອບດຳເນີນຄະດີ ໃຫ້ດຳເນີນໄປເປັນປົກກະຕິ
ຕາມຫລັກການວິຊາສະເພາະ ແລະ ລະບຽບກົດໝາຍຂອງ ສປປ. ລາວ.
ມາຮອດປັດຈຸບັນຍັງບໍ່ທັນພົບເຫັນຕົວຜູ້ກ່ຽວເທື່ອ
ຊຶ່ງຄະນະຮັບຜິດຊອບດຳເນີນຄະດີພວກຂ້າພະເຈົ້າ ກໍໄດ້ມີແຜນສືບຕໍ່ດຳເນີນການສືບສວນ-ສອບສວນ
ເກັບກຳຂໍ້ມູນ, ກວດກາ ພິສູດແຫລ່ງຂ່າວ, ຂໍ້ມູນຕ່າງໆນຳບຸກຄົນ,
ພາກສ່ວນຕ່າງໆຢູ່ພາຍໃນ ແລະ ຕ່າງປະເທດຕື່ມຕາມພະລະບົດ ບາດ ໜ້າທີ່
ທີ່ໄດ້ຮັບມອບໝາຍ. ດັ່ງນັ້ນ ຈຶ່ງແຈ້ງມາຍັງທຸກພາກ ສ່ວນ, ທຸກອົງການຈັດຕັ້ງພາຍໃນ
ແລະ ຕ່າງປະເທດຊາບ ຖ້າຫາກໃຜມີແຫລ່ງຂ່າວ, ຂໍ້ມູນຫລັກຖານໃດໆ
ກ່ຽວຂ້ອງກັບບັນຫາດັ່ງກ່າວນີ້ແມ່ນໃຫ້ພົວພັນກັບເຈົ້າໜ້າທີ່ຕຳຫລວດເມືອງ,
ແຂວງ ແລະ ນະຄອນຫລວງ ໃນຂອບເຂດທົ່ວປະເທດ
ເພື່ອມີສ່ວນຮ່ວມໃນການແກ້ໄຂບັນຫາດັ່ງກ່າວນີ້ ໃຫ້ສຳເລັດໄປດ້ວຍດີ.
No comments:
Post a Comment