ອີງຕາມການລາຍງານຂ່າວຈາກເວັບໄຊເມເນເຈີອອນລາຍຂອງໄທ
ເມື່ອວັນທີ 5 ກໍລະກົດນີ້ວ່າ: ເຈົ້າໜ້າທີ່ຕຳຫລວດນະ ຄອນບານ ສົມທົບກັບເຈົ້າໜ້າທີ່ຄະນະປະຕິບັດງານປາບປາມຢາເສບຕິດ
ໄດ້ຖະແຫລງຂ່າວກັກຜູ້ຕ້ອງຫາສອງແມ່ລູກຄົນລາວທີ່ພວມຂົນຢາເສບຕິດປະເພດຢາບ້າ
ຄືນາງ ພອນຫົມມາ ຫລື ລີ ອາຍຸ 46 ປີ ແລະ ລູກຊາຍອາຍຸ 17 ປີ ຫລັງທັງສອງຄົນໃຊ້ລົດກະບະຍີ່ຫໍ້ນິສັນສີຂາວ
ໝາຍເລກທະບຽນ 1284 ນະຄອນຫລວງວຽງຈັນ ຂົນຢາບ້າຈຳນວນ 2 ແສນເມັດ ເຂົ້າໄປຝັ່ງໄທຜ່ານດ່ານຂົວມິດ
ຕະພາບວຽງຈັນ-ໜອງຄາຍ ໂດຍຢາບ້າຈຳນວນດັ່ງກ່າວຖືກເຊື່ອງໄວ້ຢູ່ຖົງພາຍ 2 ໜ່ວຍ
ແລະ ເບາະນັ່ງດ້ານຫລັງຄົນຂັບລົດດັ່ງກ່າວ.
ເຈົ້າໜ້າທີ່ປາບປາມຢາເສບຕິດຂອງໄທ ກ່າວວ່າ:
ຜູ້ຕ້ອງຫາດັ່ງກ່າວຖືກກັກໄດ້ຢູ່ສະຖານທີ່ຈອດລົດຂອງຮ້ານສັບພະສິນ ຄ້າໂລຕັສ
ຢູ່ແຂວງໜອງຄາຍ ແລະ ການຈັບກຸມຜູ້ຕ້ອງຫາຄັ້ງນີ້ເປັນຜົນມາຈາກການຈັບກຸມຜູ້ມົ້ວສຸມ
ແລະຄ້າຂາຍຢາເສບຕິດລາຍຍ່ອຍຢູ່ຝັ່ງໄທ ແລະ ໄດ້ຂະຫຍາຍຜົນຊັກທອດເຖິງຂະບວນການຄ້າຢາເສບຕິດຂ້າມຊາດ
ແລະ ສືບຮູ້ວ່າຈະມີການຂົນສົ່ງຢາບ້າເປັນຈຳນວນຫລາຍເຂົ້າໄປປະເທດໄທ ຈຶ່ງໄດ້ວາງກຳລັງ
ແລະ ສາມາດຈັບກຸມຜູ້ຕ້ອງຫາໄດ້ຄືດັ່ງກ່າວ.
ຜ່ານການສືບສວນ-ສອບສວນຂອງເຈົ້າໜ້າທີ່,ຜູ້ຕ້ອງຫາຮັບສາ
ລະພາບວ່າ: ຢາເສບຕິດຈຳນວນນີ້ແມ່ນໄດ້ຮັບຄຳສັ່ງຈາກຂະ ບວນການຄ້າຂາຍຢາເສບຕິດລາຍໃຫຍ່ຢູ່ລາວ
ເພື່ອໃຫ້ຂັບລົດມາສົ່ງຢາບ້າຢູ່ຈຸດດັ່ງກ່າວ ເຊິ່ງ ຫ່າງຈາກດ່ານຊາຍແດນປະມານ
2 ກິໂລແມັດ ກ່ອນຈະມີຄົນມາຮັບເອົາໄປບາງກອກ ໂດຍໄດ້ຮັບຄ່າຈ້າງ 2 ໝື່ນບາດ
(ສະກຸນເງິນໄທ).
No comments:
Post a Comment